ພວກອັນທະພານກຸ່ມນຶ່ງ ທີ່ມີຜູ້ຊາຍປະມານຫົກຄົນ ພ້ອມດ້ວຍ
ພ້າອີ່ໂຕ້ ແລະຂວານ ໄດ້ຟັນຜູ້ຂຽນຂ່າວທາງອິນເຕີແນັດເຖິງ
ຕາຍຢູ່ໃນບັງກລາແດັດ ໃນວັນສຸກວານນີ້ ທີ່ເຮັດໃຫ້ຜູ້ກ່ຽວກາຍ
ເປັນຄົນທີສີ່ ໃນການສັງຫານນັກຂຽນ ທີ່ບໍ່ເຫັນດີດ້ານສາສະໜາ
ໃນປະເທດເອເຊຍໃຕ້ດັ່ງກ່າວ ນັບແຕ່ຕົ້ນປີນີ້ມາ.
ທ່ານ Niloy Chakrabarti ອາຍຸສີ່ສິບປີ ທີ່ຮູ້ກັນດີວ່າມີທັດສະນະ
ບໍ່ເຊື່ອສາສະ ໜານັ້ນ ໄດ້ຖືກສັງຫານ ຢູ່ເຮືອນຂອງລາວ ປະມານ
ຕອນທ່ຽງ ຢູ່ຄູ້ມ Goran ໃນນະຄອນຫຼວງ Dhakar.
ທ່ານ Imran H Sarker ຊຶ່ງເປັນຜູ້ນຳໃນການຂຽນຂ່າວ ແລະນັກ
ເຄື່ອນໄຫວ ທາງອິນເຕີແນັດ ຢູ່ປະເທດບັງກລາແດັດ ໄດ້ກ່າວໃນການໃຫ້ການສຳພາດວ່າ
“ພວກຜູ້ຊາຍຈຸນີ້ ພາກັນເຂົ້າໄປໃນເຮືອນຂອງ ທ່ານ Niloy ຊຸກເມຍຂອງລາວອອກ ແລະເພື່ອນຄົນໜຶ່ງ ແລະຟັນລາວຈົນຕາຍ. ໃນຕົ້ນປີນີ້ ເຂົາເຈົ້າໄດ້ສັງ ຫານຜູ້ຂຽນຂ່າວທີ່ບໍ່ເຫັນພ້ອມທາງສາສະໜາ ໃນອິນເຕີແນັດສາມຄົນຢູ່ຖະໜົນ. ບັດນີ້ ເຂົາເຈົ້າໄດ້ຂ້າຜູ້ຂຽນຂ່າວອີກໜຶ່ງຄົນ ໂດຍເຂົ້າໄປໃນເຮືອນຂອງລາວ ໃນໂຈມຕີຢ່າງທ້າທາຍ.”
ຕຳຫລວດ ໃນນະຄອນ Dhakar ໄດ້ກ່າວຕໍ່ບັນດານັກຂ່າວວ່າ ພວກຜູ້ຮ້າຍຕັດຄໍ ທ່ານ
Niloy ເກືອບຂາດ ເພື່ອໃຫ້ເປັນທີ່ແນ່ນອນວ່າຜູ້ກ່ຽວຕາຍແທ້.
ຫລາຍຊົ່ວໂມງຕໍ່ມາ ອົງການຂ່າວຕ່າງໆໄດ້ຮັບ ການອ້າງເອົາຄວາມຮັບຜິດ ຊອບກ່ຽວກັບ
ການສັງຫານ ຈາກກຸ່ມນຶ່ງທີ່ອ້າງວ່າ ເປັນສາຂາດນຶ່ງໃນບັງກລາແດັດ ຂອງກຸ່ມ al-Qaida
ຢູ່ທີ່ອະນຸທະວີບອິນເດຍ.
ທ່ານ Mustafizur Rahman ເຈົ້າໜ້າທີ່ຮັບຜິດຊອບ ຂອງປ້ອມຕຳຫລວດ ຢູ່ຄຸ້ມ
Khilgaon ຂອງນະຄອນຫຼວງ Dhakar ກ່າວວ່າ ຜູ້ຮ້າຍໄດ້ລໍ້ເຂົ້າໄປໃນເຮືອນຂອງທ່ານ Niloy.
