ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ຊາອຸດີ ອາຣາເບຍ ປະກາດຕັ້ງ ພັນທະມິດ 34 ປະເທດ ຕ້ານການກໍ່ການຮ້າຍ


ພາບບັນທຶກຈາກ ອົງການຂ່າວ ຊາອຸດີ (SPA) ສະແດງໃຫ້ເຫັນ ກຳລັງພາກພື້ນດິນ ຂອງອານາຈັກ ຊາອຸດີ ອາຣາເບຍ.
ພາບບັນທຶກຈາກ ອົງການຂ່າວ ຊາອຸດີ (SPA) ສະແດງໃຫ້ເຫັນ ກຳລັງພາກພື້ນດິນ ຂອງອານາຈັກ ຊາອຸດີ ອາຣາເບຍ.

ຊາ​ອຸ​ດີ ອາຣາ​ເບຍ ປະກາດ​ໃນ​ວັນ​ອັງ​ຄານ​ມື້​ນີ້​ ​ໃນອັນ​ທີ່​ຮ້ອງ​ວ່າ
ພັນທະ​ມິດ ທາງ​ທະຫານ​ອິສລາມ​ໃໝ່ ຊຶ່ງປະກອບ​ດ້ວຍ 34
​ປະ​ເທດທີ່ຈະ​ສູ້​ລົບ​ກັບ​ ພວກ​ກໍ່​ການ​ຮ້າຍ.

ອົງການ​ຂ່າວ​ທາງ​ກາ​ນຂອງລັດຖະບານ ຊາ​ອຸ​ດີ ​ໄດ້​ພິມເຜີຍ​ແຜ່
​ຖະ​ແຫລ​ງການ ​ທີ່ກ່າວ​ວ່າ ການ​ລິ​ເລີ້ມຂອງ​ພັນທະ​ມິດ​ຈະ​ຮວມ
ທັງສູນ​ກາງ​ການປະຕິບັດງານ​ຢູ່ໃນນະຄອນຫຼວງ Riyadh ເພື່ອ
ປະສານ​ງານການ​ປະ​ຕິ​ບັດ​ງານ​ທາງ​ທະຫານ.

ຖະ​ແຫລ​ງການ​ກ່າວ​ວ່າ ພວກ​ກໍ່​ການ​ຮ້າຍ ​ແມ່ນ “​ລ່ວງ​ລະ​ເມີດ​
ຢ່າງ​ຮ້າຍ​ແຮງ ຕໍ່​ກຽດ​ສັກສີ​ ​ແລະ​ສິດທິມະນຸດ ​ໂດຍ​ສະ​ເພາະ
ສິດ​ທິໃນການ​ມີ​ຊີ​ວິດ​ຢູ່ ​ແລະ​ສິດທິ​ດ້ານຄວາມ​ໝັ້ນຄົງ” ​ແລະ​ວ່າ “​ການ​ປະຕິບັດ​ການ​ສໍ້​ລາດ ​ແລະ​ການ​ກໍ່​ການ​ຮ້າຍ ບໍ່​ສາ​ມາດ​ທີ່​ຈະ​ນຳ​ມາເປັນ​ຂໍ້​ອ້າງ​ໃດໆ​ໄດ້.”

ຮອງ​ອົງ​ມົງກຸດ​ລາດຊະ​ກຸ​ມານ ​ແລະ​ລັດຖະມົນຕີ​ປ້ອງ​ກັນ​ປະ​ເທດ ຂອງ​ຊາ​ອຸ​ດີ ​ເຈົ້າຊາຍ
Mohammed bin Salman ກ່າວ​ຢູ່​ກອງ​ປະຊຸມ​ນັກ​ຂ່າວ​ວ່າ ຈະ​ບໍ່ມີ​ການ​ເນັ້ນໜັກ​ໃ​ສ່
ກຸ່ມ​ກໍ່​ການ​ຮ້າຍໃດໆ.

