ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ນັກ​ດັບ​ເພີງ​ພົບ 20 ສົບຜູ້​ເສຍ​ຊີ​ວິດ ຢູ່​ໂຮງ​ງານ​ຜ​ະ​ລິດ​ຖ່ານ​ໄຟ​ຟ້າ


​ພາບ​ຖ່າຍ​ຈາກ​ອາ​ກາດ​ສະ​ແດງ​ໃຫ້​ເຫັນ​ນັກ​ດັບ​ເພີງ ກຳ​ລັງ​ເຮັດ​ວຽກ​ເພື່ອມອດ​ໄຟ ຢູ່​ໂຮງ​ງານ​ຜະ​ລິດ​ຖ່ານ​ໄຟ​ຟ້າ ລິ​ທຽມ ໃນ​ເມືອງ ​ຮ​ວາ​ຊອງ, ເກົາຫຼີ​ໃຕ້, 24 ມິ​ຖຸ​ນາ 2024.
​ພາບ​ຖ່າຍ​ຈາກ​ອາ​ກາດ​ສະ​ແດງ​ໃຫ້​ເຫັນ​ນັກ​ດັບ​ເພີງ ກຳ​ລັງ​ເຮັດ​ວຽກ​ເພື່ອມອດ​ໄຟ ຢູ່​ໂຮງ​ງານ​ຜະ​ລິດ​ຖ່ານ​ໄຟ​ຟ້າ ລິ​ທຽມ ໃນ​ເມືອງ ​ຮ​ວາ​ຊອງ, ເກົາຫຼີ​ໃຕ້, 24 ມິ​ຖຸ​ນາ 2024.

ສົບ​ຜູ້​ເສ​ຍ​ຊີ​ວິດ​ປະ​ມານ 20 ສົບ​ຖືກ​ພົບ​ຢູ່​ໂຮງ​ງານ​ຜະ​ລິດ​ຖ່ານ​ໄຟ​ຟ້າ ລິ​ທຽມ ຂອງ ເກົາຫຼີ​ໃຕ້ ຫຼັງ​ຈາກ​ເກີດ​ໄຟ​ໄໝ້​ຂະ​ໜາດ​ໃຫຍ່​ໃນ​ວັນ​ຈັນ​ມື້ນີ້, ອົງ​ການ​ຂ່າວຢອນ​ຮັບ ໄດ້​ກ່າວ, ໂດຍ​ບັນ​ດາ​ນັກ​ດັບ​ເພີງ​ໄດ້​ກ່າວ​ວ່າ​ເຂົາ​ເຈົ້າ​ຍັງ​ຊອກ​ຫາ​ຄົນ​ຢູ່​ໃນ​ຕຶກ​ດັ່ງ​ກ່າວ.

ຫຼາຍກວ່າ 100 ຄົນ​ໄດ້​ເຮັດ​ວຽກ​ຢູ່​ໃນ​ໂຮງ​ງານ​ນັ້ນ​ເວ​ລາ​ທີ່​ພະ​ນັກ​ງານ​ໄດ້​ຍິນ​ສຽງ​ລະ​ເບີດຫຼາຍ​ຄັ້ງ​ຈາກ​ຊັ້ນ​ທີ​ສອງຂອງ​ໂຮງ​ງານ, ບ່ອນ​ທີ່​ຖ່ານ​ໄຟ​ຟ້າ ລິ​ທຽມ-ໄອ​ອອນ ຖືກກວດ​ກາ ແລະ ບັນຈຸໃສ່ຫີບຫໍ່, ນັກ​ດັບ​ເພີງ ທ່ານ ກິມ ຈິນ ຢັງ ໄດ້​ກ່າວ​ຕໍ່​ສື່ມວ​ນ​ຊົນ.

ປະ​ມານ 78 ຄົນ​ຖືກ​ຢືນ​ຢັນ​ວ່າ​ປອດ​ໄພ ແຕ່​ອີກຫຼາຍ​ຄົນ​ຍັງ​ຊອກ​ຫາບໍ່​ເຫັນ, ໂດຍອົງ​ການ​ຂ່າວ ຢອ​ນ​ຮັບ ກ່າວ​ວ່າ “ປະ​ມານ 20 ສົບ​ຖືກ​ພົບ​ເຫັນ​” ຢູ່​ສະ​ຖານ​ທີ່​ນັ້ນ, ຫຼັງ​ຈາກ​ພະ​ນັກ​ງານ​ກູ້​ໄພ​ສາ​ມາດ​ທີ່​ຈະ​ເຂົ້າ​ໄປ​ໃນ​ໂຮງ​ງານ​ໃນ​ທີ່​ສຸດ.

ທ່ານ ກິມ ໄດ້​ກ່າວ​ຕໍ່​ສື່ມວນ​ຊົນ​ວ່າ​ເຂົາ​ເຈົ້າ​ສາ​ມາດ​ທີ່​ຈະ​ມອດ​ໄ​ຟ​ທີ່​ໃຫຍ່​ທີ່​ສຸດ​ຢູ່​ໂຮງ​ງານໄດ້ ແລະ ກຳລັງດຶງ​ເອົາຫຼາຍ​ສົບ​ອ​ອກ​ມາ​ຈາກ​ຕຶກ​ທີ່​ຖືກ​ເຜົາ​ໄໝ້​ນັ້ນ.

ທ່ານ​ໄດ້​ກ່າວ​ວ່າ “ທີມ​ກູ້​ໄພ​ໄດ້​ເຂົ້າ​ໄປ​ໃນ ແລະ ດຳ​ເນີນ​ການ​ຄົ້ນ​ຫາ ແລະ ປະ​ຕິ​ບັດ​ການ​ກູ້​ໄພ.”

ຮູບ​ພາບ​ທີ່​ຖືກ​ເປີດ​ເຜີຍ​ໂດຍ​ອົງ​ການ​ຂ່າວ ຢອ​ນ​ຮັບ ຫຼັງ​ຈາກ​ໄຟ​ໄດ້​ໄໝ້​ຂຶ້ນ​ສະ​ແດງ​ໃຫ້​ເຫັນ​ຄວັນ​ສີ​ຂີ້​ເຖົ່າ​ຂະ​ໜາດ​ໃຫຍ່​ປິວ​ຂຶ້ນ​ທ້ອງ​ຟ້າ​ເໜືອ​ໂຮງ​ງານ​ດັ່ງ​ກ່າວ, ດ້ວຍ​ແປວ​ໄຟ​ສີ​ສົ້ມ​ຢູ່​ໃນ​ຕຶກ. ລົດ​ດັບ​ເພີງຫຼາຍ​ສິບ​ຄັນຖືກ​ເຫັນວ່າ​ຈອດ​ຢູ່​ທາງນອກ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ຟໍຣັມສະແດງຄວາມຄິດເຫັນ

XS
SM
MD
LG