ທ່ານ Adel al-Jubeir ລັດຖະມົນຕີຕ່າງປະເທດຊາອູດີອາເຣ
ເບຍ ກ່າວໃນວັນອາທິດວານນີ້ວ່າ ກະສັດ Salman ແຫ່ງຊາອູ
ດີອາເຣເບຍ ຈະບໍ່ເຂົ້າຮ່ວມໃນກອງປະຊຸມສຸດ ສະຫະລັດ-ອາ
ຫຣັບ ທີ່ປະທານາທິ ບໍດີບາຣັກ ໂອບາມາ ຈະເປັນເຈົ້າພາບຈັດ
ຂຶ້ນໃນສັບປະດານີ້ ໂດຍໄດ້ລົບລ້າງເຊັ່ນກັນ ແຜນການພົບປະ
ກັນຢູ່ທີ່ທຳນຽບຂາວ ທີ່ໄດ້ປະກາດໃຫ້ຮູ້ ພຽງບໍ່ເທົ່າໃດມື້ກ່ອນ
ໜ້ານີ້.
ກອງປະຊຸມສຸດຍອດດັ່ງກ່າວ ຈະເລີ້ມຂຶ້ນໃນວັນພຸດມື້ຮືນີ້ ໂດຍ
ຈະມີຄະນະຜູ້ຕາງໜ້າມາຈາກ 6 ປະເທດສະມາຊິກຂອງສະພາ
ການຮ່ວມມື ໃນເຂດອ່າວເປີເຊຍ ມາຢ້ຽມຢາມທຳນຽບຂາວ ແລະຫຼັງຈາກນັ້ນກໍຈະທຳ
ການໂອ້ລົມສົນທະນາກັນ ຕໍ່ໃນວັນພະຫັດ ຢູ່ສະຖານທີ່ພັກຜ່ອນຂອງປະທານາທິບໍດີ
ສະຫະລັດ ທີ່ Camp David ນັ້ນ.
ທ່ານ Jubeir ກ່າວວ່າ ກະສັດ Salman ຈະສົ່ງອົງມົງກຸດ ເຈົ້າຊາຍ Mohammed bin Nayef ໄປແທນພະອົງ. ທ່ານ Jubeirໄດ້ອ້າງເຫດຜົນວ່າ ກອງປະຊຸມສຸດຍອດດັ່ງກ່າວ
ເກີດຂຶ້ນ ໃນຊ່ວງເວລາດຽວກັນກັບ ກຳນົດການຢຸດຍິງ ແລະດຳເນີນຄວາມພະຍາຍາມ
ດ້ານມະນຸດສະທຳ ເປັນເວລາຫ້າມື້ໃນປະເທດເພື່ອນບ້ານ ເຢເມັນ ບ່ອນທີ່ Saudi Arabia
ໄດ້ນຳພາໃນການໂຈມຕີທາງອາກາດ ຕໍ່ພວກນັກຕໍ່ສູ້ຝ່າຍກະບົດ ຕໍ່ຕ້ານລັດຖະບານນັ້ນ.
ເຈົ້າໜ້າທີ່ລັດຖະບານໂອບາມາທ່ານນຶ່ງກ່າວວ່າ ການປ່ຽນແປງທີ່ວ່ານີ້ ບໍ່ໄດ້ “ເປັນການ
ຕອບສະໜອງຕໍ່ບັນຫາທີ່ມີແກ່ນສານໃດໆ.”
ເນື່ອງຈາກກະສັດ Salman ຈະບໍ່ມາຮ່ວມກອງປະຊູມສຸດຍອດຄັ້ງນີ້ ກໍຈະມີແຕ່ພວກຜູ້ນຳ
ປະເທດກາຕ້າ ແລະ Kuwait ເທົ່ານັ້ນ ທີ່ຈະເປັນຫົວໜ້ານຳພາຄະນະຜູ້ແທນຂອງຕົນມາ
ຮ່ວມ. Emir ຫຼືກະສັດ Sabah Ahmad al-Sabah ແຫ່ງ Kuwait ໄດ້ເດີນທາງມາຮອດ
ວໍຊິງຕັນແລ້ວ ໃນວັນອາທິດວານນີ້ ແລະ Emir ແຫ່ງ Qatar Sheikh Tamim bin Hamad Al Thani ມີກຳນົດຈະອອກເດີນທາງຈາກ Doha ໃນວັນຈັນມື້ນີ້.
Sultan Qabooss bin Said ແຫ່ງ Oman ແລະປະທານາທິບໍດີ Khalifa bin Zayed al-Nahyan ແຫ່ງສະຫະລັດອາຫຣັບ Emirates ຈະບໍ່ມາຮ່ວມນຳ ຍ້ອນເຫດຜົນດ້ານ
ສຸຂະພາບ. ສ່ວນຄະນະຜູ້ແທນຂອງບາເຣນ ແມ່ນຈະນຳພາໂດຍ ອົງມົງກຸດ ແທນກະສັດ Hamad bi Isa Al-Khakifa. ບາເຣນບໍ່ໄດ້ໃຫ້ເຫດຜົນໃດໆ.
