ບໍລິສັດ Samsung ໄດ້ຮຽກຮ້ອງໃຫ້ບັນດາຜູ້ນຳໃຊ້ໂທລະສັບ Galaxy Note 7 ຂອງ ພວກເຂົາເຈົ້າ ຢຸດໃຊ້ໂທລະສັບຂອງຕົນຢ່າງຮີບດ່ວນ ແລະ ໃຫ້ໄປແລກປ່ຽນມັນໃນວັນ ເສົາວານນີ້, ຫຼັງຈາກມີລາຍງານວ່າ ຖ່ານຂອງມັນໄດ້ລະເບີດ.
ການປະກາດແມ່ນສ່ວນໜຶ່ງຂອງການເອີ້ນສິ້ນຄ້າກັບຄືນ ເຊິ່ງມີຜົນກະທົບເຖິງ 10 ປະ ເທດ. ບັນດາລູກຄ້າ ເກົາຫຼີໃຕ້ ໄດ້ຖືກບອກໃຫ້ໄປສູນບໍລິການ ສຳລັບການປ່ຽນໂທລະສັບ ໃນຕອນເຊົ້າຂອງວັນເສົາວານນີ້. ຄຳເຕືອນທີ່ຄ້າຍຄືກັນໄດ້ຖືກສົ່ງຫາບັນດາລູກຄ້າ ໃນ ສະຫະລັດ ໃນວັນສຸກທີ່ຜ່ານມາ. ບັນດາເຈົ້າຂອງໂທລະສັບ Samsung Galaxy Note 7 ໃນ ສະຫະລັດ ຈະສາມາດແລກປ່ຽນໂທລະສັບຂອງພວກເຂົາເຈົ້າໄດ້ ກັບໂທລະສັບ ຫຼາຍລຸ້ນ ພ້ອມກັບບັດຂອງຂວັນລາຄາ 25 ໂດລາ.
ການເອີ້ນຄືນໂທລະສັບປະມານ 2 ລ້ານ 5 ແສນໜ່ວຍ ສາມາດສ້າງຄວາມເສຍຫາຍໃຫ້ ກັບບໍລິສັດ Samsung ຫຼາຍເຖິງ 5 ຕື້ໂດລາ, ແລະ ຮຸ້ນຂອງບໍລິສັດໄດ້ປິດລົງຕໍ່າດ້ວຍ 3.9 ເປີເຊັນໃນວັນສຸກທີ່ຜ່ານມາ.
ໃນທ້າຍສັບປະດາທ່ານມາ, ສາຍການບິນໃຫຍ່ຫຼາຍບໍລິສັດ ຍັງໄດ້ຮຽກຮ້ອງໃຫ້ພວກລູກ ຄ້າປິດໂທລະສັບຂອງພວກເຂົາເຈົ້າໄວ້ ຫຼື ເອົາມັນໄວ້ໃນກະເປົາ Check in ກ່ອນຂຶ້ນ ເຮືອບິນ.
ນັບຕັ້ງແຕ່ໄດ້ມີການເປີດຕົວຂອງໂທລະສັບດັ່ງກ່າວໃນເດືອນສິງຫາທີ່ຜ່ານມາ, ຮູບພາບ ຫຼາຍໃບຂອງໂທລະສັບທີ່ຖືກໄໝ້ ໄດ້ຖືກເປີດເຜີຍໃນສື່ສັງຄົມ, ພ້ອມກັບເຈົ້າຂອງໂທລະ ສັບ ອ້າງວ່າພວກເຂົາເຈົ້າໄດ້ຖືກໄຟໄໝ້ໂດຍບັງເອີນ.
ບໍລິສັດ Samsung ໄດ້ຢືນຢັນວ່າຖ່ານຂອງໂທລະສັບລຸ້ນດັ່ງກ່າວມີຄວາມຜິດພາດ, ແລະ ວ່າພວກເຂົາເຈົ້າໄດ້ຮີບເລັ່ງສົ່ງໂທລະສັບທົດແທນໃຫ້ບັນດາລູກຄ້າ ໃນຂະນະທີ່ກຳລັງ ເຮັດວຽກກັບໂທລະສັບລຸ້ນໃໝ່ນີ້ຢູ່.
