ຫົວໜ້າ ຄະນະກຳມາທິການເລືອກຕັ້ງຂອງຣວັນດາ ກ່າວວ່າ ຜົນ
ການນັບຄະແນນສຽງ ເປັນບາງສ່ວນ ສະແດງໃຫ້ເຫັນວ່າ ປະຊາ
ຊົນຊາວຣວັນດາໄດ້ລົງຄະແນນສຽງເພື່ອໃຫ້ມີການປ່ຽນແປງລັດ
ຖະທຳມະນູນແລະອະນຸຍາດໃຫ້ປະທານາທິບໍດີ Paul Kagame
ລົງສະໝັກແຂ່ງຂັນເອົາຕຳແໜ່ງໄດ້ຕື່ມອີກເຖິງ 3 ເທື່ອ.
ການລົງປະຊາມະຕິໃນວັນສຸກວານນີ້ ແມ່ນຂໍຮ້ອງໃຫ້ປະຊາຊົນ
ຮັບຮອງເອົາບົດແກ້ໄຂລັດຖະທຳມະນູນ ທີ່ຈະຕັດອາຍຸການດຳ
ລົງຕຳແໜ່ງປະທານາທິບໍດີ ຈາກ 7 ປີ ລົງມາເປັນ 5 ປີ. ແຕ່ບົດ
ແກ້ໄຂນີ້ໃຫ້ການຍົກເວັ້ນຕໍ່ປະທານາທິບໍດີ Kagame ໂດຍຈະ
ອະນຸຍາດໃຫ້ທ່ານ ລົງສະໝັກແຂ່ງຂັນເອົາຕຳແໜ່ງ ໄດ້ອີກນຶ່ງ
ສະໄໝ ເປັນເວລາ 7 ປີແລະອີກສອງສະໄໝໆລະ 5 ປີ.
ເຈົ້າໜ້າທີ່ກ່າວວ່າ 98.1 ເປີເຊັນ ຈາກ 21 ເຂດ ຂອງທັງໝົດ 32 ເຂດທີ່ຕາງໜ້າໃຫ້ 70 ເປີເຊັນຂອງບັນດາຜູ້ມີສິດປ່ອນບັດ ໄດ້ລົງຄະແນນສຽງ ຍົກເລີກການຈຳກັດ ສະໄໝໃນ
ການດຳລົງຕຳແໜ່ງ ຂອງທ່ານ Kagame. ພວກສະໜັບສະໜຸນປະທານາທິບໍດີ ໄດ້ພາ
ກັນສະເຫລີມສະຫລອງ ກ່ຽວກັບການປະກາດດັ່ງກ່າວ ທີ່ນະຄອນຫລວງກີກາລີ.
ກົດໝາຍສະບັບປັດຈຸບັນບັງຄັບໃຫ້ທ່ານ Kagame ຕ້ອງລົງຈາກອຳນາດພາຍໃນທ້າຍ
ປີ 2017. ຖ້າການລົງປະຊາມະຕິດັ່ງກ່າວຫາກມີການຮັບຮອງເອົາຕາມທີ່ໄດ້ຄາດຄະເນ
ໄວ້ແລ້ວ ແລະທ່ານ Kagame ຍັງສືບຕໍ່ໄດ້ຮັບໄຊຊະນະໃນ ການເລືອກຕັ້ງທ່ານອາດຈະ
ຢູ່ໃນອຳນາດໄດ້ເຖິງປີ 2034.