​ເຈົ້າຊາຍ​ກ່າວ​ວ່າ “ມື້​ນີ້ ມີ​ຈ​ຫລາຍ​ປະ​ເທ​ດ ທີ່​ໄດ້​ຮັບ​ຄວາມທຸກ​ທໍລະ​ມານ​ຈາກ ພວກ​ກໍ່​
ການ​ຮ້າຍ ດັ່ງ​ໂຕ​ຢ່າງ Daesh ຫຼືກຸ່ມລັດ​ອິສລາມ ຢູ່​ໃນ​ຊີ​ເຣຍ ​ແລະ​ອີຣັກ ພວກ​ກໍ່​ການ
​ການ​ຮ້າຍ​ໃນເຂດ​ໄຊ​ນາຍ ພວກ​ກໍ່​ກາ​ນຮ້າຍ​ໃນ​ເຢ​ເມນ ພວກກໍ່​ການ​ຮ້າຍ​ໃນລີ​ເບຍ
ພວກ​ກໍ່​ການ​ຮ້າຍ​ໃນມາລີ ພວກ​ກໍ່​ການ​ຮ້າຍ​ໃນ ​ໄນ​ຈີ​ເຣຍ ພວກກໍ່​ການ​ຮ້າຍ​ໃນປາ​ກິ​ສ
ຖານ ພວກ​ກໍ່​ກາ​ນຮ້າຍ​ໃນອັຟກາ​ນິສຖານ​ແລະ​ນີ້​ແມ່ນ ​ຈຳ​ເປັນ​ຕ້ອງ​ໄດ້​ມີ​ການ​ດຳ​ເນີນ
ຄວາ​ມ​ພະຍາຍາມ​ຢ່າງ​ແຂງ​ແຮງ​ເພື່ອທຳ​ການ​ຕໍ່ສູ້. ​ໂດຍ​ບໍ່​ຕ້ອງສົງ​ໄສ ຈະ​ມີ​ການ​ປະ
ສານ​ງານ​ຢູ່​ໃນ​ຄວາມ​ພະຍາ​ຍາມເຫຼົ່ານີ້.”

ບັນດາ​ພັນ​ທະ​ມິດ​ຮວມ​ທັງຈໍແດນ ບາ​ຫ໌ເຣນ ​ເທິ​ກີ ​ແລະ ສະຫະລັດອາຣັບ​ເອ​ເມີ​ເຣັສ ທີ່​
ປະຕິບັດ​ງານໂຈມ​ຕີ​ທາງ​ອາກາດ ​ໃນ​ຊີ​ເຣຍ ອັນ​ເປັນ​ພາກສ່ວນນຶ່ງ​ຂອງ ການ​ປະຕິບັດ​
ງານຂອງແນວ​ໂຮມພາຍ​ໃຕ້​ການ​ນຳພາ​ຂອງ​ສະຫະລັດ​ເພື່ອ​ຕໍ່ຕ້ານ​ກຸ່ມລັດ​ອິສລາມ.
ສ່ວນ​ປະ​ເທດ​ອື່ນໆ​ຈາກຈາກ​ເຂດ​ພາກຕາ​ເວັນ​ອອກ​ກາງ ​ແມ່ນ ຮວມທັງ ຕູ​ນິ​ເຊຍ ​ເລ
​ບາ​ນອນ ລີ​ເບ​ຍ ​ແລະ​ອີ​ຈິບ. ​ປາ​ກິ​ສຖານ ບັງ​ກະລາ​ແດັສ ​ແລະ​ມາ​ເລ​ເຊຍ ກໍ​ເປັນ​ພາກ
ສ່ວນນຶ່ງ​ຂອງຄວາ​ມພະຍາຍາມນີ້ ພ້ອມ​ທັງ​ບັນ​ດາ​ປະເທດອາ​ຟຣິກາ ​ເຊັ່ນ​ວ່າ ຊູດ​ານ
ໂຊ​ມາ​ເລຍ ມາລີ ​ແລະ​ໄນ​ຈີ​ເຣຍ.

ຖະແຫຼງການ​ຂອງ​ຊາ​ອຸດີ​ກ່າວ​ວ່າ ສ່ວນ​ປະ​ເທດ​ອື່ນໆ​ທີ່​ສະ​ແດງ​ການ​ສະໜັບສະ ໜຸນ​ກໍ​
ມີ​ຮວມທັງ​ອິນ​ໂດ​ເນ​ເຊຍ​ ຊຶ່ງ​ເປັນ​ປະ​ເທດ​ທີ່​ມີ​ປະຊາກອນ​ມຸສລິ​ມຫລາຍ​ທີ່ ສຸດ​ໃນ​ໂລກ.

Saudi Terror
please wait
Embed

No media source currently available

0:00 0:01:08 0:00

XS
SM
MD
LG