ລິ້ງ ສຳຫລັບເຂົ້າຫາ

logo-print

ອາກາດປ່ຽນແປງ ແລະເຂື່ອນຢູ່ແມ່ນໍ້າຂອງ ຈະສົ່ງຜົນກະທົບ ຕໍ່ປະຊາຊົນ (ວີດິໂອລາວ/ອັງກິດ)


ຊາວກໍາປູເຈຍຄົນນຶ່ງ ກໍາລັງຂວ່າງແຫ ເອົາປາໃນແມ່ນໍ້າຂອງ ອັນ ເປັນວິຖີການດໍາລົງຊີວິດຫຼັກຂອງລາວນັ້ນ.
ບັນດານັກວິທະຍາສາດ ທີ່ປະຊຸມກັນຢູ່ທີ່ບາງກອກ ເມືອງຫຼວງ
ຂອງໄທ ໃນອາທິດແລ້ວນີ້ ໄດ້ເຕືອນວ່າ ສະພາບອາກາດທີ່ຮຸນ
ແຮງທີ່ສຸດຍ້ອນ ການປ່ຽນແປງຂອງດິນຟ້າອາກາດນັ້ນ ແມ່ນຈະ
ສົ່ງຜົນໃຫ້ປະລິມານປາ ແລະພືດພັນສໍາຄັນຕ່າງໆ ຢູ່ໃນອ່າງແມ່
ນໍ້າຂອງຫຼຸດລົງຢ່າງຫຼວງຫຼາຍ ຖ້າຫາກວ່າບັນດາປະເທດໃນຂົງ
ເຂດເອເຊຍຕາເວັນ ອອກ ສຽງໃຕ້ ບໍ່ພາກັນປັບປ່ຽນ. ແຕ່ແນວ
ໃດກໍດີ ບັນດານັກວິທະຍາສາດຍັງເຕືອນອີກວ່າ ການສ້າງເຂື່ອນ ຊຶ່ງສ່ວນໃຫຍ່ແມ່ນເພື່ອສ້າງພະລັງງານຈາກນໍ້ານັ້ນເປັນໄພຂົ່ມຂູ່
ຢ່າງດຽວທີ່ໃຫຍ່ຫຼວງທີ່ສຸດຕໍ່ການຫາປາ ທີ່ເປັນສິ່ງຄໍ້າຈຸນຊີວິດ
ຂອງປະຊາຊົນຫຼາຍລ້ານຄົນນັ້ນ. Daniel Schearf ມີລາຍງານ
ຈາກບາງກອກ ຊຶ່ງທອງປານຈະນໍາມາສະເໜີທ່ານ.

ເບິ່ງວີດິໂອລາຍງານ ເປັນພາສາລາວ:


ມີການປະເມີນກັນວ່າ ຊາວປະມົງແລະຊາວນາ ປະມານ 60 ລ້ານຄົນ ແມ່ນເພິ່ງພາອາໄສ
ແມ່ນໍ້າຂອງ ທີ່ອຸດົມສົມບູນໄປດ້ວຍທາດອາຫານແລະປູປານາໆພັນນັ້ນ ເພື່ອລ້ຽງຊີບ.

ຜົນການສຶກສາຄົ້ນຄວ້າໃໝ່ໂດຍນັກວິທະຍາສາດກຸ່ມນຶ່ງ ເວົ້າວ່າພາຍໃນປີ 2050 ສະພາ
ວະດິນຟ້າອາກາດປ່ຽນແປງ ອາດສາມາດເຮັດໃຫ້ລະດັບອຸນຫະພູມ ໃນຫຼາຍພາກສ່ວນ
ຂອງອ່າງແມ່ນໍ້າຂອງ ຖີບສູງຂຶ້ນສອງເທົ່າຕົວໄວ ກວ່າລະດັບສະເລ່ຍໃນທົ່ວໂລກ.

Jeremy Carew-Reid ຫົວໜ້າສຶກສາຄົ້ນຄວ້າດັ່ງກ່າວເວົ້າວ່າ ແລະນັ້ນຈະເຮັດໃຫ້
ສະພາວະອາກາດປັ່ນປ່ວນ ເຊັ່ນໄພນໍ້າຖ້ວມ​ນັ້ນ ເພີ້ມຄວາມຮ້າຍແຮງຂຶ້ນ ແລະປະລິ
ມານ ປາພ້ອມທັງຜົນລະປູກ ກໍຈະຕົກຕໍ່າລົງ.

