ເກົາຫຼີເໜືອອາດກຳລັງສ້າງເຮືອດຳນ້ຳທີ່ອອກແບບເພື່ອຍິງລູກສອນໄຟ ອີງຕາມເວັບໄຊນຶ່ງຂອງສະຫະລັດທີ່ຕິດຕາມເບິ່ງການພັດທະນາອາວຸດຂອງເກົາຫຼີເໜືອ.
ເວັບໄຊ 38 North ໄດ້ພິມເຜີຍແຜ່ ຮູບພາບທີ່ຖ່າຍຈາກ ດາວທຽມພານິດ ທີ່ເວັບໄຊດັ່ງ ກ່າວເວົ້າວ່າ ເປັນການສະແດງໃຫ້ເຫັນ ເຖິງການກໍ່ສ້າງຂອງໂຄງການກອງທັບເຮືອ ແຕ່ ບໍ່ສາມາດ ໃຫ້ການຢືນຢັນວ່າ ສິ່ງທີ່ເຫັນນັ້ນ ເປັນເຮືອດຳນ້ຳ. ຖ້າລຳຕົວທີ່ຮູບພາບດາວທຽມສະແດງໃຫ້ເຫັນເປັນເຮືອດຳນ້ຳແລ້ວ ມັນຈະຕ້ອງ ມີຂະໜາດໃຫຍ່ກວ່າເຮືອດຳນ້ຳ ທີ່ພຽງຢາງໃຊ້ຍິງລູກສອນໄຟນິວເຄລຍໄດ້ຢ່າງແນ່ນອນ.
ຄວາມເປັນຫ່ວງກັງວົນຂອງໂລກ ກ່ຽວກັບໂຄງການກອງທັບເຮືອຂອງເກົາຫຼີເໜືອແມ່ນເພີ້ມທະວີຂຶ້ນ ຫລັງຈາກໄດ້ມີການທົດລອງຍິງລູກສອນໄຟຂີປະນາວຸດຈາກເຮືອດຳນ້ຳ ໃນເດືອນແລ້ວນີ້.
ລູກສອນໄຟທີ່ຍິງຈາກໄລຍະບໍ່ໄກປານໃດຈາກແຄມຝັ່ງຂອງເມືອງ Sinpo ເມື່ອເດືອນສິງຫາຜ່ານມາ ໄດ້ເດີນທາງໄປໃນໄລຍະປະມານ 500 ກິໂລແມັດກ່ອນທີ່ຈະຕົກລົງໃສ່ ທະເລຢູ່ໃນເຂດແຈ້ງການ ກ່ຽວກັບການປ້ອງກັນທາງອາກາດຂອງຍີ່ປຸ່ນ ທີ່ເອີ້ນຫຍໍ້ວ່າ ADIZ.
