ການສຶກສາກ່ຽວກັບເອກກະສານລັບທີ່ຫາກໍມີການເປີດເຜີຍໃຫ້ຊາບ ທີ່ໄດ້ຖຶກ
ຄົ້ນພົບຢູ່ໃນເຮືອນຂອງນາຍ Bin Laden ຢູ່ປາກິສຖານ ຫລັງຈາກທີ່ລາວໄດ້
ເສຍຊີວິດໄປແລ້ວໃນປີກາຍນີ້ ໄດ້ສະແດງໃຫ້ເຫັນຮ່ອງຮອຍ ໃນເວລານັ້ນ ເຖິງ
ອັນທີ່ປະກົດວ່າ ເປັນຄວາມຍຸ່ງຍາກໃນຄວາມສໍາພັນ ລະຫວ່າງແກນນຳ ຂອງ
ກຸ່ມ al-Qauda ແລະກຸ່ມຕ່າງໆທີ່ຮວມຢູ່ໃນເຄືອຂ່າຍ.
ເອກກະສານໃນຮູບຂອງຈົດໝາຍຕ່າງໆ ທີ່ໄດ້ຖືກວິໃຈແລະເປີດເຜີຍ ໃຫ້ຊາບ
ໂດຍສະຖາບັນຂອງກອງທັບສະຫະລັດ ໃນວັນພະຫັດວານນີ້ ສະແດງໃຫ້ເຫັນວ່າ
ມື້ລາງຜູ້ນໍາກຸ່ມກໍ່ການຮ້າຍ al-Qaida ມີຄວາມ ຫງຸດຫງິດບໍ່ພໍໃຈນໍາຍຸດທະສາດ
ແລະກົນລະຍຸດຂອງບັນດາກຸ່ມກໍ່ການ ຮ້າຍຕ່າງໆ ໃນພາກຕາເວັນອອກກາງ
ແລະອາຟຣິກາເໜືອ ຕະຫຼອດ ທັງການທີ່ຜູ້ກ່ຽວ ບໍ່ສາມາດກຸ່ມຕ່າງໆເຫຼົ່ານີ້ໄດ້.
ນຶ່ງໃນຈໍານວນຂອງບັນດານັກຂຽນທີ່ເຂົ້າຮ່ວມການສຶກສາ ທ່ານນາງ Nelly
Lahoud ກ່າວວ່າ ນາຍ Bin Laden ໄດ້ສະແດງໃຫ້ເຫັນເຖິງການປະເຊີນໜ້າ
ກັບກຸ່ມກໍ່ການຮ້າຍລຸ້ນໃໝ່ຢູ່ໃນຂົງເຂດ. ທ່ານນາງ Lahoud ກ່າວອີກວ່ານາຍ
Bin Laden ຕ້ອງການຢາກໃຫ້ເຄືອຂ່າຍ ກຸ່ມກໍ່ການຮ້າຍເຫຼົ່ານີ້ ເພັ່ງເລັງການ
ດຳເນີນຄວາມພະຍາຍາມຂອງເຂົາ ເຈົ້າໃສ່ສະຫະລັດ ແລະລາວຍັງໄດ້ສະແດງ
ຄວາມບໍ່ພໍໃຈ ທີ່ມີການຂ້າ ຊາວມຸສລິມດ້ວຍກັນ.
ນອກນັ້ນ ຍັງເປັນທີ່ປະກົດວ່າ ນາຍ Bin Laden ຍັງໄດ້ຕຳໜິຕິຕຽນ ຢ່າງແຮງ
ຕໍ່ພວກກໍ່ການຮ້າຍດ້ວຍກັນ ເຊັ່ນນາຍ Anwar al-Awlaki ທີ່ເກີດຢູ່ສະຫະລັດ
ແລະໄດ້ຖືກຂ້າຕາຍໂດຍເຮືອບິນທີ່ບໍ່ມີຄົນຂັບທີ່ ເຢ ເມນໃນປີແລ້ວນີ້ ພ້ອມທັງ
ກຸ່ມຕາລິບານໃນປາກິສຖານ ແລະລາວຍັງບໍ່ ຮັບຮູ້ຕໍ່ພວກທີ່ໃຊ້ການໂຈມຕີ
“ແບບຜູ້ດຽວຕາມລຳພັງ” ໂດຍທົ່ວໄປ.
ຄໍາຖາມທີ່ສຳຄັນອີກອັນນຶ່ງ ທີ່ຍັງບໍ່ທັນໄດ້ຮັບຄຳຕອບນັ້ນກໍຄືນາຍ Bin Laden
ສາມາດລົບລີ້ການການຕາມລ່າໄດ້ຢ່າງໃດ ໃນລະຍະທີ່ອາໄສ ຢູ່ຫລາຍປີ ທີ່
ເມືອງ Abbottabad ໃນພາກເໜືອຂອງປາກິສຖານ ບໍ່ ຫ່າງໄກຈາກສະຖາບັນ
ການສຶກສາຂອງທະຫານນັ້ນ. ລາຍງານຂອງ ທ່ານ Stuart Caudill ຊຶ່ງເປັນ
ຜູ້ຮ່ວມຂຽນ ກ່າວວ່າ ເອກກະສານບໍ່ ໄດ້ບັນທຶກຮ່ອງຮອຍທີ່ວ່າ ສະຖາບັນໃດໆ
ສະມາຊິກຂອງລັດຖະບານ ຫລືກໍາລັງຮັກສາຄວາມປອດໄພ ໃຫ້ການສະໜັບສະ
ໜຸນແກ່ຜູ້ກ່ຽວ. ທ່ານກ່າວອີກວ່າ ໄດ້ມີການອ້າງອີີງກ່ຽວກັບການພົວພັນຂອງ
ໜ່ວຍສືບ ລັບປາກິສຖານພຽງຢ່າງດຽວນັ້ນກໍຄື ການຫລີກລ້ຽງຈາກການຕິດ
ຕາມຫາ.
ເບິ່ງວີດີໂອລາຍງານ ການສັງຫານນາຍບິນລາເດນຍັງມີຜົນກະທົບຕໍ່
ຄວາມສໍາພັນລະຫວ່າງສະຫະລັດກັບປາກິສຖານ ນຶ່ງປີຕໍ່ມາ: