ຜູ້ອຳນວຍການຕຳຫລວດລັບສະຫະລັດ ທີ່ໃຫ້ການອາລັກຂາ
ປະທານາທິບໍດີຫຼື Secret Service ຈະໃຫ້ການຕໍ່ຄະນະກຳ
ມະການຂອງສະພາຕ່ຳ ໃນວັນອັງຄານມື້ນີ້ ກ່ຽວກັບເຫດການ
ສຳຄັນໃນການຂາດຕົກບົກຜ່ອງເລື່ອງຄວາມປອດໄພ ທີ່ທຳ
ນຽບຂາວໃນຕົ້ນເດືອນນີ້.
ທ່ານນາງ Julia Pierson ຄາດວ່າ ຈະຖືກສອບຖາມຢ່າງໜັກ
ຈາກບັນດາຜູ້ແທນສະພາ ກ່ຽວກັບການາຂາດຕົກບົກຜ່ອງ ໃນ
ເລື່ອງຄວາມປອດໄພ ພ້ອມດ້ວຍອຸບັດເຫດ ທີ່ໜ້າອັບອາຍຂາຍ
ໜ້າຫຼາຍໆຄັ້ງ ທີ່ພົວພັນກັບໜ່ວຍຕຳຫຼວດ ລັບ ທີ່ຮັບຜິດຊອບ
ໃນການປົກປ້ອງ ປະທານາທິບໍດີ Barack Obama ແລະ
ຄອບຄົວຂອງທ່ານນັ້ນ.
ອຸບັດເຫດອື່ນໆ ແມ່ນຮວມທັງຄວາມບໍ່ສາມາດ ໃນການຕອບໂຕ້ໂດຍທັນທີ ຕໍ່ມືປືນຄົນ
ນຶ່ງ ທີ່ຍິງປືນໃສ່ທຳນຽບຂາວໃນປີ 2011 ຂ່າວນອງນັນເລື່ອງໂສເພນີທີ່ ພົວພັນກັບ ບັນ
ດາຕຳຫລວດລັບ ໃນລະຫວ່າງທີ່ ປະທານາທິບໍດີ ເດີນທາງໄປປະເທດໂຄລອມເບຍ ໃນ
ປີ 2012 ແລະການດື່ມເຫລົ້າໃນຕອນກາງຄືນເມື່ອເດືອນມີນາຜ່ານມາ ທີ່ພາໃຫ້ມີການ
ຖືກສົ່ງຕຳຫລວດລັບສາມຄົນກັບຄືນບ້ານ ໃນລະ ຫວ່າງທີ່ປະທານາທິບໍດີ ເດີນທາງໄປນະຄອນ Amsterdam.
ຢູ່ໃນອຸບັດເຫດຫວ່າງມໍ່ໆມານີ້ ທ້າວ Omar Gonzalez ອາຍຸ 42 ປີ ຖືກຈັບຫລັງຈາກ
ລາວໄດ້ປີນຂ້າມຮົ້ວທຳນຽບຂາວ ແລ່ນຂ້າມເດີນຫຍ້າແລະເຂົ້າໄປໃນ ຕຶກທຳນຽບຂາວ.
ໃນຂັ້ນຕົ້ນຕຳຫລວດລັບ ກ່າວວ່າ ທ້າວ Gonzalez ໄດ້ຖືກ ຈັບໄດ້ຢູ່ຂ້າງໃນປາກປະຕູ
ເຂົ້າ ແຕ່ລາຍງານຂ່າວໃນວັນຈັນວານນີ້ແຈ້ງວ່າ ລາວໄດ້ແລ່ນຜ່ານຍາມຄົນນຶ່ງ ຢູ່ປະຕູ
ເຂົ້າດ້ານໜ້າ ແລະແລ່ນໄປຕາມທາງຍ່າງກາຍ ຂັ້ນໄດ ທີ່ນຳໄປສູ່ບ່ອນຢູ່ຂອງຄອບຄົວ
ປະທານາທິບໍດີກ່ອນທີ່ລາວໄດ້ຖືກຈັບໄດ້.
