ເຄື່ອຄ່າຍຂາຍເຄື່ອງຍ່ອຍທີ່ມີຊື່ສຽງຂອງ ອາເມຣິກາ ຊື່ວ່າ ເຊຍສ໌ (Sears) ໄດ້ສະເໜີ
ຮ່າງປົກປ້ອງການລົ້ມລະລາຍສະບັບທີ 11 ໃນຄວາມພະຍາຍາມທີ່ຈະຈັດແຈງຄືນບໍລິ
ສັດ ໃຫ້ເປັນກິດຈະການທີ່ນ້ອຍກວ່າ ເຊິ່ງອາດສ້າງລາຍໄດ້ຫຼັງຈາກໄດ້ຜ່ານຜ່າເວລາ
ທີ່ຫຍຸ້ງຍາກມາຫຼາຍປີ.
ການເຄື່ອນໄຫວດັ່ງກ່າວ ແມ່ນການພະຍາຍາມຄັ້ງຫຼ້າສຸດຂອງຮ້ານສັບພະສິນຄ້າ
ເຊຍສ໌ ທີ່ຈະປັບປຸງທຸລະກິດຂອງເຂົາເຈົ້າ, ລວມທັງການຂາຍຍີ່ຫໍ້ບາງຢ່າງຂອງເຂົາ
ເຈົ້າ ແລະ ປິດຫ້າງຫຼາຍຮ້ອຍແຫ່ງ ໃນຂະນະທີ່ຍອດຂາຍໄດ້ຫຼຸດລົງ.
ໃນການສະເໜີລົ້ມລະລາຍຂອງເຂົາເຈົ້າໃນວັນຈັນມື້ນີ້, ບໍລິສັດດັ່ງກ່າວ ໄດ້ກຳນົດຊັບ
ສິນມູນຄ່າ 6.9 ຕື້ໂດລາ ພ້ອມກັບໜີ້ສິນ 11.3 ຕື້ໂດລາ. ເຂົາເຈົ້າມີແຜນທີ່ຈະປິດຮ້ານ
142 ແຫ່ງໃນທ້າຍປີນີ້, ຫຼືອີກຢ່າງນຶ່ງແມ່ນເປີດຮ້ານ ເຊຍສ໌ ແລະ ເຄມາດ (Kmart)
ທີ່ຍັງເຫຼືອນັ້ນໄວ້ຄືເກົ່າ.
ບໍລິສັດດັ່ງກ່າວໄດ້ເລີ່ມຕົ້ນທຸລະກິດ ດ້ວຍການຂາຍເຄື່ອງສັ່ງຕາມ ຄາຕາລອກໃນຊຸມ
ປີ 1880, ເຕີບໃຫຍ່ຂຶ້ນດ້ວຍການຂາຍຂອງຫຼິ້ນ, ເຄື່ອງນຸ່ງ ແລະ ແມ່ນກະທັ້ງເຄື່ອງໃຊ້
ໃນເຮືອນຂອງເຂົາເຈົ້າ. ຈົນໃນທີ່ສຸດເຂົາເຈົ້າກໍໄດ້ເປີດຮ້ານຂາຍເຄື່ອງຍ່ອຍ ທີ່ໄດ້ຂະ
ຫຍາຍເປັນຫ້າງສັບພະສິນຄ້າໃນທົ່ວປະເທດ.
ແຕ່ດ້ວຍການເຕີບໂຕຂຶ້ນຂອງຫ້າງອື່ນໆທີ່ຂາຍເຄື່ອງຖືກກວ່າຄື ຫ້າງ ວອລມາດ
(Walmart) ແລະ ຜູ້ບໍລິໂພກ ຈຶ່ງໄດ້ຫັນໄປຊື້ເຄື່ອງທາງອອນໄລນ໌ຫຼາຍຂຶ້ນນັ້ນ, ມັນ
ໄດ້ເຮັດໃຫ້ຫ້າງ ເຊຍສ໌ ຕ້ອງດີ້ນຮົນທາງດ້ານການເງິນ. ບໍລິສັດດັ່ງກ່າວບໍ່ໄດ້ຮັບຜົນກຳ
ໄລນັບຕັ້ງແຕ່ປີ 2010 ເປັນຕົ້ນມາ.
ປີກາຍນີ້, ຮ້ານ ເຊຍສ໌ ໄດ້ຂາຍຍີ່ຫໍ້ເຄື່ອງມື Craftsman ໃຫ້ບໍລິສັດ ສແຕນລີ ແລະ
ເດັກເກີ (Stanley & Decker) ໃນຮູບແບບຂອງຂໍ້ຕົກລົງທີ່ທາງບໍລິສັດໄດ້ກ່າວໃນວັນ
ຈັນມື້ນີ້ວ່າ ເຂົາເຈົ້າມີແຜນທີ່ຈະສືບຕໍ່ທຸລະກິດ ກັບຊັບສິນອື່ນໆຂອງເຂົາເຈົ້າໃນລະ
ຫວ່າງການປັບປ່ຽນນີ້.
