ລິ້ງ ສຳຫລັບເຂົ້າຫາ

ວັນອັງຄານ, ໒໓ ເມສາ ໒໐໒໔

ການປ່ອນບັດເລືອກຕັ້ງ ທົ່ວໄປ ຂັ້ນທີສອງ ຂອງອິນເດຍ ເລີ້ມຕົ້ນຂຶ້ນ ໃນວັນພະຫັດນີ້


ຊາວອິນເດຍ ພາກັນຢືນລຽນແຖວ ເພື່ອປ່ອນບັດເລືອກຕັ້ງ ທົ່ວໄປຂັ້ນທີສອງ ຂອງພວກເຂົາເຈົ້າ ໃນເມືອງເຈັນນາຍ ຂອງອິນເດຍ, ວັນທີ 18 ເມສາ 2019.
ຊາວອິນເດຍ ພາກັນຢືນລຽນແຖວ ເພື່ອປ່ອນບັດເລືອກຕັ້ງ ທົ່ວໄປຂັ້ນທີສອງ ຂອງພວກເຂົາເຈົ້າ ໃນເມືອງເຈັນນາຍ ຂອງອິນເດຍ, ວັນທີ 18 ເມສາ 2019.

ຜູ້​ມີ​ສິດ​ປ່ອນ​ບັດ​ຫຼາຍກວ່າ 150 ລ້ານ​ຄົນ ພວມ​ພາ​ກັນ​ໄປ​ລົງ​ຄະ​ແນນ​ສຽງ ໃນ​ການ
​ເລືອກ​ຕັ້ງ​ທົ່ວ​ໄປ ຂະ​ໜາດ​ໃຫຍ່ ຂັ້ນ​ທີ​ສອງ ຂອງ​ອິນ​ເດຍ.

ການ​ປ່ອນ​ບັດ​ໃນ​ວັນ​ພະ​ຫັດ​ມື້ນີ້ ແມ່ນກວມ​ເອົາ​ເຂດ​ເລືອກ​ຕັ້ງ​ສະ​ພາ​ແຫ່ງ​ຊາດ ທີ່​ມີ​
ບ່ອນ​ນັ່ງ​ທັງ​ໝົດ 90 ບ່ອນ ໃນ​ສິບກວ່າ​ລັດ ຮວມ​ທັງແຄວ້ນ​ແຄັ​ສ​ເມຍ ທີ່​ມີບັນ​ຫາ
ສ່ວນທີ່​ຢູ່​ພາຍ​ໃຕ້​ການ​ຄວບ​ຄຸມ​ຂອງ​ອິນ​ເດຍ ບ່ອນ​ທີ່​ກຳ​ລັງ​ຮັກ​ສາ​ຄວາມ​ສະ​ຫງົບ​
ສີ່​ສິບກວ່າ​ຄົນ ໄດ້​ເສຍ​ຊີ​ວິດ ໃນ​ການ​ໂຈມ​ຕີ​ສະ​ຫຼະ​ຊີບ​ດ້ວຍ​ລົດ​ລະເບີດ ເມື່ອ​ເດືອນ​
ກຸມ​ພາ​ຕົ້ນ​ປີນີ້. ນິວ​ເດ​ລີ​ໄດ້​ຕອບ​ໂຕ້ ດ້ວຍ​ການ​ສົ່ງ​ເຮືອ​ບິນ​ລົບອາຍ​ພົ່ນ ຂ້າມ​ຊາຍ​ແດນ
​ເຂົ້າ​ໄປ​ໃນປາ​ກິ​ສ​ຖານ ເພື່ອ​ໂຈມ​ຕີ​ທາງ​ອາ​ກາດ​ຕໍ່​ສະຖານ​ທີ່ ທີ່​ມີ​ການ​ກ່າວ​ຫາ​ວ່າ ເປັນ
​ຄ້າຍ​ຝຶກ​ແອບ ຂອງ​ກຸ່ມຫົວ​ຮຸນ​ແຮງ​ນອກ​ກົດ​ໝາຍ ຈາ​ອິ​ສ ອິ ໂມ​ຮຳ​ມັດ​ (Jaish-e-
Mohammad) ທີ່​ມີ​ລາຍ​ງານ​ວ່າ ໄດ້​ອ້າງ​ເອົາ​ຄວາມ​ຮັບ​ຜິດຊອບ ໃນ​ການ​ໂຈມ​ຕີ​ຢູ່
​ແຄວ້ນ​ແຄັ​ສ​ເມຍ ນັ້ນ.

