ໂຄສົກລັດຖະບານອາຟຣິກາໃຕ້ກ່າວວ່າ ອະດີດປະທານາທິບໍດີ Nelson Mandela ໄດ້ອອກຈາກໂຮງໝໍແລ້ວຫລັງຈາກທໍາການຜ່າຕັດໃນສ່ວນທ້ອງທີ່ເຈັບປວດມາຕັ້ງແຕ່ດົນນານແລ້ວນັ້ນ.
ທໍານຽບປະທານາທິບໍດີ Jacob Zuma ກ່າວໃນວັນອາທິດມື້ນີ້ວ່າ ພວກນາຍແພດບໍ່ໄດ້ພົບເຫັນສິ່ງທີ່ຮ້າຍແຮງໃດໆ ໃນທ້ອງຂອງອະດີດຜູ້ນໍາຕໍ່ຕ້ານການຈໍາແນກຊົນຊາດຜິວພັນທີ່ມີຊື່ສຽງ ໄວ 93 ປີທ່ານນີ້.
ທ່ານ Lindiwe Sisulu ລັດຖະມົນຕີປ້ອງກັນປະເທດອາຟຣິກາໃຕ້ກ່າວໃນວັນອາທິດມື້ນິ້ີ້ວ່າ ທ່ານ Madela ມີກ້ອງຖ່າຍຮູບນ້ອຍໆອັນນຶ່ງສອດເຂົ້າໄປໃນທ້ອງຂອງທ່ານໃນວັນເສົາວານນີ້ຫລັງຈາກທ່ານຈະເຂົ້າໂຮງໝໍທີ່ມີການວາງແຜນໄວ້ກ່ອນ ເພື່ອແກ້ໄຂບັນຫາຄວາມເຈັບປວດໃນທ້ອງທີ່ເຮື້ອຮັງມາເປັນເວລາດົນນານນັ້ນ.
ທ່ານ Sisulu ກ່າວວ່າ ທ່ານ Mandela ມີຄວາມສຸກສະບາຍດີຕາມລະດັບອາຍຸຂອງທ່ານ ແລະຍັງມີຮູບຫລໍ່ຕາມເດີມນັ້ນ.
ທ່ານ Nelson Mandela ຖືກຂັງຄຸກເປັນເວລາ 27 ປີ ຈົນຮອດເວລາທ່ານຖືກປ່ອຍໂຕ
ອອກຈາກຄຸກໃນປີ 1990. ໃນເວລາ 4 ປີຕໍ່ມາ ທ່ານໄດ້ຖືກເລືອກຕັ້ງເປັນປະທານາທິບໍ
ດີຄົນຜີວດໍາຄົນທໍາອິດຂອງອາຟຣິກາໃຕ້ ແລະເຮັດໃຫ້ຍຸກການປົກຄອງປະເທດພາຍໃຕ້
ຄົນຜີວຂາວ ຊົນກຸ່ມນ້ອຍໝົດໄປ.