ລິ້ງ ສຳຫລັບເຂົ້າຫາ

ການເລືອກຕັ້ງປະທານາທິບໍດີ ທີ່ຣວັນດາ

  • ສິງ ບູຣົມມະວົງ

ບັນດາ​ຜູ້​ປ່ອນ​ບັດ​ໃນຣວັນ​ດາ ພາກັນ​ອອກ​ໄປ​ລົງ​ຄະແນນ
ສຽງ​ເລືອກ​ຕັ້ງ​ເອົາ​ປະທານາທິບໍດີ​ຂອງ​ຕົນ ຊຶ່ງ​ມີ​ການຄາດ
ກັນ​ວ່າ ປະທານາທິບໍດີ Paul Kagame ທີ່ປົກຄອງ​ ປະເທດໃນ​ປັດຈຸບັນນີ້ ​ຈະໄດ້​ຮັບ​ໄຊຊະນະ​ ຢ່າງ​ຖ້ວມ​ລົ້ນ.


ປະຊາຊົນ ຣວັນ​ດາ ຈໍານວນ 5 ລ້ານ 2 ​ແສນ​ຄົນ ມີ​ສິດ​
ປ່ອນ​ບັດລົງ​ຄະ​ແນນ​ສຽງ​ໃນ​ວັນ​ຈັນ​ມື້​ນີ້ ​ໃນ​ການ​ເລືອກ​ຕັ້ງ​ປະທານາທິບໍດີ​ຄັ້ງ​ທີ​ສອງ​ຂອງ​ປະ​ເທດ ນັບ​ແຕ່​ໄດ້​ມີ​ການ ເຂັ່ນຂ້າດັບ​ສູນ​ເຊື້ອ​ຊາດ​ເຜົ່າພັນ​ ໃນ​ປີ 1994 ​ເປັນຕົ້ນ​ມາ.


ທ່ານ Kagame ​ແຂ່ງຂັນ​ກັບ​ຜູ້​ສະມັກ​ຮັບ​ເລືອກ​ຕັ້ງ​ອີກ 3 ຄົນ
ຊຶ່ງທັງ​ໝົດ​ມີ​ສາຍ​ພົວພັນ​ກັບ​ພັກ​ແນວ​ໂຮມຮັກ​ຊາດຣວັນ​ດາ​ຂອງ​ທ່ານ​ ທີ່ປົກຄອງ​ປະ​ເທດ ​ໃນ​ປັດຈຸບັນ.


ພວກ​ຜູ້​ທີ່​ຄັດຄ້ານ​ຕໍ່​ປະທານາທິບໍດີ Kagame ​ໄດ້​ປະນາມການ​ໂຄສະນາ​ຫາ​ສຽງ​ເລືອກ​ຕັ້ງ​ ວ່າ​ເປັນ​ການ​ຫລອກ​ລວງ. ບັນດາ​ກຸ່ມປົກ​ປ້ອງ​ສິດທິ​ມະນຸດ​ກ່າວ​ວ່າ ພວກ​ກຸ່ມ​ຝ່າຍ​ຄ້ານ​ທີ່​ແທ້​ຈິງ​ນັ້ນ ຖືກ​ຫ້າມ​ບໍ່​ໃຫ້​ເຂົ້າ​ຮ່ວມ​ໃນ​ການ​ແຂ່ງຂັນ​ເລືອກ​ຕັ້ງ​ຄັ້ງ​ນີ້​.


ຄວາມ​ເຄັ່ງ​ຕຶງ​ທາງ​ດ້ານ​ການ​ເມືອງ​ໄດ້​ເພີ່ມ​ທະວີ​ຕື່ມຂຶ້ນ​ ​ຫລັງຈາກມີ​ການ​ສັ່ງ​ງົດການ​ພິມ​ຈໍາ ໜ່າຍ​ ຂອງ​ໜັງສືພິມ 2 ສະບັບ ​ແລະ​ມີ​ການ​ໂຈມ​ຕີ​ຕິດ​ຕໍ່​ກັນ​ມາ​ຫລາຍ​ຄັ້ງ​ຕໍ່​ບຸກຄົນ​ສໍາຄັນ​ຂອງຝ່າຍ​ຄ້ານ​ແລະ​ພວກ​ນັກ​ຂ່າວ​.


ທ່ານ Kagame ​ໄດ້​ປົກຄອງ​ປະ​ເທດ Rwanda ມາ​ຕັ້ງ​ແຕ່​ພັກ RPFຂອງ​ທ່ານ​ໄດ້ຢຸດ​ການ ​ສັງຫານໂຫດ​ດັບ​ສູນ​ເຜົ່າ​ພັນ ​ເມື່ອ 15 ປີຜ່ານມາ ຊຶ່ງ​ພວກ​ຫົວ​ຮຸນ​ແຮງ​ຈັດຂອງຊົນ​ເຜົ່າ ຫູ​ຕູ ​ໄດ້​ເຂ່ັນຂ້າ​ຊົນເຜົ່າ​ຕູ​ຊີ​ ​ແລະ​ພວກ​ຫູ​ຕູ ຫົວ​ນິຍົມ​ແນວທາງ​ປານ​ກາງ ​ປະມານ 8 ​ແສນ​ຄົນນັ້ນ.

XS
SM
MD
LG