ສະພາຄວາມໝັ້ນຄົງຂອງອົງການສະຫະປະຊາຊາດໄດ້ໃຫ້ການ
ສະໜັບສະໜຸນຕໍ່ການຮຽກຮ້ອງຂອງເລຂາທິການໃຫຍ່ ທີ່ໃຫ້ສົ່ງ
ກັບຄືນປະເທດກຳລັງຮັກສາສັນຕິພາບທີ່ໄດ້ລ່ວງລະເມີດຫຼືສວຍ
ໃຊ້ທາງເພດຜູ້ຄົນທີ່ພວກເຂົາເຈົ້າຖືກສົ່ງໄປປົກປ້ອງຄຸ້ມຄອງນັ້ນ.
ໃນການລົງຄະແນນສຽງ ມີ 14 ປະເທດເຫັນພ້ອມ ປະເທດນຶ່ງບໍ່
ອອກສຽງ ທາງສະພາຄວາມໝັ້ນຄົງ ຈຶ່ງໄດ້ຮັບຮອງເອົາມະຕິດັ່ງ
ກ່າວທີ່ຮ່າງຂຶ້ນໂດຍສະຫະລັດໃນວັນສຸກວານນີ້.
ທ່ານນາງ Samantha Power ເອກອັກຄະລັດຖະທູດສະຫະ
ລັດ ປະຈຳອົງການສະຫະປະຊາຊາດ ຊຶ່ງກ່າວອ້າງອີງ ເຖິງກຳ
ລັງຮັກສາສັນຕິພາບໃນຊື່ຫຼີ້ນວ່າ ສີຟ້າ ຍ້ອນໝວກຂອງພວກເຂົາເຈົ້າ ໂດຍກ່າວວ່າ ມະຕິ
ສະບັບນີ້ໄດ້ສະແດງໃຫ້ເຫັນຢ່າງຈະແຈ້ງວ່າ ນັ້ນແມ່ນໜ້າທີ່ຂອງພວກເຮົາເພື່ອຄ້ຳປະກັນ
ວ່າ ມັນເປັນຄວາມຮັບຜິດຊອບ ເວລາພວກຜູ້ຊາຍ ແມ່ຍິງແລະເດັກນ້ອຍຖືກລ່ວງລະເມີດ
ໂດຍພວກໝວກເຫຼັກສີຟ້າ ທີ່ສະພາດັ່ງກ່າວສົ່ງໄປປົກປ້ອງພວກເຂົາເຈົ້ານັ້ນ.
ໃນເຫດການນຶ່ງ ທີ່ບໍ່ຄ່ອຍໄດ້ເຫັນກັນນັ້ນ ສະມາຊິກສະພາຄວາມໝັ້ນຄົງປະເທດນຶ່ງ ໄດ້ ນຳສະເໜີ ບົດເພີ້ມເຕີມ ຕໍ່ມະຕິສະບັບນີ້ ກ່ອນທີ່ຈະມີການລົງຄະແນນສຽງກັນ. ບົດເພີ້ມເຕີມຂອງອີຈິບອາດເຮັດໃຫ້ການເອົາມາດຕະການຄວາມຮັບຜິດຊອບດັ່ງກ່າວອ່ອນລົງຕໍ່ພວກທີ່ຖືກກ່າວຫາວ່າໄດ້ກະທຳຜິດ ແລະໄດ້ຖືກປະຕິເສດໂດຍບັນດາປະເທດສະມາຊິກ
ອື່ນໆໃນການລົງຄະແນນສຽງທີ່ມີຂຶ້ນຕ່າງຫາກ.
