ຫົວໜ້າອົງການຊອກຄົ້ນຫາ ແລະກູ້ໄພແຫ່ງຊາດ ຂອງອິນໂດ
ເນເຊຍ ກ່າວວ່າ ບໍລິເວນຊອກຄົ້ນຫາຊາກເຮືອບິນແລະຜູ້ເຄາະ
ຮ້າຍຂອງສາຍການບິນ AirAsia 8501 ໄດ້ມີການຂະຫຍາຍວົງ
ກວ້າງອອກ ໃນຂະນະທີ່ການຊອກຫາ “ຫີບດຳ" ຫລືເຄື່ອງບັນ
ທຶກຂໍ້ມູນຂອງເຮືອບິນ ຍັງດຳເນີນຢູ່ຕໍ່ໄປ.
ທ່ານ Henry Bambang Soelistyo ໄດ້ປະກາດທີ່ກອງປະຊຸມ
ນັກຂ່າວ ໃນວັນອັງຄານມື້ນີ້ວ່າ ບັນດາເຈົ້າໜ້າທີ່ ກຳລັງເປີດບ່ອນ
ຊອກຄົ້ນຫາ “ທີ່ສຳຄັນແຫ່ງທີ່ສອງ” ຢູ່ໃນເຂດທະເລ Java ນອກ
ຝັ່ງອິນໂດເນເຊຍ. ເຮືອບິນໄດ້ຕົກ ລົງໃສ່ທະເລດັ່ງກ່າວ ເມື່ອກວ່າ
ນຶ່ງອາທິດທີ່ຜ່ານມາ ໃນຂະນະທີ່ເກີດພາຍຸ ເຖິງແມ່ນວ່າ ຍັງບໍ່ມີ
ການລົງຄວາມເຫັນເຖິງສາເຫດຢ່າງເປັນທາງການເທື່ອກໍຕາມ.
ການຄົ້ນຫາ ຜູ້ເຄາະຮ້າຍ ເຮືອບິນ AirAsia ຂະຫຍາຍວົງ ກວ້າງອອກ
ບັນດາທິມຊອກຄົ້ນຫາ ໄດ້ພະຍາຍາມທີ່ຈະລົງໄປເຖິງບ່ອນທີ່ເຂົາເຈົ້າເຊື່ອວ່າ ເປັນສ່ວນ
ຫາງຂອງເຮືອບິນ ບ່ອນທີ່ເຄື່ອງບັນທຶກຂໍ້ມູນຕິດຕັ້ງຢູ່ນັ້ນ.
ຜູ້ຊ່ຽວຊານຂອງອອສເຕຣເລຍ ໄດ້ເຮັດວຽກ ຮ່ວມກັບເຈົ້າໜ້າທີ່ອິນໂດເນເຊຍ ເພື່ອຊ່ວຍ
ໃນການພິສູດສົບຜູ້ເສຍຊີວິດ. ມີ 162 ຄົນຢູ່ເທິງເຮືອບິນເວລາເຮືອ ບິນຕົກ ແຕ່ມາຮອດ
ປັດຈຸບັນ ມີພຽງແຕ່ 37 ສົບ ເທົ່ານັ້ນ ທີ່ໄດ້ກູ້ຂຶ້ນມາຈາກ ພື້ນທະເລ.
ທີ່ນະຄອນ Jakarta ໃນວັນຈັນວານນີ້ ລັດຖະບານອິນໂດເນເຊຍໄດ້ສັ່ງໃຫ້ບັນດາເຈົ້າ
ໜ້າທີ່ການບິນ ຫລາຍຄົນພັກການຊົ່ວຄາວ ຫລັງຈາກມີການເປີດເຜີຍວ່າ ຖ້ຽວບິນ 8501
ຂອງສາຍການບິນ AirAsia ບໍ່ມີອະນຸຍາດອັນເໝາະສົມໃຫ້ ຂຶ້ນບິນ ໃນວັນທີ່ຖ້ຽວບິນດັ່ງ
ກ່າວໄດ້ຕົກ.
ກະຊວງຂົນສົ່ງອິນໂດເນເຊຍ ກ່າວວ່າ ສາຍການບິນ AirAsia ໄດ້ຮັບອະນຸ ຍາດໃຫ້ບິນ
ໃນເສັ້ນທາງຈາກເມືອງ Surabaya ໄປຫາສິງກະໂປ ໃນວັນຈັນ ວັນອັງຄານ ວັນພຸດ
ແລະ ວັນເສົາ ແຕ່ວ່າໄດ້ບິນໃນວັນອາທິດ. ກະຊວງຂົນສົ່ງໄດ້ສັ່ງໃຫ້ໂຈະຖ້ຽວບິນ Air-
Asia ໃນເສັ້ນທາງດັ່ງກ່າວ ແລະຈະທຳການ ສືບສວນຢ່າງເຕັມທີ່ ແຍກຈາກການສືບ
ສວນກ່ຽວກັບເລື້ອງເຮືອບິນຕົກ.
