ທ່ານນາງ Hillary Clinton ສັງກັດພັກ Democratic ກັບ ທ່ານ Donald Trump ສັງກັດພັກ Republican ພວມກັບຄືນໄປໂຄສະນາຫາສຽງໃໝ່ ຫຼັງຈາກ ການໂຕ້ວາທີ ທີ່ຂຸ້ນ ຂ້ຽວຜ່ານມາຫຼາຍວັນແລ້ວ ຄວາມເຫັນທີ່ທ່ານ Trump ກ່ຽວກັບພວກຜູ້ຍິງ ຊຶ່ງເປັນການແບ່ງແຍກຢ່າງສິ້ນເຊີງລະຫວ່າງ Republican ແລະ ບັນດາພວກອີແມລທີ່ຮົ່ວໄຫຼທີ່ີ ສະແດງ ໃຫ້ເຫັນເຖິງທ່ານນາງ Clinton ວ່າເປັນເລື້ອງສ່ວນບຸກຄົນ ຫຼືສາທາລະນະ.
ຜູ້ສະໝັກ ທັງສອງ ກຳລັງພົບກັບຄວາມລຳບາກ ໃນການເອົາຊະນະພວກລົງຄະແນນສຽງທີ່ບໍ່ໝັ້ນໃຈແລະເຊື່ອໃນຕົນຕົວຂອງທັງສອງທ່ານ ດ້ວຍເວລາເຫຼືອພຽງແຕ່ ໜ້ອຍກວ່ານຶ່ງເດືອນ ກ່ອນການເລືອກຕັ້ງປະທານາທິບໍດີຈະມາເຖິງ.
ເຊີນຊົມ ລາຍງານຈາກນັກຂ່າວ Jim Malone ຂອງ VOA:
ປະທານສະພາຕ່ຳ ທ່ານ Paul Ryan ໄດ້ບອກກັບ ສະມາຊິກສະພາພັກ Republican
ໃນກອງປະຊຸມ ໃນວັນຈັນວານນີ້ ວ່າ ທ່ານຈະບໍ່ໂຄສະນາຫາສຽງໃຫ້ທ່ານ Trump ຫຼືວ່າ ປົກປ້ອງຄວາມເຫັນທີ່ຫຽາບຄາຍຂອງທ່ານ Trump ທີ່ສ້າງຄວາມຄຽດແຄ້ນໃຫ້ພວກທີ່ມີສິດປ່ອນປັດທັງຫຼາຍນັ້ນ.
ທ່ານ Ryan ໄດ້ກ່າວວ່າ ແທນທີ່ຈະເຮັດແນວນັ້ນ ທ່ານຈະຊ່ອຍໃນການຫາສຽງເພື່ອໃຫ້
ເລືອກເອົາ ສະມາຊິກ Republican ເຂົ້າໃນສະພາໃຫ້ໄດ້ ເພື່ອທີ່ພັກຈະສາມາດຄວບຄຸມ ລັດຖະສະພາຢູ່ຄືເກົ່າ ຊຶ່ງພັກ Republican ຕອນນີ້ ຄວມຄຸມທັງສອງສະພາຢູ່ ຄືສະພາຕ່ຳແລະສະພາສູງ.ຜູ້ນຶ່ງໃນການປະຊຸມຜ່ານທາງໂທລະສັບ ໄດ້ກ່າວວ່າ ທ່ານ Ryan ບໍ່ແມ່ນຈະຍົກເລີກການສະໜັບສະໜຸນ ທ່ານ Trump ແຕ່ວ່າ ຈະບໍ່ລົງໂຄສະນາໃຫ້ທ່ານ Trump ເທົ່ານັ້ນ. ທ່ານ Ryan ໄດ້ບອກກັບສະມາຊິກສະພາຕ່ຳຂອງພັກ Republican ວ່າ “ໃຫ້ກະທຳສິ່ງທີ່ດີທີ່ສຸດສຳລັບທ່ານແລະຂົງເຂດຂອງທ່ານ.”
ໂຄສົກຂອງໜ່ວຍໂຄສະນາຫາສຽງຂອງທ່ານນາງ Clinton ເອີ້ນການຕັດສິ້ນໃຈຂອງການບໍ່ສະໜັບສະໜຸນທ່ານ Trump ວ່າ “ງົງງັນ.” ທ່ານ Trump ຕິຕຽນ ປະທານສະພາຕ່ຳ ໂດຍກ່າວວ່າ “ທ່ານຄວນຈະໃຊ້ເວລາສ້າງຄວາມທຸ່ນທ່ຽງດ້ານງົບປະມານ ໜ້າວຽກ ແລະການເຂົ້າເມືອງທີ່ຜິດກົດໝາຍ ແລະ ບໍ່ມາເສຍເວລາຂອງທ່ານ ໃນການຕໍ່ສູ້ເພື່ອຜູ້ສະໝັກຕົວແທນຂອງພັກ.”
ທ່ານນາງ Clinton ໄດ້ກ່າວໃນວັນຈັນວານນີ້ ວ່າ ທ່ານ Trump ໄດ້ໃຊ້ເວລາຂອງທ່ານກ່າວໂຈມຕີ ຕອນທີ່ທ່ານຄວນຈະກ່າວຂໍໂທດ ຂໍອະໄພ.
ທ່ານນາງ ໄດ້ກ່າວເຖິງການຮົ່ວໄຫຼຂອງວີດີໂອ ທີ່ທ່ານ Trump ໃຫ້ຄວາມເຫັນ ທີ່ໄດ້ມີຂຶ້ນໃນປີ 2005 ທີ່ທ່ານໄດ້ ກ່າວໃນລາບການໂທລະພາບ ທີ່ອາດເປັນການດູໝິ່ນທຳລາຍພວກແມ່ຍິງ ເພາະທ່ານເປັນ “ດາຣາ.”
ອ່ານຂ່າວນີ້ເພີ້ມຕື່ມເປັນພາສາອັງກິດ
ເບິ່ງ: ທັງສອງຜູ້ສະໝັກ ຕ່າງກໍພະຍາຍາມຫາສຽງຈາກຜູ້ສະໝັກການເຂົ້າຂ້າງຕົນ
