ການລະບາດຂອງເຊື້ອໄວຣັສອີໂບລາ ໃນເຂດອາຟຣິກາຕາ
ເວັນຕົກ ປັດຈຸບັນນີ້ໄດ້ແຜ່ລາມໄປສູ່ ປະເທດເຊເນການ ທີ່
ໄດ້ປະກາດກ່ຽວກັບກໍລະນີທຳອິດໃນວັນສຸກວານນີີ້.
ລັດຖະມົນຕີ ສາທາລະນະສຸກ ທ່ານນາງ Awa Marie Coll
Seck ໄດ້ກ່າວຕໍ່ບັນດານັກຂ່າວວ່າ ຜູ້ທີ່ຕິດເຊື້ອເປັນນັກສຶກ
ສາມະຫາວິທະຍາໄລ ຊາວກີເນຍ ທີ່ໄປຮັບການປິ່ນປົວ ຢູ່ໂຮງ
ໝໍເຊເນການແຫ່ງນຶ່ງ ໃນນະຄອນຫລວງ Dakar ໃນອາທິດນີ້.
ທ່ານນາງກ່າວວ່າ ຊາຍໜຸ່ມຄົນດັ່ງກ່າວ ສາລະພາບວ່າໄດ້ສຳ
ຜັດກັບຄົນປ່ວຍຕິດເຊື້ອອີໂອລາ ໃນປະເທດກີເນຍ.
ເຊເນການເປັນປະເທດທີ່ຫ້າທີ່ຜູ້ຕິດເຊື້ອ ໃນການແຜ່ລະບາດອີໂບລາ ຢູ່ໃນຂົງເຂດ ທີ່
ເຮັດໃຫ້ມີຜູ້ເສຍຊີວິດໄປແລ້ວກວ່າ 1,500 ຄົນ ສ່່ວນໃຫຍ່ຢູ່ໃນປະເທດກີເນຍ ໄລບີ
ເຣຍ ແລະ ຊີແອຣາເລອອນ.
ອົງການອານະໄມໂລກ ໄດ້ເຕືອນໃນວັນສຸກວານນີ້ວ່າ ການແຜ່ລະບາດເປັນເວລາຫົກ
ເດືອນທີ່ຜ່ານມາ ກຳລັງເພີ້ມທະວີຄວາມຮ້າຍແຮງຂຶ້ນ ໂດຍ 40 ເປີເຊັນຂອງກໍລະນີຕິດ
ເຊື້ອທັງໝົດ ແມ່ນມີຂຶ້ນໃນລະຍໄ 21 ມື້ທີ່ຜ່ານມານີ້.
ພາບກ່ຽວກັບ ການລະບາດ ຂອງອີໂບລາ
ໃນວັນສຸກວານນີ້ ບັນດານັກວິທະຍາສາດກ່າວວ່າ ຢາທົດລອງປົວພະຍາດອີໂບລາ ໄດ້
ປິ່ນປົວພວກລີງທີ່ຕິດເຊື້ອທັງໝົດ ຢູ່ໃນຫ້ອງແລັບຫຼືຫ້ອງທົດລອງ 18 ແຫ່ງ. ບັນດານັກ
ວິທະຍາສາດກ່າວວ່າ ແມ່ນແຕ່ພວກລີງທີ່ໄດ້ຮັບການປິ່ນ ປົວດ້ວຍຢາ ZMapp ຫ້າມື້ຫລັງຈາກຕິດເຊື້ອແລ້ວ ກໍລອດຊີວີດມາໄດ້.
