ລິ້ງ ສຳຫລັບເຂົ້າຫາ

ສະຖາ​ນນະ​ການ​ ໃນເມືອງ Lashio ຂອງມຽນມາ ສະງົບລົງແລ້ວ (ວີດີໂອ)


ເຈົ້າ​ໜ້າ​ທີ່ໃນພາກຕາເວັນອອກຂອງມຽນມາ ກ່າວວ່າສະຖານ
​ນະ​ການ​ໃນເມືອງ Lashio ໄດ້ສະງົບລົງແລ້ວໃນວັນພຸດມື້ນີ້
ຫລັງຈາກ​ເກີດຄວາມ​ຮຸນ​ແຮງ​ເທື່ອ​ຫລ້າ​ສຸດ ລະຫວ່າງຊາວ
ພຸດກັບຊາວມຸສລິມ.

ສື່ຂອງ​ລັດກ່າວວ່າ ການກໍ່​ຄວາມຮຸນ​ແຮງໄດ້ເລີ່ມຂຶ້ນ ໃນວັນອັງ
ຄານວານນີ້ ລຸນຫຼັງທີ່ມີລາຍ ງານຂ່າວວ່າ ຜູ້ຊາຍຊາວມຸສລິມ
ຄົນນຶ່ງໄດ້ຖືກຈັບ ຍ້ອນໄດ້ຈຸດໄຟເຜົາແມ່ຍິງຊາວພຸດຄົນ​ນຶ່ງ.
ຝູງຊົນກຸ່ມ​ນຶ່ງທີ່​ໂມ​ໂຫ​ແລະໂກດ​ແຄ້ນ ຊຶ່ງມີຮວມທັງພະສົງນໍາ​ນັ້ນ
​ໄດ້​ພາກັນ​ໄປອ້ອມສະຖາ ນີຕໍາຫຼວດ ບ່ອນທີ່ຊາຍຊາວມຸສລິມ
ຄົນນັ້ນ ຖືກ​ກັກ​ຂັງ​ໄວ້ ແລະຮຽກຮ້ອງໃຫ້​ເຈົ້າ​ໜ້າ​ທີ່​ມອບຕົວ
ຊາຍຄົນນັ້ນ ໃຫ້ພວກເຂົາ​ເຈົ້າ. ຫຼັງຈາກນັ້ນ ຝູງຊົນທີ່ວ່ານີ້ ກໍໄດ້ພາກັນ​ອາ​ລະວາ​ດ​ໄປ​
ທົ່ວເມືອງ​ແລະໄດ້ຈຸດເຜົາໂບດມຸສລິ​ມ ທີ່​ໃຫຍ່​ທີ່​ສຸດ​ຂອງ​ເມືອງ Lashio ພ້ອມທັງໂຮງ
ຮຽນແລະຫ້າງຮ້ານຫຼາຍແຫ່ງ.

ທາງ​ການ​ໄດ້​ກູ້​ເອົາ​ຄວາມ​ເປັນ​ລະບຽບ​ຮຽບຮ້ອຍ​ກັບ​ຄືນ​ມາ ​ໃນຕອນ​ແລງວັນອັງຄານ
ວານນີ້ ຫຼັງຈາກທີ່ທາງເຈົ້າໜ້າທີ່ໄດ້ປະກາດ​ໃຊ້ ມາດຕະການຮັກສາຄວາມປອດໄພ ​
ໂດຍ​ຫ້າມ​ການ​ໂຮມ​ຊຸມນຸມ​ທີ່​ຜິດ​ກົດໝາຍ.

ບໍ່ມີລາຍງານ​ໃນທັນທີນີ້​ເທື່ອ ກ່ຽວກັບການບາດເຈັບລົ້ມຕາຍໃນການກໍ່​ຈລາ​ຈົນຄັ້ງນີ້ ​ແລະ​ຂະໜາດ​ຂອງ​ຄວາມເສັຍຫາຍ ຍັງບໍ່ທັນໄດ້ຊາບກັນຢ່າງແນ່ຊັດເທື່ອ.

ການໂຈມຕີຕໍ່ຊາວມຸສລິມນັ້ນໄດ້ເຜີຍແບ​ ໃຫ້​ເຫັນ​ເຖິງ​ການ​ແຕກ​ແຍກ​ກັນ​ຢ່າງ​ເລິກ​ເຊິ່ງ ຢູ່ໃນ ປະເທດທີ່ຜູ້ຄົນສ່ວນໃຫຍ່ນັບຖືສາສະໜາພຸດ ​ແລະ​ໄດ້​ເປັນ​ເງົາ​ບົດບັງ ການປະຕິ
ຮູບທາງ ການເມືອງ ທີ່​ມຽນມາ​ໄດ້​ຮັບ​ການ​ຍ້ອງຍໍ​ຢ່າງ​ຫລວງຫລາຍ​ນັ້ນ.

ການ​ກໍ່ຄວາມ​ວຸ້ນວາຍ​ຢ່າງຮ້າຍແຮງເຖິງຕາຍ ​ໃນ​ປີ​ກາຍ​ນີ້ ທີ່​ໄດ້ແນເປົ້າໝາຍ​ເປັນ​ສ່ວນ​
ໃຫຍ່ ໃສ່ຊາວມຸສລິມເຜົ່າໂຣຣິງຢາໃນລັດຣາໄຄນ໌ ທາງພາກຕາເວັນຕົກຂອງປະເທດນັ້ນ
ໄດ້ຍັງ ຜົນໃຫ້ມີ ປະມານ 200 ຄົນເສຍຊີວິດ​ ແລະພາໃຫ້ມີຜູ້ຄົນຫຼາຍພັນຄົນ ຂາດທີ່ຢູ່ ອາໄສ.

XS
SM
MD
LG