ທ່ານ Jeremy ເວົ້າວ່າ: “ສະເພາະໃນລາວປະເທດດຽວ ກໍມີປະມານປູປາ ແລະ
ພືດພັນ ປະມານ
700 ຊະນິດແລ້ວທີ່ຄໍ້າຈຸນການດໍາລົງຊີວິດ ຂອງພວກເຂົາເຈົ້າ
ຊຶ່ງພວກເຮົາ
ມີຄວາມຮູ້ໜ້ອຍຫລາຍ ກ່ຽວກັບສິ່ງເຫຼົ່ານີ້.”

ໃນຂະນະທີ່ ພືດພັນບາງຊະນິດຈະໄດ້ຮົບຜົນດີຈາກອາກາດທີ່ຮ້ອນຂຶ້ນນັ້ນ ແຕ່ພືດປູກ ທີ່ສໍາຄັນ ເຊັ່ນກາເຟຢູ່ໃນຫວຽດນາມ ແລະເຂົ້າຢູ່ໃນປະເທດໄທ ອາດຖືກບັງຄັບໃຫ້ຍ້າຍ
ໄປປູກຢູ່ບ່ອນໃໝ່.

ແຕ່ຈໍາພວກປາຢູ່ໃນລໍາແມ່ນໍ້າຂອງ ຊຶ່ງເປັນແຫຼ່ງການປະມົງຕາມລໍາແມ່ນໍ້າທີ່ໃຫຍ່ທີ່ສຸດ
ຂອງໂລກນັ້ນ ແມ່ນຈະຍົກຍ້າຍໄປຖິ່ນອື່ນບໍ່ໄດ້ຢ່າງງ່າຍໆ ແລະການລ້ຽງປາກໍແມ່ນໄດ້
ກ້າວ ຂຶ້ນສູ່ລະດັບສູງສຸດ ທີ່ຈະບໍ່ທໍາລາຍສະພາບແວດລ້ອມ ທີ່ຍືນຍົງນັ້ນແລ້ວ.

ທ່ານ Carew-Reid ເວົ້າອີກວ່າ ສິ່ງກໍ່ສ້າງກັ້ນແມ່ນໍ້າຂອງທີ່ມະນຸດເຮັດຂຶ້ນມາ ປະມານ 30.000 ແຫ່ງ ເຊັ່ນເຂື່ອນໄຟຟ້າພະລັງນໍ້ານັ້ນ ກໍເພີ້ມຕື່ມໃສ່ຜົນກະທົບຂອງສະພາວະ ດິນຟ້າອາກາດປ່ຽນແປງ ນໍາອີກ.

ທ່ານ Carew-Reid ເວົ້າວ່າ: “ຖ້າພວກເຮົາລວມເອົາສິ່ງເຫຼົ່ານັ້ນເຂົ້າໃສ່ ກັບ
ສະພາວະດິນຟ້າອາກາດປ່ຽນແປງແລ້ວ ພວກເຮົາກໍຈະເຫັນສະພາບ
ການ
ທີ່ຈະສົ່ງຜົນລົບ
ຕໍ່ຈໍາພວກປານັ້ນຢ່າງໃຫຍ່ຫຼວງທີ່ສຸດ ຢູ່ໃນລໍາແມ່ນໍ້າຂອງ.”

ບັນດານັກວິທະຍາສາດ ທີ່ງານເຜີຍແຜ່ລາຍງານຜົນການສຶກສາຄົ້ນຄວ້າດັ່ງກ່າວ ເມື່ອ
ວັນສຸກອາທິດແລ້ວນີ້ ທີ່ບາງກອກນັ້ນ ເວົ້າວ່າ ເຂື່ອນແລະຝາຍກັ້ນນໍ້າອື່ນໆ ແມ່ນເປັນ
ໄພຂົ່ມຂູ່ອັນດຽວທີ່ໃຫຍ່ທີ່ສຸດ ຕໍ່ຄວາມຫຼາກ ຫຼາຍຂອງປາ ແລະການລ້ຽງປາ.

ໃນການເຄື່ອນໄຫວທີ່ສ້າງຄວາມຂັດແຍ້ງນັ້ນ ສປປ ລາວ ກໍາລັງດໍາເນີນການກໍ່ສ້າງ
ເຂື່ອນໄຟຟ້າພະລັງນໍ້າ ແຫ່ງທໍາອິດໃນຫຼາຍໆແຫ່ງທີ່ຈະສ້າງຂຶ້ນ ຢູ່ຕາມລໍາແມ່ນໍ້າຂອງ
ກໍຄື ເຂື່ອນໄຊຍະບູລີ.

Hans Guttman ຫົວໜ້າເຈົ້າໜ້າທີ່ບໍລິຫານປະຈໍາກໍາມາທິການແມ່ນໍ້າຂອງ ຫຼື MRC
ເຕືອນວ່າ ຂອບເຂດຂອງຄວາມເສຍຫາຍຈາກເຂື່ອນທັງຫຼາຍ ຈະມີຫຼາຍສໍ່າໃດນັ້ນ
ກໍຍັງບໍ່ຮູ້ໄດ້.

ທ່ານ ກຸທມັນ ເວົ້າວ່າ:ກໍາລັງມີການພິຈາລະນາກັນຢ່າງຂຸ້ນຂ້ຽວຢູ່ວ່າ ຜົນເສຍ
ຫາຍຈະມີຫຼາຍສໍ່າໄດ້
ແລະເຂື່ອນທັງໝົດນັ້ນຈະຖືກສ້າງຂຶ້ນມາ ຕາມແຜນທີ່
ອອກແບບໄວ້
ຫຼືບໍ່ ຫຼືວ່າເຂື່ອນບາງເຂື່ອນຈະຖືກສ້າງຂຶ້ນມາ ທີ່ບາດແລ້ວ ກໍ ແມ່ນຈະສ້າງຜົນກະທົບໃນລະດັບທີ່ແຕກຕ່າງໄປ ແລະຜົນປະໂຫຍດທີ່ໄດ້ຮັບ ຈາກເຂື່ອນເຫຼົ່ານັ້ນຈະຖືກນໍາໃຊ້ແບບໃດ ເພື່ອຊົດເຊີຍ ຫຼືຈັດການແກ້ໄຂຜົນ ກະທົບບາງປະການນັ້ນ ທັງໝົດນີ້ ແມ່ນເປັນສິ່ງທີ່ຍັງບໍ່ຮູ້ໄດ້ຢ່າງແນ່ນອນ
ຫຼາຍທີ່ສຸດ.”

ອົງການພັດທະນາລະຫວ່າງປະເທດຂອງສະຫະລັດ ຫຼື ຢູເສດ ເປັນຜູ້ໃຫ້ທຶນເຮັດການ ສຶກສາຄົ້ນຄວ້າດັ່ງກ່າວ ອັນເປັນພາກສ່ວນນຶ່ງຂອງໂຄງການລິເລີ່ມແມ່ນໍ້າຂອງຕອນລຸ່ມ
ຫຼື LMI ຂອງສະຫະລັດ.

Alfred Nakatsuma ເປັນຜູ້ອໍານວຍການປະຈໍາຂົງເຂດ ຂອງຫ້ອງການສະພາບແວດ ລ້ອມຂອງ ຢູເສດ.

ທ່ານ Nakatsuma ເວົ້າວ່າ: “ໂດຍທົ່ວໄປແລ້ວ ລັດຖະບານທັງຫຼາຍໃນຂົງເຂດ
ເຫຼົ່ານີ້ ແມ່ນສົນໃຈທີ່ສຸດຕໍ່ສະພາວະດິນຟ້າອາກາດປ່ຽນແປງ ຍ້ອນວ່າສະວັດດີ
ການຂອງປະຊາຊົນຂອງພວກຕົນ
ເປັນເດີນພັນສູງໃນເລື່ອງນີ້ ແລະມັນຈະດີ
ກວ່າ
ຖ້າເຮົາຈະທໍາການແກ້ໄຂບັນຫາເຫຼົ່ານີ້ແຕ່ບັດນີ້ ແທນທີ່ຈະເຮັດໃນພາຍ
ຫຼັງ ຊຶ່ງແນ່ນອນວ່າ
ມັນຈະສິ້ນເປືອງຄ່າໃຊ້ຈ່າຍຫຼາຍກ່ວານັ້ນ.”

ແຕ່ບັນດານັກວິທະຍາສາດເວົ້າວ່າ ຄືກັນກັບທີ່ເສດຖະກິດເປັນຕົວຂັບດັນ ໃຫ້ພາກັນ
ສ້າງເຂື່ອນນັ້ນ ຄວາມທຸກຈົນກໍແມ່ນຈະເຮັດໃຫ້ຍາກຫຼາຍຂຶ້ນ ສໍາລັບປະຊາຊົນທີ່ຈະ
ປັບຕົວເຂົ້າກັບສະພາບອຸນຫະພູມ ທີ່ຖີບຕົວສູງຂຶ້ນໄປນັບມື້ນັ້ນ.

ເບິ່ງວີດິໂອ ພາສາອັງກິດ:

ເບິ່ງຄວາມເຫັນ (2)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG