ເຈົ້າໜ້າທີ່ເມັກຊິໂກ ກ່າວວ່າ ມີຢ່າງໜ້ອຍ 42 ຄົນເສຍຊີວິດ ໃນ
ການຍິງຕໍ່ສູ້ກັນລະຫວ່າງພວກທີ່ສົງໄສວ່າເປັນອາຊະກອນແລະ
ເຈົ້າໜ້າທີ່ຮັກສາຄວາມສະຫງົບ ທາງພາກຕາເວັນຕົກຂອງເມັກ
ຊິໂກ ໃນຄວາມຮຸນແຮງເທື່ອຫລ້າສຸດ ຢູ່ໃນເຂດທີ່ເຕັມໄປດ້ວຍ
ແກັ່ງຄ້າຢາເສບຕິດນັ້ນ.
ເຈົ້າໜ້າທີ່ກ່າວວ່າ ເກືອບໝົດທຸກຄົນທີ່ຖືກຂ້າຕາຍໃນການຍິງ
ຕໍ່ສູ້ກັນ ໃນມື້ວັນສຸກວານນີ້ ຢູ່ທີ່ລັດ Michoacan ໃກ້ກັບຊາຍ
ແດນຂອງລັດ Jalisco ແມ່ນຜູ້ຕ້ອງສົງໄສ ເປັນສະມາຊິກຂອງ
ແກັ່ງ ແລະຕຳຫຼວດຢ່າງໜ້ອຍ 1 ຄົນ ກໍມີລາຍງານວ່າ ໄດ້ເສຍຊີວິດ ໃນການຍິງກັນດັ່ງ ກ່າວ.
ທ່ານ Monte Alejandro Rubico ຜູ້ອຳນວຍການ ກຳມາທິການດ້ານຄວາມປອດໄພ ແຫ່ງຊາດຂອງເມັກຊິໂກ ກ່າວວ່າ “ການຍິງຕໍ່ສູ້ກັນ ໄດ້ແກ່ຍາວມາແບບກະຈັດກະຈາຍ
ປະມານ 3 ຊົ່ວໂມງຢູ່ໃນຢ່າງໜ້ອຍ 3 ເຂດ ທີ່ແຕກຕ່າງກັນຂອງບໍລິເວນດັ່ງກ່າວ.”
ທ່ານ Salvador Jara ຜູ້ປົກຄອງລັດ Michoacan ກ່າວວ່າ ການປະທະກັນເລີ້ມຂຶ້ນ
ເວລາກຳລັງຮັກສາຄວາມສະຫງົບຢຸດລົດທີ່ສົງໄສຄັນນຶ່ງ ຊຶ່ງພາໃຫ້ພວກທີ່ຢູ່ໃນລົດລະ
ດົມຍິງເຂົ້າໃສ່ເຈົ້າໜ້າທີ່.
ທ່ານ Jara ເວົ້າວ່າ ມີທ່າທາງວ່າແກັ່ງຄ້າຢາເສບຕິດຮຸ້ນໃໝ່ຂອງລັດ Jalisco ມີສ່ວນ ພົວພັນໃນການຍິງຕໍ່ສູ້ຄັ້ງນີ້ ແຕ່ການປະເຊີນໜ້າດັ່ງກ່າວ ພວມຢູ່ໃນລະຫວ່າງການສືບ
ສວນ.
ແກັ່ງຄ້າຢາເສບຕິດນີ້ ໄດ້ສັງຫານເຈົ້າໜ້າທີ່ຕຳຫຼວດ ຢ່າງໜ້ອຍ 15 ຄົນ ໃນໄລຍະສອງ ສາມເດືອນຜ່ານມານີ້ແລະໄດ້ຍິງເຮືອບິນເຮຣີຄອບເຕີ້ທະຫານລຳນຶ່ງຕົກທີ່ລັດ Jalisco
ເມື່ອຕົ້ນເດືອນນີ້ ຊຶ່ງເຮັດໃຫ້ຢ່າງໜ້ອຍ 6 ຄົນ ຢູ່ເທິງເຮືອບິນດັ່ງກ່າວເສຍຊີວິດ.
ລັດ Michoacan ແລະ Jalisco ໄດ້ປະສົບກັບຄວາມຮຸນແຮງທີ່ຮ້າຍແຮງສຸດໃນສົງຄາມ ຕໍ່ຕ້ານຢາເສບຕິດ ຢູ່ເມັກຊິໂກ ທີ່ໄດ້ເລີ້ມຂຶ້ນໃນປີ 2006 ເວລາລັດຖະບານສົ່ງກຳລັງທະ ຫານໄປປາບປາມພວກແກັ່ງຄ້າຢາເສບຕິດ. ມີຫຼາຍສິບພັນຄົນໃນທົ່ວປະເທດ ເສຍຊີວິດ ໃນການປະທະກັນລະຫວ່າງແກັ່ງຄ້າຢາເສບຕິດ ແລະກຳລັງຮັກສາຄວາມສະຫງົບໃນໄລ ຍະເກືອບນຶ່ງທົດສະວັດຜ່ານມາ.
