ຄະນະກໍາມະການສະພາສູງຂອງສະຫະລັດ ທີ່ສືບສວນຄະດີກ່າວຫາວ່າ ຣັດເຊຍແຊກ
ແຊງເຂົ້າໃນການເລືອກຕັ້ງຂອງສະຫະລັດຄັ້ງຫລ້າສຸດຜ່ານມານີ້ ໄດ້ສັ່ງໃຫ້ບັນດາອະ
ດີດຜູ້ຊ່ວຍປະທານາທິບໍດີ ດໍໂນລທຣໍາ ທັງຫລາຍໃຫ້ມອບຂໍ້ມູນຕ່າງໆ ທີ່ອາດກ່ຽວຂ້ອງ
ກັບ ຄົນຣັດເຊຍ. ນຶ່ງໃນຈໍານວນຄົນທີ່ກໍາລັງຖືກຕິດຕາມກວດກາກໍຄື ທ່ານ Carter
Page, ອະດີດທີ່ປຶກສາ ດ້ານນະໂຍບາຍຕ່າງປະເທດຂອງທ່ານທຣໍາ ໄດ້ຕອບໂຕ້ຄືນ
ຢ່າງໜັກຕໍ່ຄະນະກໍາມະການ ດ້ານການສືບລັບປະຈໍາສະພາສູງຂອງສະຫະລັດ ໂດຍ
ຂຽນຢູ່ໃນຈົດໝາຍສະບັບນຶ່ງ ທີ່ເປີດເຜີຍໃຫ້ຄົນທົ່ວໄປຮູ້ໃນວັນສຸກວານນີ້ ໂດຍເອີ້ນ
ການສືບສວນວ່າເປັນ"ການສອບຖາມພໍໃຫ້ມັນຄື ທີ່ເປັນໜ້າຢາກຫົວ."
ທ່ານ Page ເວົ້າຢູ່ໃນຈົດໝາຍຂອງທ່ານວ່າ ຖ້າຫາກສະມາຊິກຂອງຄະນະກໍາມະການ
ຢາກໄດ້ລາຍລະອຽດກ່ຽວກັບການຕິດຕໍ່ສື່ສານຂອງທ່ານກັບຄົນຣັດເຊຍ ພວກເຂົາເຈົ້າ
ຄວນ ໄປຖາມອະດີດປະທານາທິບໍດີ ບາຣັກ ໂອບາມາພຸ້ນ. ເອກະສານທີ່ທ່ານມີແມ່ນ
"ສິ່ງເລັກໆ ນ້ອຍໆ" ເມື່ອທຽບໃສ່ກັບຂໍ້ມູນທີ່ຄະນະລັດຖະບານຂອງທ່ານໂອບາມາເກັບ
ກໍາເອົາ ຊຶ່ງເປັນສ່ວນນຶ່ງຂອງສິ່ງທີ່ທ່ານເອີ້ນວ່າ ຄໍາສັ່ງລັບ "ທີ່ບໍ່ມີເຫດຜົນຫຍັງໝົດ"
ໃຫ້ຄົນຄອຍຕິດຕາມ ຊິ້ງຊອມເບິ່ງທ່ານ.
ຄະນະກໍາມະການສະພາສູງຂອງສະຫະລັດ ຍັງໄດ້ຂໍເອົາບົດບັນທຶກຈາກທ່ານ Paul Manafort ອະດີດປະທານກໍາມະການໂຄສະນາຫາສຽງຂອງທ່ານທຣໍາ, ທ່ານ Roger
Stone ອະດີດທີ່ປຶກສາຂອງທ່ານທຣໍາ, ແລະຈາກທ່ານ Michael Flynn ອະດີດທີ່ປຶກ
ສາ ດ້ານຄວາມໝັ້ນຄົງແຫ່ງຊາດຂອງທ່ານທຣໍາ ຊຶ່ງເປັນສ່ວນນຶ່ງໃນການສືບສວນ ດັ່ງ
ກ່າວ.
ທັງຄະນະກໍາມະການ ດ້ານການສືບລັບປະຈໍາສະພາສູງ ແລະສະພາຕໍ່າຂອງສະຫະລັດ
ພ້ອມທັງເຈົ້າໜ້າທີ່ FBI ກໍາລັງດໍາເນີນການສືບສວນເບິ່ງຄວາມພະຍາຍາມຂອງຣັດເຊຍ
ທີ່ຈະສົ່ງອິດທິພົນຕໍ່ການເລືອກຕັ້ງປະທານາທິບໍດີສະຫະລັດໃນປີ 2016.
ອ່ານຂ່າວນີ້ເພີ້ມເປັນພາສາອັງກິດ