ການ​ໂຈມ​ຕີ​ທາງ​ອາ​ກາດ ໂດຍປະ​ເທດ​ຄູ່​ປໍ​ລະ​ປັກ ມາ​ເປັນ​ເວ​ລາ​ດົນ​ນານທີ່​ມີ​ອາ​ວຸດ​
ນິວ​ເຄ​ລຍ​ຢູ່​ໃນ​ຄວາມ​ຄອບ​ຄອງນັ້ນ ເກືອບ​ຈະ​ເກີດ​ສົງ​ຄາມ ແຕ່​ມັນ​ກໍ​ໄດ້​ເພີ້ມ​ຄະ​ແນນ
ນິ​ຍົມ​ໃຫ້​ແກ່​ການ​ເອົາ​ທ່າ​ທີ​ ຂອງ​ນາ​ຍົກ​ລັດ​ຖະ​ມົນ​ຕີ ນາ​ເຣັນ​ດ​ຣາ ໂມ​ດີ. ມີ​ການເບິ່ງ​ກັນ​
ວ່າ ທ່ານ​ໂມ​ດີ ແລະ​ພັກ​ຮິນ​ດູ​ຫົວ​ຊາດ​ນິ​ຍົມບາ​ຣາ​ຕີ​ຢາ ຈາ​ນາ​ຕາ ຂອງ ​ທ່ານ ແມ່ນ​ເປັນ
​ຝ່າຍ​ໄດ້​ປຽບໃນ​ການ​ເລືອກ​ຕັ້ງ​ຄັ້ງ​ນີ້ ແຕ່​ກໍ​ໄດ້​ປະ​ເຊີນ​ກັບ​ຄວາມບໍ່​ພໍ​ໃຈ​ຫຼາຍ​ຂຶ້ນ ຂອງ
​ປະ​ຊາ​ຊົນ ໃນ​ເຂດ​ຊົນ​ນະ​ບົດ ​ສອກ​ຫຼີກ​ຫ່າງ​ໄກ ຍ້ອນ​ລາຍໄດ້​ຂອງ​ຊາວ​ກະ​ສິ​ກອນ​
ຕົກ​ຕ່ຳ​ລົງ.

ມີ​ປະ​ຊາ​ຊົນ​ຊາວ​ອິນ​ເດຍ​ຫຼາຍ​ເຖິງ 900 ລ້ານ​ຄົນ ຂອງ​ຈຳ​ນວນ​ທັງ​ໝົດ 1 ພັນ 3 ​ຮອຍ
ລ້ານ​ຄົນ ແມ່ນ​ເປັນ​ຜູ້​ມີ​ສິດ​ປ່ອນ​ບັດ ເລືອກ​ເອົາ​ຜູ້​ສະ​ໝັກ​ຫຼາຍໆ​ພັນຄົນ ເພື່ອ​ຍາດ​ເອົາ​
ບ່ອນ​ນັ່ງທີ່​ມີ​ທັງ​ໝົດ 543 ບ່ອນ ຢູ່​ໃນ​ສະ​ພາ​ຕ່ຳ​ຂອງ​ອິນ​ເດຍ. ການ​ເລືອກ​ຕັ້ງ ຊຶ່ງ​ໄດ້
​ເລີ້ມ​ຂຶ້ນ​ເມື່ອ​ວັນ​ພະ​ຫັດ​ແລ້ວ ຍັງ​ຈະ​ດຳ​ເນີນ​ຕໍ່​ໄປ​ຕື່ມ​ອີກ 6 ອາ​ທິດ ຢູ່​ໃນ​ປະ​ເທດ​ປະ​ຊາ
​ທິ​ປະ​ໄຕ ທີ່​ມີ​ພົນ​ລະ​ເມືອງ​ຫຼາຍ​ທີ່​ສຸດ​ໃນ​ໂລກ.

ການ​ປ່ອນ​ບັດ​ຈະ​ສິ້ນ​ສຸດ​ລົງ ໃນ​ວັນ​ທີ 19 ພຶດ​ສະ​ພາ ແລະ​ຜົນ​ການ​ນັບ​ຄະ​ແນນ​ສຽງ​ຂັ້ນ​
ສຸດ​ທ້າຍ ຈະມີ​ການ​ປະ​ກາດ ໃນ​ວັນ​ທີ 23 ພຶດ​ສະ​ພາ.

ອ່ານຂ່າວນີ້ຕື່ມ ເປັນພາສາອັງກິດ

XS
SM
MD
LG