ບໍລິສັດ Samsung ຢຸດເຊົາຂາຍແລະແລກຄືນໂທລະສັບສະຫຼາດ Galaxy Note 7
ຍ້ອນຄວາມເປັນຫ່ວງເລື່ອງຄວາມປອດໄພທີ່ມີມາ ແລະແນະນຳໃຫ້ພວກລູກຄ້າ ເຊົາໃຊ້ ໂທລະສັບສະຫຼາດພວກນີ້ ທັນທີ. ລາຄາຕະຫຼາດຮຸ້ນ ສຳລັບບໍລິສັດເທັກໂນໂລຈີເກົາຫຼີໃຕ້ ໄດ້ຫຼຸດລົງຢ່າງໃຫຽ່ ຍ້ອນຂ່າວ ການໂຈະຂາຍໂທລະສັບສະຫຼາດນີ້.
ໃນວັນອັງຄານມື້ນີ້ ບໍລິສັດດັ່ງກ່າວ ໄດ້ຂໍໃຫ້ເຈົ້າຂອງໂທລະສັບສະຫຼາດ Galaxy Note 7 ມອດໂທລະສັບມືຖືນີ້ໄວ້ ແລະໃຫ້ໄປປ່ຽນເອົາໂທລະສັບແນວອື່ນແທນ.
ບໍລິສັດ Samsung ໄດ້ກ່າວໃນຖະແຫຼງການນຶ່ງວ່າ. “ພວກເຮົາກຳລັງເຮັດວຽກກັບໜ່ວຍສືບສວນສອບສວນຕ່າງໆ ໃນກໍລະນີທີ່ໄດ້ຮັບລາຍງານມາ ທີ່ພົວພັບກັບໂທລະສັບ ສະຫຼາດ Galaxy Note 7,” ນີ້.
ບໍລິສັດ ເກົາຫຼີໃຕ້ ໄດ້ສູນເສຍ 8 ເປີເຊັນ ໃນຕະຫຼາດຮຸ້ນເວລາປິດຕະຫຼາດໃນແລງວັນອັງຄານມື້ນີ້.
ຄຳປະກາດດັ່ງກ່າວໄດ້ມີຂຶ້ນຕາມມາຫຼັງເຫດການເລື່ອງໃໝ່ທີ່ວ່າເກີດມີຄວາມຮ້ອນຂຶ້ນໃນສັບປະດາຜ່ານມາ ແລະມີການຫຼົ້ມຈົມຢ່າງໜັກສຳລັບບໍລິສັດໂທລະສັບສະຫຼາດນີ້. ເຈົ້າໜ້າທີ່ສະຫະລັດຝ່າຍຄວາມປອດໄພຂອງພວກລູກຄ້າ ກ່າວວ່າ ພວກເຂົາເຈົ້າກຳລັງສືບສວນສອບສວນ ເຫດໄປໄໝ້ ຫຼືເກີດຄວາມຮ້ອນ 5 ກໍລະນີ ລຸນຫຼັງໄດ້ມີປະກາດເອີ້ນຄືນ ໃນເດືອນແລ້ວນີ້.
ອ່ານຂ່າວນີ້ເພີ້ມຕື່ມເປັນພາສາອັງກິດ
