ໂທລະພາບຂອງລັດລາຍງານໃນວັນເສົາມື້ນີ້ວ່າ ກອງທັບເຮືອ
ຊາອຸດີ ອາຣາເບຍ ໄດ້ທຳການຍົກຍ້າຍ ບັນດານັກການທູດ
ຕ່າງປະເທດຫລາຍສິບຄົນອອກຈາກປະເທດເຢເມນທີ່ກຳລັງ
ມີຄວາມວຸ້ນວາຍ ຮວມທັງນັກການທູດ ຊາອຸດີ ນຳດ້ວຍ.
ບັນດານັກການທູດ ໄດ້ຖືກຂົນສົ່ງຈາກ ເມືອງທ່າ Aden ໃນ
ພາກໃຕ້ຂອງປະເທດເຢເມນ ໄປສູ່ທ່າເຮືອ Jeddah ໃນທະ
ເລແດງ ຂອງຊາອຸດີ ອາຣາເບຍ.
ການຍົກຍ້າຍນັກການທູດດັ່ງກ່າວ ໄດ້ມີຂື້ນທ່າມກາງການສູ້
ລົບທີ່ຮ້າຍແຮງໃນນະຄອນ Aden ລະຫວ່າງບັນດາຜູ້ສະໜັບ
ສະໜູນ ແລະຝ່າຍຄ້ານຂອງ ປະທານນາທິບໍດີ Abd-Rabbu Mansour Hadi ທີ່ຫາ
ກໍ່ຫລົບໜີອອກຈາກປະເທດໄປນັ້ນ.
ການໂຈມຕີ ທາງອາກາດ ຢູ່ ເຢເມນ
ໃນວັນສຸກວານນີ້ ໂຄສົກກອງທັບຊາອຸດີ ອາຣາເບຍ ກ່າວວ່າ ຊາອຸດີ ການໂຈມຕີທາງ
ອາກາດຕໍ່ພວກກະບົດ Houthi ຂອງຊາວ Shi’ite ພາຍໃຕ້ການນຳພາຂອງຊາອຸດີ ຢູ່
ໃນເຢເມນຈະດຳເນີນຢູ່ຕໍ່ໄປຕາບໃດທີ່ຍັງມີຄວາມຕ້ອງການເພື່ອປົກປ້ອງລັດຖະບານ
ເຢເມັນ.
ນາຍພົນຈັດຕະວາ Ahmed Asseri ຊຶ່ງເປັນໂຄສົກ ກ່າວວ່າ ການປະຕິບັດງານປ້ອງ
ກັນລັດຖະບານ ແມ່ນເປັນເປົ້າໝາຍຫລັກ. ເອກອັກຄະລັດຖະທູດຊາອຸດີປະຈຳສະຫະ
ລັດ ທ່ານ Adel al-Jubeil ກ່າວອີກວ່າ ມັນຍັງແນ່ໃສ່ເພື່ອ ຢັບຢັ້ງ ບໍ່ໃຫ້ພວກທະຫານ
ບ້ານຫົວຮຸນແຮງ ເຂົ້າຄວບຄຸມປະເທດເຢເມນທັງໝົດ.
ນອກນັ້ນ ໃນວັນສຸກວານນີ້ ບັນດາກຳປັ່ນລົບຂອງຊາອຸດີ ແລະອີຈິບ ໄດ້ຖືກສົ່ງໄປຍັງ
ຊ່ອງແຄບ Bab al-Mandab ຊຶ່ງເປັນຈຸດຍຸດທະສາດທີ່ສຳຄັນ ຢູ່ນອກແຄມຝັ່ງທະເລ
ປະເທດເຢເມນ.
ຊ່ອງແຄບ Bab Al-Mandab ເປັນເສັ້ນທາງທະເລ ທີ່ມີຄວາມສຳຄັນ ຕໍ່ຄວາມປອດໄພ
ແຫ່ງຊາດຂອງອີຈິບ. ມັນເປັນທາງເຂົ້າທີ່ສຳຄັນ ໄປສູ່ທະເລແດງສຳຫລັບບັນດາກຳປັ່ນ
ທີ່ຈະແລ່ນຜ່ານຄອງ Suez.
