ບັນດາເຈົ້າໜ້າທີ່ຮັກສາຄວາມປອດໄພ ໄດ້ຍິງຜູ້ຊາຍຄົນນຶ່ງບາດເຈັບສາຫັດຢູ່ນອກທຳ ນຽບຂາວ ໃນນະຄອນຫຼວງວໍຊິງຕັນ ໃນວັນສຸກວານນີ້ ຫລັງຈາກລາວໄດ້ຈັບອາວຸດຍົກ ຂຶ້ນໄປມາ ແລະປະຕິເສດຊໍ້າແລ້ວຊໍ້າອີກ ບໍ່ຟັງຄຳສັ່ງໃຫ້ວາງປືນນັ້ນລົງ.
ເຈົ້າໜ້າທີ່ຄຸ້ມຄອງປະທານາທິບໍດີ ໄດ້ຍິງຜູ້ຊາຍຄົນດັ່ງກ່າວ ລະຫວ່າງທີ່ເກີດເຫດການ ສັບສົນ ຢູ່ປະຕູເຂົ້າບ່ອນນຶ່ງຂອງທຳນຽບຂາວຕໍ່ໜ້າບັນດານັກທ່ອງທ່ຽວແລະບ່ອນທີ່ມີ ຄົນເດີນຜ່ານໄປມາຢ່າງຫລວງຫລາຍນັ້ນ.
ທຳນຽບຂາວໄດ້ອອກຄຳເຕືອນດ້ານຄວາມປອດໄພ ແລະໄດ້ສັ່ງປິດສະຖານທີ່ດັ່ງກ່າວ ເປັນເວລາສັ້ນໆ ແຕ່ວ່າການປະເຊີນໜ້າກັນໃນຕອນທ່ຽງໄດ້ສິ້ນສຸດລົງ ແລະການປິດ ສະຖານທີ່ໄດ້ຖືກຍົກເລີກປະມານພາຍໃນນຶ່ງຊົ່ວໂມງ.
ຜູ້ຊາຍດັ່ງກ່າວນີ້ ໄດ້ຖືກລະບຸວ່າ ເປັນຄົນຈາກລັດ Pennsylvania ອາຍຸລະຫວ່າງ 30 ປີ. ບໍ່ເທົ່າໃດຊົ່ວໂມງຕໍ່ມາ ລາວຍັງມີອາການສາຫັດ ທີ່ໂຮງໝໍທ້ອງຖິ່ນແຫ່ງນຶ່ງ.
ໃນຂະນະດຽງກັນນັ້ນ ເຈົ້າໜ້າທີ່ຄຸ້ມຄອງປະທານາທິບໍດີ ໄດ້ປະກາດວ່າ ຜູ້ຊາຍຄົນດັ່ງ ກ່າວບໍ່ໄດ້ລ່ວງລໍ້າເຂົ້າໄປເດີ່ນທຳນຽບຂາວແລະບໍ່ມີໃຜຢູ່ພາຍໃນເຂດທຳນຽບຂາວໄດ້ ຮັບບາດເຈັບ. ປະທານາທິບໍດີ Barack Obama ໄດ້ອອກໄປຕີກັອຟ ໃນຕອນບ່າຍທີ່ ຖານທັບອາກາດ Andrew ທີ່ຕັ້ງຢູ່ໃກ້ຄຽງ. ຮອງປະທານາທິບໍດີ Joe Biden ຢູ່ທີ່ທຳ ນຽບຂາວ ແຕ່ມີລາຍງານວ່າ ມີຄວາມປອດໄພ.
ຕຳຫລວດກ່າວວ່າ ເຂົາເຈົ້າໄດ້ພົບເຫັນລູກປືນເພີ້ມເຕີມ ຢູ່ໃນລົດທີ່ຈອດໃກ້ກັບເດິ່ນ ທຳນຽບຂາວ. ພວກເຈົ້າໜ້າທີ່ກ່າວວ່າ ເຂົາເຈົ້າບໍ່ໄດ້ພົບເຫັນວ່າມີການພົວກັນກັບຈັດ ແຈ້ງເພື່ອການກໍ່ການຮ້າຍໃດໆ.
ມັນບໍ່ແມ່ນເປັນເລື້ອງຜິດປົກກະຕິແຕ່ຢ່າງໃດ ທີ່ຜູ້ຄົນມັກພະຍາຍາມລ່ວງລໍ້າເຂົ້າໄປ ໃນເດີ່ນທຳນຽບຂາວ ໂດຍບໍ່ໄດ້ຮັບອະນຸຍາດ. ປີກາຍນີ້ ເຈົ້າໜ້າທີ່ຄຸ້ມຄອງປະທານາ ທິບໍດີ ກໍໄດ້ເພີ້ມເລັກແຫລມນ້ອຍໆຢູ່ຕາມຮົ້ວອອ້ມທຳນຽບຂາວ ຫລັງຈາກອຸປະຕິເຫດ ຫລາຍຄັ້ງ ທີ່ຄົນພາກັນປີນຂ້າມເຂົ້າສິ່ງກີດກັ້ນ ແລະໄດ້ຖືກຈັບໂດຍເຈົ້າໜ້າທີ່ຮັກສາ ຄວາມປອດໄພ. ກຳລັງຄຸ້ມຄອງປະທານາທິບໍດີໄດ້ປະກາດໃນເດືອນແລ້ວນີ້ວ່າ ຕົນມີ ແຜນທີ່ຈະເຮັດຮົ້ວສູງຂຶ້ນຕື່ມຈາກສອງແມັດຫາເກືອບສາມແມັດ.
