ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ການຄົ້ນຫາຜູ້ລອດຊີວິດ ຈາກເຫດການອາຄານພັງລົງ ໃນອາຟຣິກາໃຕ້ ຍັງຄົງດຳເນີນຢູ່ຕໍ່ໄປ


ເຈົ້າໜ້າທີ່ກູ້ໄພ ເຮັດວຽກເພື່ອຊ່ວຍເຫຼືອກຳມະກອນກໍ່ສ້າງ ທີ່ຕິດຢູ່ພາຍໃຕ້ອາຄານທີ່ພັງລົງມາ ໃນເມືອງ George ຂອງອາຟຣິກາ ໃຕ້ ໃນວັນທີ 7 ພຶດສະພາ 2024.
ເຈົ້າໜ້າທີ່ກູ້ໄພ ເຮັດວຽກເພື່ອຊ່ວຍເຫຼືອກຳມະກອນກໍ່ສ້າງ ທີ່ຕິດຢູ່ພາຍໃຕ້ອາຄານທີ່ພັງລົງມາ ໃນເມືອງ George ຂອງອາຟຣິກາ ໃຕ້ ໃນວັນທີ 7 ພຶດສະພາ 2024.

ການຄົ້ນ​ຫາຍັງສືບ​ຕໍ່​ດຳ​ເນີນ​ໄປ​ໃນ​ວັນ​ອັງ​ຄານ​ມື້​ນີ້ ໃນ​ອາ​ຟຣິ​ກາ​ໃຕ້ ເພື່ອຄົ້ນຫາ​ຄົນ​ງານ​ທີ່​ຕິດ​ຢູ່​ໃນ​ການ​ພັງ​ລົງ​ຂອງ​ອາ​ຄານ​ຫຼາຍ​ຊັ້ນ​ທີ່​ກຳ​ລັງ​ກໍ່​ສ້າງ​ຢູ່ ​ນອກ​ນະ​ຄອນຫຼວງ Cape Town ທີ່​ເຮັດ​ໃຫ້ມີຜູ້ເສຍຊີວິດ​ຢ່າງ​ໜ້ອຍ 4 ຄົນ​.

ກຳມະກອນກໍ່ສ້າງປະມານ 75 ຄົນ ກຳລັງເຮັດວຽກຢູ່ ໃນເວລາທີ່ອາຄານດັ່ງ ກ່າວໄດ້ພັງລົງໃນຕອນບ່າຍຂອງວັນຈັນວານນີ້ ທີ່ເມືອງ George, ເຊິ່ງຕັ້ງຢູ່ ປະມານ 400 ກິໂລແມັດ ທາງພາກຕາເວັນອອກຂອງນະ​ຄອນຫຼວງ Cape Town.

ຖະ​ແຫຼງການສະບັບນຶ່ງ​ຂອງ​ເຈົ້າ​ໜ້າ​ທີ່​ຂອງເມືອງ​ກ່າວ​ວ່າ ມີ​ຫຼາຍ​ກວ່າ 20 ຄົນ​ໄດ້​ຖືກ​ຊ່ວຍ​ເຫຼືອອອກມາ​ຈາກ​ຊາກ​ຫັກ​ພັງ, ​ໃນ​ຂະນະ​ທີ່​ມີ​ກຳມະກອນ​ກໍ່ສ້າງ​ຢ່າງ​ໜ້ອຍ 50 ຄົນ​ຍັງ​ບໍ່​ທັນຮູ້ສະຕາກຳ.

ຖະ​ແຫຼງການ​ກ່າວ​ວ່າ “ໜ່ວຍ​ງານ​ກູ້​ໄພ​ 3 ໜ່ວຍ ​ກຳລັງ​ເຮັດ​ວຽກ​ຢູ່ພື້ນທີ່​ທີ່​ແຕກ​ຕ່າງ​ກັນ 3 ຈຸດພາຍ​ໃນບໍລິເວນ​ທີ່​ອາຄານ​ພັງ​ລົງ​ນັ້ນ.” ນອກຈາກນີ້, ຍັງມີໝາຄົ້ນຫາ​ຫຼາຍ​ໂຕ ​ຖືກ​ນຳ​ໄປ​ຊ່ວຍ​ເຫຼືອ​ໃນ​ການ​ຊອກ​ຫາ​ຜູ້​ລອດ​ຊີວິດ ອີກດ້ວຍ.

ຍາດ​ຕິ​ພີ່​ນ້ອງ​ຄົນ​ງານ​ທີ່​ຫາຍ​ສາບ​ສູນ ​ໄດ້​ໄປ​ເຕົ້າ​ໂຮມ​ກັນ​ຢູ່​ທີ່​ຫ້ອງ​ການ​ລັດ​ຖະ​ບານໃນ​ເມືອງ​ໃກ້​ຄຽງ​ເພື່ອ​ລໍ​ຖ້າຟັງ​ຂ່າວ.

ສາເຫດຂອງການພັງລົງມາແມ່ນຢູ່ໃນລະຫວ່າງການສືບສວນ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG