ບັນດານັກວິທະຍາສາດສະຫະລັດ ໄດ້ປະດິດວິທີການ ທີ່ຈະເຮັດໃຫ້ເຊື້ອໄວຣັສທີ່ພາໃຫ້
ເປັນໂຣກ AIDS ຢຸດເຊົາລະບາດ. ມັນຍັງບໍ່ແມ່ນການຮັກສາໃຫ້ຫາຍເທື່ອ ແຕ່ວ່າ ມື້ນຶ່ງ
ມັນອາດຈະຊ່ອຍໃຫ້ພວກທີ່ຕິດເຊື້ອ HIV ນັ້ນດຳລົງຊີວິດຢູ່ໄດ້ອີກຫຼາຍໆປີ ໂດຍປາດສະຈາກການໃຊ້ຢາປິ່ນປົວ.
ພວກນັກວິທະຍາສາດ ເອີ້ນການເອົາບາດກ້າວນີ້ວ່າ “ການຮັກສາຢ່າງມີປະສິດທິຜົນ.”
ນີ້ແມ່ນການຮັກສາໂຣກແບບທົດລອງ ຊຶ່ງກຳລັງໄດ້ຮັບການພັດທະນາຢູ່ ແລະຊ່ອຍພວກ
ຜູ້ປ່ວຍທີ່ຕິດເຊື້ອ HIV ນັ້ນ ທຽບເທົ່າກັບການຮັກສາໃຫ້ຫາຍດີ ເພາະສະນັ້ນ ພວກເຂົາ
ເຈົ້າກໍບໍ່ຕ້ອງກິນຢາ antiretroviral ໃນທຸກໆມື້ ເພື່ອຄວບຄຸມໂຣກດັ່ງກ່າວນີ້.
ໃນລາຍງານຂອງວາລະສານ Nature ພວກນັກວິທະຍາສາດ ກ່າວວ່າ ພວກເພິ່ນໄດ້ບັນລຸການຢຸດເຊົາລະບາດ ໃນພວກລິງທີ່ຕິດໂຣກ SIV ຊຶ່ງຖືວ່າເປັນໂຣກລັກສະນະດຽວກັນ
ກັບເຊື້ອ HIV ໃນມະນຸດ ໂດຍຈະປະສົມປະສານການຊັກຢາວັກຊີນແລະໃຊ້ຢານຳກັນ.
ຜູ້ຄົນທີ່ ຕິດເຊື້ອ HIV ທີ່ກິນຢາ antiretroviral ນັ້ນ ແມ່ນກົດດັນໃຫ້ໄວຣັສ AIDS ຢູ່ໃນລະດັບທີ່ບໍ່ສາມາດກວດເຫັນໄດ້. ແຕ່ວ່າໄວຣັສດັ່ງກ່າວ ແມ່ນບໍ່ໄດ້ຕາຍ ຫຼືຫາຍສາບສູນ
ໄປແທ້ໆ. ມັນໄດ້ຫລົບລີ້ຢູ່ໃນແຊລຂອງລະບົບພູມຕ້ານທານແທນ ແລະພ້ອມທີ່ຈະແຜ່ຂະຫຍາຍໃນຜູ້ປ່ວຍທີ່ເຊົາກິນຢາແລ້ວນັ້ນ.
ວິທີການໃໝ່ນີ້ ແມ່ນໃຊ້ຢານີ້ທີ່ຈະເຮັດໃຫ້ໄວຣັສຕື່ນ ແລະແລ້ວກໍຈູ່ໂຈມເລີຍ ໄວຣັສທີ່ວ່ານີ້ ຖືກຈູ່ໂຈມໂດຍລະບົບພູມຕ້ານທານ ທີ່ກະຕຸ້ນໂດຍວັກຊີນ ທີ່ແນເປົ້າໝາຍໃສ່ ເຊື້ອ HIV.
ທ່ານ Nelson Michael ຜູ້ຊີ້ນຳໂຄງການວິໄຈ HIV ຈາກສະຖາບັນວິໄຈ Walter Reed ຂອງກອງທັບບົກສະຫະລັດ ໃນລັດ Maryland ມອງເຫັນເຖິງ “ການຮັກສາຢ່າງມີປະສິດທິຜົນ” ນີ້ແມ່ນການປ່ຽນທິດທາງຂອງການຕໍ່ສູ້ຕ້ານຕໍ່ເຊື້ອໄວຣັສ ADIS. “ນີ້ແມ່ນບ່ອນທີ່ພວກເຮົາເລີ້ມຕົ້ນຂອງການຢ່າງກ້າວເຂົ້າໄປສຸດຂອບຂອງສະຖານະນີ້,” ທ່ານໄດ້ກ່າວໄວ້ເຊັ່ນນັ້ນ ແລະກ່າວຕໍ່ໄປວ່າ “ໃນຂະນະທີ່ພວກເຮົາກຳລັງພັດທະນາໃນວິທີການທີ່ຜິດແປກທີ່ເຮັດໃຫ້ພວກເຮົາສາມາດມີມູມມອງໃນມື້ນີ້ ທີ່ຈະເປັນແບບນັ້ນ ທີ່ວ່າ ບາງຄົນກໍບໍ່ຕ້ອງກິນຢາໃນແຕ່ລະມື້ ເພາະວ່າໃນທຸກສິ່ງຢ່າງທີ່ພວກເຮົາສາມາດ ເຮັດໄດ້ນັ້ນແມ່ນ ຍືດເວລາຂອງພວກເຂົາເຈົ້າອອກໄປແທນການທີ່ພວກເຂົາເຈົ້າຈະກິນຢາ. ນີ້ແມ່ນເລື້ອງທີ່ເປັນຈິງເປັນຈັງແທ້ໆ.”
