ສານສູງສຸດຂອງອົງການສະຫະປະຊາຊາດໄດ້ສັ່ງໃຫ້ Senegal ດຳເນີນຄະດີອະດີດປະທາ
ນາທິບໍດີຂອງ Chad ທ່ານ Hissene Habre ໃນຂໍ້ຫາຂ້າລ້າງເຊື້ອຊາດເຜົ່າພັນ ຫລືບໍ່ດັ່ງ
ນັ້ນກໍໃຫ້ສົ່ງຕົວຜູ້ກ່ຽວໃຫ້ສະຫະປະຊາຊາດ ໂດຍປາດສະຈາກການຊັກຊ້າໃດໆ.
ສານໂລກ ທີ່ນະຄອນ Hague ໄດ້ອອກຄຳຕັດສິນ ໃນວັນສຸກວານນີ້ນີ້ ເພື່ອເປັນການສະ
ໜອງຕອບ ຕໍ່ການຮ້ອງຂໍຂອງ Belgium ທີ່ຢາກຟ້ອງຮ້ອງທ່ານ Habre ໃນຂໍ້ຫາກໍ່ໂທດ
ກຳຕ້ານມະນຸດຊາດ.
ຄະນະກໍາມະການຄົ້ນຄວ້າຫາຄວາມຈິງຂອງ Chad ກ່າວວ່າ ທ່ານ Habre ເປັນຜູ້ຮັບຜິດ
ຊອບຕໍ່ ການທໍລະມານແລະການເສຍຊີວິດຂອງປະຊາຊົນຢ່າງໜ້ອຍ 40,000 ຄົນຍ້ອນມີ
ຈຸດປະສົງທາງດ້ານການເມືອງ. ຄະນະກໍາມະການດັ່ງກ່າວ ເວົ້າວ່າ ການກ່າວຫາກ່ຽວກັບ
ການລ່ວງລະເມີດທີ່ວ່ານີ້ ມີຂື້ນໃນລະຍະ 8 ປີ ລະຫວ່າງການປົກຄອງຂອງທ່ານທີ່ເລີ້ມຂຶ້ນ
ໃນປີ 1982.
ທ່ານ Habre ໄດ້ເຂົ້າໄປອາໄສຢູ່ໃນປະເທດ Senegal ນັບຕັ້ງແຕ່ໄດ້ທ່ານໄດ້ຖືກໂຄນລົ້ມ
ໂດຍທ່ານ Idriss Deby ປະທານາທິບໍດີຄົນປັດຈຸບັນຂອງ Chad.