ລິ້ງ ສຳຫລັບເຂົ້າຫາ

site logo
ວັນພຸດ, 18 ພຶດສະພາ 2022

UN ກ່າວວ່າ ການເຈລະຈາ ສັນຕິພາບ ເຢເມັນ ກຳນົດໃສ່ ວັນທີ 14 ມີຖຸນານີ້


ເດັກນ້ອຍ ຊາວເຢເມັນ ພາກັນຮ້ອງໂຮຄຳຂວັນ ແລະໂບກທຸກຊາດທີ່ມີຂໍ້ຄວາມທີ່ອ່ານເປັນພາສາ ອາຣັບວ່າ "ນຶ່ງເຢເມັນ" ທີ່ນະຄອນຫຼວງ Sana'aໃນລະຫວ່າງ ການປະທ້ວງຕໍ່ຕ້ານ ການໂຈມຕີທາງອາກາດ ທີ່ນຳພາໂດຍຊາອຸດີ ອາຣາເບຍ ໃນເຢເມັນ, ວັນທີ 6 ມີຖຸນາ 2015.

ອົງການ​ສະຫະ​ປະຊາ​ຊາດ ຫຼື UN ກ່າວ​ວ່າ ການ​ເຈລະຈາ​
ສັນ​ຕິ​ພາບ ລະຫວ່າງ​ພວກ​ກະບົດ​ເຢ​ເມັນ ​ແລະ ລັດຖະບານ
​ທີ່ຮັບຮອງ​ໂດຍ​ນາໆ​ຊາດ ທີ່​ລີ້ໄພ​ຢູ່​ຕ່າງປະ​ເທດ ຈະ​ມີ​ຂຶ້ນ
​ໃນ​ວັນ​ທີ 14 ມີ​ຖຸນາ ຈະ​ມາ​ເຖິງ ນີ້ ຢູ່​ທີ່ນະຄອນ Geneva.

​ໂຄສົກ​ UN ​ໄດ້​ປະກາດ​ໃຫ້ຊາບກ່ຽວກັບວັນ​ເວລາ​ດັ່ງກ່າວ ​
ໃນ​ວັນ​ເສົາ​ວານ​ນີ້ ​ໂດຍ​ເວົ້າວ່າ ​ເລຂາທິການ​ໃຫຍ່​ທ່ານ Ban
Ki-moon ມີ​ຄວາມ​ຍິນ​ດີ​ ໃນການ​ຕົກລົງ​ກັນ ໂດຍປະທານາທິບໍດີ​
ເຢ​ເມັນທ່ານ Abed Rabbo Mansour Hadi ​ແລະພວກ​ກະບົດ
Houthi ຂອງຊາວ Shi’ite ​ທີ່​ຄວບ​ຄຸມ​ນະຄອນຫຼວງ Sana’a.
ກອງ​ປະຊຸມ​ສັນຕິພາບ ທີ່ ກຳນົດ​ໃສ່​ທ້າຍ​ເດືອນ​ແລ້ວ​ນີ້ ​ໄດ້​ຖືກ​ເລື່ອນອອກ​ໄປ ຫຼັງຈາກ​ທີ່​ລັດຖະບານ ​ແລະພັກຝ່າຍທີ່​ສຳຄັນອື່ນໆ ​ໄດ້ຂໍເວລາ​ຕື່ມ​ອີກ ເພື່ອກະກຽມ ການ​ເຈລະຈາ.

​ໂຄ​ສົກ UN ກ່າວ​ວ່າ ທ່ານ Ban ຍັງ​ໄດ້​ຮຽກຮ້ອງ​ ໃຫ້​ທັງ​ສອງ​ຝ່າຍຕົກ​ລົງ​ກັນ ຢຸດຍິງ​ຊົ່ວ
ຄາວ​ເພື່ອມະນຸດສະທຳ ຄື​ກັນ​ກັບ​ທີ່​ໄດ້​ຕົກລົງ​ກັນ​ ເມື່ອ​ເດືອນ​ແລ້ວ​ນີ້ ທີ່​ອອຳນວຍໃຫ້ມີ
ການຈັດສົ່ງ​ການ​ຊ່ອຍ​ເຫຼືອ​ໄປໃຫ້ ພົນລະ​ເຮືອນຫຼາຍ​ແສນ​ຄົນ ທີ່ຕົກ​ຄ້າງ​ຢູ່​ໃນ​ເຂດຂັດ
​ແຍ້​ງກັນນັ້ນ.

​ໃນຕອນເຊົ້າ ວັນ​ເສົາ​ວານ​ນີ້ ​ບັນດາ​ເຈົ້າໜ້າ​ທີ່​ຊາ​ອຸ​ດີ ອາຣາ​ເບຍ ກ່າວ​ວ່າ ກອງ​ກຳລັງ​ຂອງ​ຕົນ ​ໄດ້​ສະກັດ​ກັ້ນ ລູກ​ສອນ​ໄຟ scud ທີ່ຍິງ​ມາ ຈາກ​ດິນ​ແດນເຢ​ເມັນ​ເຂົ້າໃສ່​ເຂດ​ພາກ​ຕາ​ເວັນ​ຕົກ​ສຽງ​ໃຕ້ຂອງ​ປະ​ເທດ.

ອົງການ​ຂ່າວ​ຂອງ​ທາງ​ການ​ຊາ​ອຸ​ດີ ອາຣາ​ເບຍ ກ່າວ​ວ່າ ລູກ​ສອນ​ໄຟ​ patriot ທີ່​ຜະລິດ​ໂດຍ​ສະຫະລັດ ​ໄດ້​ຖືກ​ນຳ​ໃຊ້​ເພື່ອ​ຍິງ​ທຳລາຍລູກ​ສອນ​ໄຟ scud ໃກ້ໆ​ກັບ​ເມືອງ Khamis Mushait.

Yemen Saudi
please wait
Embed

No media source currently available

0:00 0:00:29 0:00

ທ່ານອາດຈະມັກເລື້ອງນີ້ຄືກັນ

XS
SM
MD
LG