ທ່ານຜູ້ຟັງທີ່ເຄົາລົບ ໃນລາຍການຊີວິດຊາວລາວປະຈຳແລງວັນພະຫັດມື້ນີ້
ເຮົາຈະນຳເອົາການສຳພາດກັບທ່ານແສງທອງ ດວງດາຣາ ອະດີດນັກວິຊາການແນະ
ນຳອົບຮົມດ້ານຈິດໃຈ ທີ່ໄດ້ປ່ຽນອາຊີບມາເປັນພໍ່ຄົວສ່ວນໂຕ ໃຫ້ແກ່ພວກດາຣາຮູບ
ເງົາ ແລະອື່ນໆຢູ່ໃນນະຄອນລອສແອນເຈີລິສ ລັດຄາລີຟໍເນຍ. ທ່ານແສງທອງ ສຳເລັດ
ການສຶກສາປະລິນຍາໂທ ຝ່າຍຈິດຕະແພດ ແຕ່ ເປັນຫຍັງທ່ານຈຶ່ງໄດ້ປ່ຽນວິຊາອາຊີບ
ມາເປັນພໍ່ຄົວສ່ວນໂຕ ຫຼື personal chef ນັ້ນ ກິ່ງສະຫວັນ ຈະນຳເອົາການໂອ້ລົມກັບ
ທ່ານແສງທອງມາສະເໜີທ່ານ.
ການປ່ຽນວິຊາອາຊີບຢູ່ໃນສະຫະລັດ ເປັນຂອງທຳມະດາ ບໍ່ວ່າບຸກຄົນດັ່ງກ່າວສຳເລັດ
ການສຶກສາຢູ່ໃນຂະແໜງໃດໆກໍຕາມ. ທ່ານແສງທອງ ດວງດາຣາ ຮຽນຈົບປະລິນຍາ
ໂທຝ່າຍໃຫ້ຄຳແນະນຳດ້ານຈິດໃຈ ມີໜ້າທີ່ຊ່ວຍບັນດາຜູ້ມີບັນຫາດ້ານໂຣກຈິດ ຫຼື “Counseling Psychology.” ໜ້າທີ່ການດັ່ງກ່າວນີ້ເປັນ ໜ້າທີ່ຂອງນັກວິຊາການ.
ຫຼັງຈາກໄດ້ເຮັດວຽກນີ້ມາເປັນເວລາຫ້າປີ ແສງທອງຮູ້ສຶກບໍ່ມັກ ແລະໄດ້ຕັດສິນໃຈລາ
ອອກມາເປັນພໍ່ຄົວ. ການຄົວກິນແມ່ນວຽກງານທີ່ແສງທອງມັກມາແຕ່ໃດ ແລະມີຄວາມ
ຄວາມມ່ວນຊື່ນກັບການຄົວກິນ. ໃນເວລາຍັງເປັນນັກຮຽນຢູ່ນັ້ນ ແສງທອງມັກຄົວກິນ
ໃຫ້ບັນດາໝູ່ເພື່ອນ ໄດ້ຮັບປະທານ ກັນເປັນປະຈຳ. ການຄົວກິນແມ່ນຊີວິຈິດໃຈ ສຳລັບ
ແສງທອງແລ້ວ ແມ່ນການພັກຜ່ອນຢ່ອນອາຣົມ ທີ່ໄດ້ລາຍບາຍອອກມາເຖິງລົດຊາດຂອງຄວາມແຊບນົວ. ແສງທອງໄດ້ເຂົ້າມາຕັ້ງຊິວິດໃໝ່ ກັບຄອບຄົວ ເວລາອາຍຸສອງປີ ແລະ
ໄດ້ເຕີບໃຫຍ່ຢູ່ໃນສະຫະລັດ ແສງທອງສາມາດປາກເວົ້າພາສາລາວໄດ້ດີສົມຄວນ ແລະ
ໄດ້ໂອ້ລົມກັບ ວີໂອເອ ດັ່ງນີ້:
ແສງທອງ ມີພື້ນຖານການສຶກສາສູງ ເພາະສະນັ້ນການຄົ້ນຄົ້ວ ຊອກຫາທາງປັບປຸງອາ
ຫານພື້ນເມືອງລາວ ໃຫ້ເຂົ້າກັບບັນຍາກາດລະດັບສັງຄົມ ແມ່ນພິກໄຫວ ແລະພອນ
ສະຫວັນອັນປະເສີດ ທີ່ໄດ້ກາຍມາຮູ້ຈັກຢູ່ໃນວົງການສັງຄົມດາຣາຣາໂຮລີວູດ ດາຣາ
ບານບ້ວງ ແລະບຸກຄົນສຳຄັນອື່ນໆທີ່ແສງທອງບໍ່ສາມາດເປີດເຜີຍຊື່ ແລະໄດ້ກ່າວດັງນີ້:
ຄວາມລີ້ລັບອາຫານພື້ນເມືອງລາວ ບັດນີ້ໄດ້ກາຍມາເປັນທີ່ຮູກັນຫຼາຍຂຶ້ນ ຢູ່ໃນວົງການ
ສັງຄົມຕ່າງໆ ຢ່າງບໍ່ຄາດຝັນ ດັ່ງທີ່ແສງທອງໄດ້ກ່າວເຖິງຕອນນີ້ວ່າ:
ການເປັນພໍ່ຄົວສ່ວນໂຕ ແມ່ນວິຊາອາຊີບທີ່ມີກຽດ ຊຶ່ງພວກລູກຄ້າສ່ວນຫຼາຍເປັນຜູ້ມີຖານະດ້ານການເງິນ ໜ້າທີ່ວຽກການ ແລະເປັນຜູ້ມີຊື່ສຽງ. ແສງທອງ ດວງດາຣາ ແມ່ນຄົນ
ລາວອາເມຣິກັນ ເກີດຢູ່ສູນອົບພະຍົບ ນະຄອນພະນົມ ປະເທດໄທ. ຄອບຄົວໄດ້ຍ້າຍ
ເຂົ້າມາຕັ້ງຖິ່ນຖານຢູ່ລັດວິສຄອນຊິລ ໃນຊຸມປີ 1980 ເວລານັ້ນມີອາຍຸໄດ້ 2 ປີ. ແສງ
ທອງສຳເລັດການສຶກສາຊັ້ນສູງ ແຕ່ນັ້ນ ບໍ່ໄດ້ເປັນທີພໍໃຈ ໄດ້ຕິດຕາມນຳຫາການເປັນພໍ່
ຄົວ ຈົນໄດ້ຮັບຜົນສຳເລັດ ແລະນັ້ນແມ່ນຄວາມຝັນຂອງອາເມຣິກັນ.
