ລິ້ງ ສຳຫລັບເຂົ້າຫາ

ວັນອາທິດ, ໑໔ ກໍລະກົດ ໒໐໒໔

ຊາອຸດີ ອາຣາເບຍ ຍົກຍ້າຍ ນາຍທະຫານ ແລະ ໃຫ້ແມ່ຍິງ ເປັນຮອງ ລັດຖະມົນຕີ


ກະສັດຊາອຸດີ ອາຣາເບຍ ຊາລມັນ ບິນ ອັບດູລາຊິສ ອາລ ຊອດ ຢູ່ກອງປະຊຸມຄະນະບໍລິຫານ ທີ່ນະຄອນຫບວງຣີຢາດຣ໌ ປະເທດຊາອຸດີ ອາຣາເບຍ.
ກະສັດຊາອຸດີ ອາຣາເບຍ ຊາລມັນ ບິນ ອັບດູລາຊິສ ອາລ ຊອດ ຢູ່ກອງປະຊຸມຄະນະບໍລິຫານ ທີ່ນະຄອນຫບວງຣີຢາດຣ໌ ປະເທດຊາອຸດີ ອາຣາເບຍ.

ກະສັດ​ ຊາລມັນ ແຫ່ງ ຊາ​ອຸ​ດີ ອາ​ຣາ​ເບຍ ​ໄດ້​ສັບ​ປ່ຽນ ​ພວກ​ນາຍ​ທະຫານຊັ້ນ​ສູງ​ສຸດ​ຂອງປະເທດຈຳນວນ​ນຶ່ງ ແລະ​ພວກ​ລັດຖະມົນ​ຕີ ໃນຄະນະ​ລັດຖະບານ ​ໃນ​ ປັບປຸງ
ການຈັດຕັ້ງທາງທະຫານຢ່າງ​ກວ້າງຂວາງນັ້ນ.

ກະສັດ​ໄດ້​ແຕ່ງຕັ້ງໃໝ່ ຜູ້ບັນຊາການ ທັງກຳລັງ​ປ້ອງ​ກັນ​ທາງ​ອາກາດແລະກຳລັງພາກ​
ພື້ນ​ດິນ ພ້ອມ​ທັງ​ພວກ​ເຈົ້າ​ໜ້າ​ທີ່​ຂັ້ນ​ສູງ​ຫລາຍ​ຄົນ ທີ່ກະຊວງ​ພາຍໃນ ອີງ​ຕາມ​ພະຣາ
ຊະໂອງການ ທີ່ໄດ້​ເຜີຍ​ແຜ່​ໂດຍ​ສື່​ມວນ​ຊົນ​ຂອງລັດຖະບານໃນ​ວັນ​ຈັນ​ວານ​ນີ້.

ບໍ່​ມີ​ການໃຫ້ເຫດຜົນໃດໆ ​ກ່ຽວກັບການ​ສັບ​ປ່ຽນດັ່ງກ່າວ ຊຶ່ງ​ຍັງ​ໄດ້​ເຫັນມີ​ການ​ແຕ່ງ​ຕັ້ງ ​ຫົວໜ້າເສນາທິການ​ຄົນ​ໃໝ່ ນາຍ​ພົນ​ໂທ ຟາ​ຢາດ ບິນ ຮໍາເມັດ ອານ-ຣູວາລີ.

ຮວມຢູ່ໃນ​ການ​ສັບ​ປ່ຽນ​ດັ່ງກ່າວ ກໍແມ່ນ​ການ​ແຕ່ງ​ຕັ້ງ ​ແມ່ຍິງ​ຊາອຸດີ ອາຣາເບຍທ່ານ
ນາງທາ​ມາດາ ບິນ​ ຢູ​ເຊ​ຟ ອານ-ຣາມາ​ ​ເປັນ​ຮອງ​ລັດຖະມົນຕີ​ແຮງ​ງານ ​ແລະ​ພັດທະ
ນາ​ສັງ​ຄົມ ຊຶ່ງເປັນ​ຕຳແໜ່ງຂັ້ນສູງ​ຂອງ​ລັດຖະບານແບບ​ທີ່​ບໍ່ເຄີຍ​ມີ​ມາ​ກ່ອນ​ສຳລັບ
ພວກ​ແມ່ຍິງ ຢູ່​ໃນ​ອານາຈັກ​ທີ່​ນິຍົມແນວທາງ​ເດີມ.

ການ​ປ່ຽນ​ແປງນີ້​ໄດ້​ພາໃຫ້ເລື່ອນຊັ້ນ ​ສຳລັບບັນດາ​ເຈົ້າ​ໜ້າທີ່ຍັງ​ໜຸ່ມ​ນ້ອຍເຂົ້າຮັບໜ້າ​
ທີ່ໆ​ສຳຄັນຕ່າງໆ ໃຫ້ເປັນ​ຮ​ອງລັດຖະມົນຕີ ຮອງເຈົ້າ​ແຂວງ​ ​ແລະ​ທີ່​ປືກສາ​ໃຫ້ແກ່​ພະ​
ຣາ​ຊະ​ວັງ.

ບັນດາ​ນັກວິ​ເຄາະ​ເຫັນ​ວ່າ ການ​ສັບ​ປ່ຽນນີ້ ​ເປັນ​ຊ່ອງທາງໃຫ້​ເຈົ້າຟ້າ​ຊາຍ ​ໂມຮຳ​ມາດ
ບິນ ຊາລມັນ ອາຍຸ 32 ປີ ຜູ້​ທີ່​ເປັນ​ລັດຖະມົນຕີ​ປ້ອງ​ກັນ​ປະ​ເທດ ​ແລະ​ເຊື້ອສາຍກະ​ສັດ
​ທີ່​ຈະ​ຂຶ້ນ​ຄອງ​ບັນລັງ ​ຮວບຮວມອຳນາດ​ໄວ້ ຢູ່ໃນກຳມືຂອງ​ເຈົ້າຊາຍ.

ອ່ານຂ່າວນີ້ເພີ້ມເປັນພາສາອັງກິດ

XS
SM
MD
LG