ລິ້ງ ສຳຫລັບເຂົ້າຫາ

65 ຄົນ ເສຍຊີວິດ ໃນການໂຈມຕີ ໃນທົ່ວອີຣັກ (ວີດີໂອ)


ຜູ້ຊາຍຄົນນຶ່ງກໍາລັງ ກວດເບິ່ງລົດ ທີ່ຖືກວາງລະເບີດໃນ ກຸງແບກແດດ
ບັນດາ​ເຈົ້າ​ໜ້າ​ທີ່ອີຣັກ ກ່າວ​ວ່າ ​ໄດ້​ມີ​ການວາງລະ​ເບີດ​ລົດ​ຫລາຍ
​ຄັນ​ໃສ່ພວກ​ສະ​ແຫວງບຸນຊາວ Shi’ite ຢູ່​ໃກ້​ກັບ​ນະຄອນຫລວງ
​ແບກ​ແດດ ​ໃນ​ຂະນະ​ທີ່​ຄວາມ​ຮຸນ​ແຮງ​ຢູ່​ໃນ​ທົ່ວໃນອີຣັກ ​ເຮັດ​ໃຫ້​
ມີ​ຜູ້​ເສຍ​ຊີວິດ ​ຢ່າງ​ໜ້ອຍ 65 ຄົນ​ໃນ​ວັນ​ຈັນ​ວານ​ນີ້.

ລົດ​ທີ່ຈອດຢູ່ສອງຄັນ ທີ່​ເຕັ​ມ​ໄປ​ດ້ວຍ​ລະ​ເບີດ ໄດ້ແຕກຂື້ນ​ໃນ​ແລງ
​ວັນ​ຈັນວານ​ນີ້ ຢູ່ເມືອງ al-Rasheed ​ໃນ​ເຂດ​ຊານ​ເມືອງ​ກໍ້າ​ໃຕ້​
ຂອງ ​ແບກ​ແດດ ສັງຫານ​ຜູ້​ສະ​ແຫວ​ງບຸນຢ່າງ​ໜ້ອຍ 23 ຄົນທີ່ກໍາ
ລັງ​ພາກັນ​ຢ່າງ​ໄປ​ເມືອງ​ສັກສິດ Karbalaຂອງ​ຊາວ Shi’ite.

ຫລາຍ​ກວ່າ 55 ຄົນ​ໄດ້​ຮັບ​ບາດ​ເຈັບ​ ​ໃນ​ການ​ໂຈມ​ຕີ.

​ໃນ​ຂະນະ​ດຽວ​ກັນ ຢູ່ເມືອງ Mosul ທາງພາກ​ເໜືອ​ຂອງອີຣັກ
ພວກ​ຫົວ​ຮຸນ​ແຮງ​ໄດ້​ຍິງ​ຜູ້​ສະ​ແຫວ​ງບຸນຊາວ Shi’ite 11 ຄົນ
ທີ່​ກໍາລັງ​ຂີ່​ ​ລົດ​ບັສ ​ໄປຍັງ​ເມືອງ Karbala.

​ແລະ​ຢູ່​ທີ່​ເມືອງ Tikrit ພາກ​ເໜືອ​ຂອງປະ​ເທດ ຜູ້​ວາງ​ລະ​ເບີດ​ສະລະ​ຊີບ​ສາມ​ຄົນ ​ໄດ້​ດຶງຂະ​
ນວນ​ລະ​ເບີດ​ທີ່​ມັດໃສ່ສາຍແອວ ໃນ​ຄວາມ ພະຍາຍາມ ເພື່ອຈະ​ບຸກ​ເຂົ້າ​ໄປໃນໂຮງການປົກ
ຄອງ​ເມື​ອງ ​ແລະ​ໄດ້ສັງຫານ​ພົນລະ​ເຮືອນ​ສອງ​ຄົນ.

​ຜູ້​ສະລະ​ຊີບ​ວາງ​ລະ​ເບີດອີກ​ກຸ່ມ​ນຶ່ງ ​ໄດ້ໂຈມ​ຕີ​ເມືອງ Beiji ສັງຫານ​ຕໍາຫລວດຢ່າງ​ໝ້ອຍ 8
ຄົນ. ​ ແລະ ​ລະ​ເບີດ​ທີ່ແຕກ​ຂຶ້ນຢູ່​ທົ່ວກຸງ​ແບກ​ແດດ ​ໄດ້ສັງຫານ​ອີກຢ່າງ​ໜ້ອຍ 11 ຄົນ.


ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG