ບັນດາເຈົ້າໜ້າທີ່ອີຣັກກ່າວວ່າ ທ້າວ Izzat Ibrahim al-
Douri ຜູ້ນຳກຸ່ມກະ ບົດ Sunni ໃນອີຣັກ ແລະອະດີດຜູ້ຊ່ວຍ
ມື້ລາງຜູ້ນຳ Saddam Hussein ທີ່ຫລົບລີ້ໜີກົດໝາຍມາ
ເປັນເວລາດົນນານແລ້ວນັ້ນ ໄດ້ຖືກສັງຫານຢູ່ໃນການປະຕິ
ບັດງານທາງທະຫານແຫ່ງນຶ່ງ.
ລາຍງານຂ່າວ ໃນວັນສຸກວານນີ້ ໄດ້ອ້າງຄຳເວົ້າ ເຈົ້າແຂວງໆ
Salahuddin ທ່ານ Raed al-Jabouri ທີ່ກ່າວວ່າ ທ້າວ al-
Douri ໄດ້ຖືກສັງຫານໂດຍ ກຳລັງທະຫານອີຣັກ ແລະທະ
ຫານບ້ານ Shi’ite. ລາຍງານແຈ້ງວ່າ ການປະ ຕິບັດງານນີ້
ມີຂື້ນທີ່ແຂວງ Hamreen ທີ່ເປັນພູຜາ. ຊາກສົບທີ່ຄິດວ່າ
ເປັນ ຂອງທ້າວ al-Douri ມີລາຍງານວ່າ ຮວມຢູ່ໃນກຸ່ມພວກກໍ່ການຮ້າຍທີ່ຖືກຂ້າຕາຍ.
ເຈົ້າແຂວງຮ້ອງທ້າວ al-Douri ວ່າ “ຜູ້ບົງການຂອງກຸ່ມລັດອິສລາມໃນອີຣັກ” ແລະກ່າວ
ວ່າ ການສັງຫານຜູ້ກ່ຽວ ແມ່ນເປັນຄວາມເສຍຫາຍທີ່ສຳຄັນຕໍ່ກຸ່ມດັ່ງ ກ່າວ.
ບັນດາເຈົ້າໜ້າທີ່ອີຣັກ ເຄີຍອ້າງວ່າໄດ້ສັງຫານທ້າວ al-Douri ມາກ່ອນແລ້ວ ແຕ່ວ່າໃນ
ເທຶ່ອນີ້ ມີຮູບພາບນຳດ້ວຍ. ບັນດາຮູບພາບຕ່າງໆ ທີ່ສະແດງໃຫ້ເຫັນເປັນການເສຍຊີວິດ
ຂອງທ້າວ al-Douri ໄດ້ມີການເຜີຍແຜ່ຢູ່ໃນຕາໜ່າງສື່ສັງຄົມໃນວັນສຸກວານນີ້. ຊາກສົບ
ເບິ່ງແລ້ວ ຄືກັບອະດີດຜູ້ຊ່ວຍຂອງ Saddam Hussein ໂດຍມີໜວດສີແດງຊຶ່ງເປັນສັນ
ຍາລັກຂອງຜູ້ກ່ຽວ. ຮູບຂອງຜູ້ຊາຍທີ່ເສຍຊີວິດ ຍັງປາກົດວ່າ ບໍ່ມີແຂ້ວຢູ່ທາງໜ້າ.
ການກວດສອບທາງ DNA ກຳລັງດຳເນີນກັນຢູ່ເພື່ອຢັ້ງຢືນໃຫ້ເປັນທີ່ແນ່ນອນວ່າ ເປັນສົບຂອງທ້າວ al-Douri ແທ້ ທີ່ເຊື່ອວ່າເປັນຜູ້ຢູ່ເບື້ອງຫຼັງການກໍ່ກະບົດຕ້ານລັດຖະບານ
Shi’ite ຂອງອີຣັກ ໃນປັດຈຸບັນນີ້.
ຢູ່ໃນລັດຖະບານອີຣັກ ພາຍໃຕ້ການນຳພາຂອງ Saddam Hussein ທ້າວ al-Douri
ແມ່ນເປັນຮອງປະທານາທິບໍດີ. ຫລັງຈາກການບຸກເຂົ້າໄປໃນອີຣັກ ພາຍໃຕ້ການນຳພາ
ຂອງສະຫະລັດໃນປີ 2003 ແລ້ວ ຜູ້ກ່ຽວແມ່ນຢູ່ໃນອັນດັບຫົກຂອງບັນຊີລາຍຊື່ ບັນດາ
ເຈົ້າໜ້າທີ່ອີຣັກ ທີ່ ສະຫະລັດ ຕ້ອງການໂຕທີ່ສຸດ. ລາວໄດ້ຖືກຂະໜານນາມວ່າເປັນ
“ເປັນໝາກຄິງຢູ່ໃນຄະນະ” ຂອງໄພ້ທັງໝົດ 55 ໃບ ທີ່ຕາງໜ້າໃຫ້ຜູ້ຫລົບລີ້ໜີກົດໝາຍ
55 ຄົນແລະຍັງເປັນນຶ່ງໃນຈຳນວນ ຜູ້ຊາຍທີ່ທາງການຕ້ອງການໂຕທີ່ສຸດຢູ່ໃນໂລກ.
