ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ສະຫະລັດ ຈະ​ປະ​ເຊີນ​ໜ້າ​ກັບ ​ຣັດ​ເຊຍ ​ຢູ່​ທີ່ສະພາຄວາມໝັ້ນຄົງສະ​ຫະ​ປະ​ຊາ​ຊາດ ກ່ຽວ​ກັບ​ອາ​ວຸດ​ຂອງ ​ເກົາ​ຫຼີ​ເໜືອ


ປະ​ທາ​ນາ​ທິ​ບໍ​ດີ ຣັດ​ເຊຍ ທ່ານ ວ​ລາ​ດິ​ເມຍ ປູ​ຕິນ ແລະ ຜູ້​ນຳ ເກົາຫຼີ​ເໜືອ ທ່ານ ກິມ ຈົງ ອຶນ ເຂົ້າ​ຮ່ວມ​ງານ​ລ້ຽງ​ລັດ​ຖະ​ການ ຫຼັງ​ຈາກ​ການ​ເຈ​ລະ​ຈາ​ຂອງ​ພວກ​ເພິ່ນ, 19 ມິ​ຖຸ​ນາ 2024.
ປະ​ທາ​ນາ​ທິ​ບໍ​ດີ ຣັດ​ເຊຍ ທ່ານ ວ​ລາ​ດິ​ເມຍ ປູ​ຕິນ ແລະ ຜູ້​ນຳ ເກົາຫຼີ​ເໜືອ ທ່ານ ກິມ ຈົງ ອຶນ ເຂົ້າ​ຮ່ວມ​ງານ​ລ້ຽງ​ລັດ​ຖະ​ການ ຫຼັງ​ຈາກ​ການ​ເຈ​ລະ​ຈາ​ຂອງ​ພວກ​ເພິ່ນ, 19 ມິ​ຖຸ​ນາ 2024.

ສະຫະລັດ ​ຈະ​ປະ​ເຊີນ​ໜ້າ​ກັບ ຣັດ​ເຊຍ​ ຢູ່​ທີ່ສະພາ​ຄວາມ​ໝັ້ນຄົງສະຫະ​ປະຊາ​ຊາດໃນ​ວັນ​ສຸກ​ມື້​ນີ້ ສໍາລັບ​ການ​ລະ​ເມີດ​ການ​ຫ້າມຊື້ຂາຍ​ອາວຸດ​ຂອງ​ເກົາຫຼີ​ເໜືອ, ​ແລະ​ຈະ​ຜັກດັນການ​ໃຫ້​ທັດສະນະ​ຄະ​ຕິຂອງ​ຈີນ​ກ່ຽວ​ກັບ​ການ​ເພີ້ມ​ທະວີ​ການ​ພົວພັນ​ລະຫວ່າງ ​ມົສກູ ​ກັບ ​ພຽງ​ຢາງ, ກ່າວໂດຍຮອງ​ເອກ​ອັກຄະ​ລັດຖະທູດ​ສະຫະລັດ ທ່ານ ໂຣເບີດ ວູດ (Robert Wood).

ກອງປະຊຸມຂອງສະພາ 15 ປະເທດ ມີຂຶ້ນລຸນຫຼັງປະທານາທິບໍດີຣັດເຊຍ ທ່ານ ວລາດີເມຍ ປູຕິນ ໄດ້ເດີນທາງໄປນະຄອນຫຼວງພຽງຢາງໃນອາທິດແລ້ວນີ້ ເພື່ອລົງນາມໃນສັນຍາກັບຜູ້ນໍາເກົາຫຼີເຫນືອ ທ່ານກິມ ຈົງ ອຶນ ເຊິ່ງທ່ານທັງ ສອງໄດ້ຕົກລົງທີ່ຈະໃຫ້ການຊ່ວຍເຫຼືອດ້ານການທະຫານ ຖ້າທັງສອງປະເຊີນ ກັບການຮຸກຮານດ້ວຍອາວຸດ.

ທ່ານ ວູດ ກ່າວຕໍ່ອົງການຂ່າວ Reuters ກ່ອນການປະຊຸມວ່າ “ສິ່ງນີ້ຕ້ອງເປັນ ຄວາມກັງວົນອັນຍິ່ງໃຫຍ່ຕໍ່ປະຊາຄົມທັງໝົດໃນໂລກ,” ດ້ວຍການກ່າວຫາ ຣັດເຊຍ ວ່າ “ໂດຍເນື້ອແທ້ແລ້ວ ແມ່ນເຂົ້າຂ້າງກັບປະເທດທີ່ໂຫດຮ້າຍ ເພື່ອລະເມີດມະຕິຂອງສະພາຄວາມໝັ້ນຄົງສະຫະປະຊາຊາດແບບນັບບໍ່ຖ້ວນ.”

ທ່ານກ່າວຕື່ມວ່າ “ນີ້ແມ່ນບໍ່ເຄີຍມີມາກ່ອນ, ແລະພວກເຮົາກໍຈຳເປັນຕ້ອງກ່າວ ມັນອອກມາວ່າມັນແມ່ນຫຍັງ. ພວກເຮົາຍັງຢາກເຫັນສິ່ງທີ່ ຈີນ ຕ້ອງເວົ້າ ກ່ຽວກັບການຮ່ວມມືດ້ານການທະຫານທີ່ເພີ້ມຂຶ້ນລະຫວ່າງ ເກົາຫຼີເໜືອ ແລະ ຣັດເຊຍ, ພວກເຂົາບໍ່ສາມາດເບິ່ງສິ່ງນີ້ເປັນການດໍາເນີນງານໃນທາງບວກ.”

ຈີນ ໄດ້ສະແດງທ່າທີຢ່າງລະມັດລະວັງໃນອາທິດແລ້ວນີ້. ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ ກອງ​ປະຊຸມ​ສຸດ​ຍອດ​ຄັ້ງ​ນີ້ ​ແມ່ນ​ການ​ແລກປ່ຽນ​ສອງ​ຝ່າຍ​ລະຫວ່າງ ຣັດ​ເຊຍ ​ແລະ ​ເກົາຫຼີເໜືອ, ​ແຕ່​ບໍ່​ໄດ້​ສະແດງລາຍລະອຽດເພີ້ມເຕີມ.

ອ່ານຂ່າວດ້ານລຸ່ມນີ້ເປັນພາສາອັງກິດ

UNITED NATIONS, June 28 (Reuters) - The United States will confront Russia at the United Nations Security Council on Friday over violating a North Korea arms embargo, and will push for China's view on growing ties between Moscow and Pyongyang, said deputy U.S. Ambassador Robert Wood.

The meeting of the 15-member council comes after Russian President Vladimir Putin traveled to Pyongyang last week to sign a pact with North Korean leader Kim Jong Un in which they agreed to provide military assistance if either faces armed aggression.

"This should be of great concern to the entire global community," Wood told Reuters ahead of the meeting, accusing Russia of "in essence siding with a rogue state to violate countless U.N. Security Council resolutions."

"This is unprecedented, and we need to call it out for what it is," he said. "We also want to see what China has to say about this growing military cooperation between DPRK and Russia. They cannot view this as a positive development."

China reacted guardedly last week. The Chinese Ministry of Foreign Affairs said that the summit was a bilateral exchange between Russia and North Korea, but did not elaborate.

ຟໍຣັມສະແດງຄວາມຄິດເຫັນ

ສົດ ລາຍການວິທະຍຸ-ໂທລະພາບ ພາກພາສາລາວ

XS
SM
MD
LG