ການໂຄສະນາຫາສຽງ ຂອງຜູ້ສະມັກ ເປັນປະທານາທິບໍດີ
ສະຫະລັດສັງກັດພັກເດໂມແຄຣັດ ທ່ານ Bennie Sanders
ໄດ້ຮັບໄຊຊະນະໃນການຕໍ່ສູ້ດ້ານກົດ ໝາຍ ເພື່ອເຂົ້າໄປຫາ
ຂໍ້ມູນທີ່ສຳຄັນຂອງບັນດາຜູ້ປ່ອນບັດ.
ການໂຄສະນາຫາສຽງຂອງ ທ່ານ Sanders ໄດ້ຮັບອະນຸ
ຍາດໃຫ້ເຂົ້າໄປຫາຂໍ້ ມູນດັ່ງກ່າວ ໃນຕອນເຊົ້າວັນເສົາມື້ນີ້
ພຽງບໍ່ເທົ່າໃດຊົ່ວໂມງຫຼັງຈາກໄດ້ຍືນຟ້ອງ ຢູ່ສານລັດຖະ
ບານກາງ ຕໍ່ຄະນະກຳມະການພັກເດໂມແຄຣັດແຫ່ງຊາດ
ຫລື DNC. ຄະນະກຳມະການດັ່ງກ່າວຂອງພັກ ໄດ້ຫ້າມ
ການໂຄສະນາຫາສຽງຂອງ ທ່ານ Sanders ບໍ່ໃຫ້ເຂົ້າໄປ
ຫາຂໍ້ມູນການຫາສຽງ ໂດຍອ້າງວ່າ ການໂຄສະນາຫາສຽງຂອງສະມາຊິກສະພາສູງລັດ
Vermont ໄດ້ເຂົ້າໄປຫາຂໍ້ມູນແບບບໍ່ ຖືກຕ້ອງ ທີ່ເກັບກໍາໂດຍຄູ່ແຂ່ງຂອງທ່ານຄືທ່ານ
ນາງ Hillary Clinton.
ປະທານພັກເດໂມແຄຣັດແຫ່ງຊາດຫຼື DNC ທ່ານນາງ Debbie Wasseman Schultz
ກ່າວຢູ່ໃນຖະແຫລງການວ່າ ອົງການ DNC ໄດ້ຟື້ນຟູການເຂົ້າໄປຫາຂໍ້ມູນນັ້ນຄືນໃຫ້ແກ່ ການໂຄສະນາຫາສຽງຂອງທ່ານ Sanders ໂດຍອີງຕາມຂໍ້ມູນ ທີ່ການໂຄສະນາຫາສຽງ
ຂອງທ່ານສະໜອງໃຫ້ ແລະການໃຫ້ຄໍາໝັ້ນສັນຍາທີ່ຈະຮ່ວມມືແກ່ການສອບສວນ.
ທ່ານນາງ Shultz ກ່າວວ່າ ອົງການ DNC ຈະໃຫ້ການຄໍ້າປະກັນວ່າ ການໂຄສະນາຫາ
ສຽງຂອງທ່ານ Sanders ໄດ້ລຶບຂໍ້ມູນການໂຄສະນາຫາສຽງທີ່ເຂົ້າໄປຫາຢ່່າງບໍ່ຖືກຕ້ອງ
ນັ້ນຖິ້ມ.
