ລິ້ງ ສຳຫລັບເຂົ້າຫາ

“ສາວບໍ່​ແກ້ວ” ​ໂດຍ ແສງດາວີ ຊຸບເປີສອງສີ

  • ວັນນະສອນ ແກ້ວດາຣາ

ແສງດາວີ ຊຸບເປີສອງສີ ຮ້ອງຄູ່ກັບ ບຸນເກີດ ໜູຫ່ວງ

ກ່ອນອື່ນ ວັນນະສອນຕ້ອງຂໍໂທດດ້ວຍທີ່ອາທິດແລ້ວນີ້
ບໍ່ໄດ້ເອົາລາຍການເພງຂອງອາທິດກ່ອນ ມາລົງເວັບໄຊ້ທ໌
ໃຫ້ບັນດາທ່ານໄດ້ຟັງກັນ ເພາະວ່າບໍ່ໄດ້ມາການສອງມື້
ຍ້ອນບໍ່ສະບາຍ. ແນວໃດກໍຕາມ ມື້ນີ້ກໍໄດ້ເອົາມາລົງໃຫ້
ໄດ້ຟັງກັນແລ້ວ ຜົນງານຂອງແສງດາວີ ຊຸບເປີສອງສີ
ແລະບຸນເກີດ ໜູຫ່ວງ.

ເພງ “ສາວບໍ່​ແກ້ວ” ນີ້ຈັດໃຫ້ຕາມຄໍາຂໍຂອງນ້ອງສົມ
ເໝາະທີ່ຂຽນເຂົ້າມາເພື່ອມອບໃຫ້ນ້ອງຊາຍ ຊື່ ກິ ນັກສຶກ
ສາທີ່ອ໊ອສເຕເລຍ ເອື້ອຍວັນນະສອນຫວັງວ່າພໍນ້ອງກິໄດ້
ຟັງ​ເພງ“ສາວບໍ່​ແກ້ວ” ນີ້ແລ້ວຮີບຍົກໂທລະສັບໄປຂອບໃຈ
ສົມເໝາະ ທີ່ຄອຍເປັນຫ່ວງເປັນໄຍ ທັງເອົາໃຈໃສ່ສົ່ງຄວາມຮູ້ສຶກທີ່ດີໃຫ້ນ້ອງກິ ເພື່ອທີ່
ຈະໄດ້ຮໍ່າຮຽນໃຫ້ຈົບໄວໆ ເອື້ອຍວັນນະສອນຂໍເອົາໃຈຊ່ອຍອີກເເຮງນຶ່ງ ຫຼັງຈາກທີ່ຟັງ
ເພງສາວບໍ່ແກ້ວແລ້ວ ກໍເລີຍເຮັດໃຫ້ວັນນະສອນຢາກຈະນໍາສະເໜີເພງ "ບໍ່​ແກ້ວທີ່ຝັງໃຈ"
ຊຶ່ງເປັນເພງຮ້ອງຕອບເພງ ສາວບໍ່​ແກ້ວ ທີ່ປະພັນໂດຍ ບຸນຍົງ ມິ່ງອາລຸນ ທັງ​ສອງ​ເພງ
ແລະຂັບຮ້ອງໂດຍ ບຸນເກີດ ໜູຫ່ວງ. ເອົາ ວັນນະສອນຂໍມອບໃຫ້ແກ່ທ່ານຜູ້ຟັງທຸກໆ
ທ່ານ ໂດຍສະເພາະບັນດາທ່ານທີ່ຂຽນທັງ ຈມ ແລະ email ພ້ອມທັງຂຽນຂໍ້ຄວາມທີ່​
ຝາກໄວ້ໃນ VOA website.

ເພງ "ບໍ່​ແກ້ວທີ່ຝັງໃຈ" ໂດຍ ບຸນເກີດ ໜູຫ່ວງ

ວັນນະສອນຂໍອໍາລາດ້ວຍເພງນີ້ ເປັນໜ້າຮັກໆຂອງກຸ່ມສາວນ້ອຍ ສຽງໃສ Genii
ຈາກ ສປປ ລາວ ເພື່ອເອົາໃຈສາວນ້ອຍທັງຫຼາຍ ເພາະວ່າວັນນະສອນຄົງຕ້ອງຍອມ
ໃຈອ່ອນແລ້ວລະ ຕາມ​ຊື່​ຂອງ​ເພງ "ຍອມໃຈອ່ອນ" ເພື່ອແຟນລາຍການສຽງເພງ
ຈາກແດນໄກເທົ່ານັ້ນ. ຫັວງວ່າຄົງຈະບໍ່ເຮັດໃຫ້ວັນນະສອນຈັດເພງເກີ້ ຢູ່ຕາມລໍາພັງ
ຄົນດຽວ ມາຊ່ອຍເປັນແຮງໃຈ, ຂຽນ email ແລະຈມ ເຂົ້າມາດ້ວຍ ແລະທີ່ສໍາຄັນສຸດ ກໍຄືນອນຟັງເພງມວ່ນໆແລະສະບາຍໆກັບວັນນະສອນ relax ໃນວັນທ້າຍສັບປະດາ
ນໍາກັນ ແຫ່ງນີ້ແຫ່ງດຽວ ລາຍການສຽງງເພງຈາກແດນໄກຂອງ VOA.

ຂໍໃຫ້ທຸກໆທ່ານນອນຫຼັບຝັນດີ

ເພງ: "ຍອມໃຈອ່ອນ" ໂດຍ Genii

ໂດຍ
XS
SM
MD
LG