ພວກນັກລົບສະໜັບສະໜູນລັດຖະບານໃນເຢເມນ ລາຍງານ
ວ່າ ເຂົາເຈົ້າໄດ້ສັງຫານຜູ້ນຳຂັ້ນສູງຂອງກຸ່ມ al-Qaida ຄົນໜຶ່ງ
ພ້ອມດ້ວຍຢ່າງໜ້ອຍພວກຫົວຮຸນແຮງອີກສອງຄົນ.
ທ້າວ Ali Abed al-Rab bin Talab ທີ່ຮູ້ກັນດີໃນຊື່ Abu
Anwar ໄດ້ເປັນຫົວໜ້າສານທີ່ຕັ້ງຂື້ນມາໂດຍກຸ່ມ al-Qaida
ໃນແຂວງ Hadramawt ຊຶ່ງເປັນ ແຂວງໃຫຍ່ທີ່ສຸດໃນເຢເມນ
ທີ່ກຸ່ມຫົວຮຸນແຮງໄດ້ຄວບຄຸມເປັນສ່ວນໃຫຍ່ນັ້ນ.
ບັນດາເຈົ້າໜ້າທີ່ເຢເມນ ກ່າວວ່າ ຂະບວນລົດ ທ້າວ Abu
Anwar ໄດ້ມຸ້ງໜ້າສູ່ນະຄອນ Aden ເມືອງທ່າໃນພາກໃຕ້ຂອງ
ເຢເມນ.
ພວກຫົວຮຸນແຮງທີ່ພົວພັນກັບກຸ່ມ Al-Qaida ແລະລັດອິສລາມ ໄດ້ສວຍໃຊ້ຄວາມວຸ້ນ
ວາຍໃນສົງຄາມກາງເມືອງຢູ່ເຢເມນເພື່ອຂະຫຍາຍອິດທິພົນຂອງຕົນ ເຂົ້າໄປສູ່ເມືອງທ່າ
ຍຸດທະສາດດັ່ງກ່າວ ບ່ອນທີ່ການໂຈມຕີຂອງພວກຫົວຮຸນຕໍ່ ພວກສະໜັບສະໜູນລັດ
ຖະບານ ໄດ້ເພີ້ມທະວີຂື້ນໃນໄລຍະບໍ່ເທົ່າໃດເດືອນທີ່ຜ່ານມານີ້.
ກຸ່ມ Al-Qaida ສາຂາເຢເມນ ໄດ້ຖືກພິຈາລະນາໂດຍວໍຊິງຕັນ ວ່າເປັນສາຂາຂອງຕາ
ໜ່າງກໍ່ການຮ້າຍ ທີ່ເປັນອັນຕະລາຍທີ່ສຸດ.
ວິກິດການໃນເຢເມນ ໄດ້ລະເບີດຂື້ນໃນປີ 2014 ເວລາພວກກະບົດ Houthi ໄດ້ຍຶດເອົາ
ນະຄອນຫລວງ Sana’a ຊຶ່ງບັງຄັບໃຫ້ລັດຖະບານປະທານາທິບໍດີ Abdu Rabu
Mansour Hadi ຕ້ອງໄດ້ຫລົບໜີໄປຍັງນະຄອນ Aden ເປັນ ບ່ອນທຳອິດ ແລະຫລັງ
ຈາກນັ້ນ ກໍໄປລີ້ໄພຢູ່ຊາອຸດີ ອາຣາເບຍ ເວລາພວກກະ ບົດເຂົ້າຄວບຄຸມເມືອງທ່າ
ດັ່ງກ່າວ.
ກຳລັງເຢເມນ ທີ່ສະໜັບສະໜູນໂດຍການໂຈມຕີທາງອາກາດ ພາຍໃຕ້ການນຳ ພາຂອງ
ຊາອຸດີ ນັບແຕ່ນັ້ນມາ ໄດ້ເຂົ້າຍຶດເອົາເມືອງທ່າ Aden ຄືນມາ ແຕ່ວ່າ ນະຄອນຫລວງ
Yemen ຍັງຕົກຢູ່ພາຍໃຕ້ການຄວບຄຸມຂອງພວກກະບົດ.
