ຜູ້ນຳພັກຝ່າຍຄ້ານ ຣັດເຊຍ ທ່ານ ອາເລັກເຊ ນາວາລນີ ໄດ້ຖືກປ່ອຍອອກຈາກຄຸກ
ໃນວັນຈັນມື້ນີ້ ແລະ ຫຼັງຈາກນັ້ນ ອີກບໍ່ດົນກໍຖືກກັກໂຕອີກ.
ທ່ານ ນາວາລນີ ຫາກໍສິ້ນສຸດການຖືກຈັບເຂົ້າຄຸກ 30 ວັນ ສຳລັບການຈັດການປະທ້ວງ
ທີ່ບໍ່ໄດ້ຖືກຫ້າມ ໃນເວລາທີ່ລາວໄດ້ຖືກຈັບຄືນ.
ລາວໄດ້ຖືກຂັງຄຸກຫຼາຍສັບປະດາຫຼາຍຄັ້ງ ໃນສອງສາມປີ ທີ່ຜ່ານມາ ຍ້ອນການຈັດ
ການປະທ້ວງ.
ການຈັບກຸມທ່ານໃນວັນຈັນມື້ນີ້ ໄດ້ມີຂຶ້ນທ່າມກາງຄື້ນຂອງການປະທ້ວງຄັ້ງຫຼ້າສຸດໃນ
ຣັດເຊຍ ຕໍ່ການປະຕິຮູບເບ້ຍບຳນານ ທີ່ໄດ້ຮັບການສະໜັບສະໜູນຈາກລັດຖະບານ
ລວມທັງການເພີ່ມອາຍຸອອກບຳນານຈາກ 60 ປີສຳລັບແມ່ຍິງ ແລະ 65 ປີສຳລັບຜູ້ຊາຍ.
ປະຊາຊົນຫຼາຍຮ້ອຍຄົນ ໃນທົ່ວປະເທດ ແມ່ນໄດ້ຖືກຈັບກຸມ ໃນລະຫວ່າງການປະທ້ວງ
ຕໍ່ຕ້ານການປະຕິຮູບເບ້ຍບຳນານ.
ທ່ານ ນາວາລນີ ໄດ້ປະເຊີນກັບຂໍ້ກ່າວຫາຫຼາຍຢ່າງ ສຳລັບການເຄື່ອນໄຫວ ຕໍ່ຕ້ານ
ຂອງລາວ. ໃນເດືອນມີນາທີ່ຜ່ານມາ, ລາວໄດ້ຖືກຫ້າມຈາກການເຂົ້າຮ່ວມການເລືອກ
ຕັ້ງປະທານາທິບໍດີຂອງປະເທດ ຍ້ອນການຖືກຕັດສິນວ່າມີຄວາມຜິດ ກ່ຽວກັບ ຄະດີ
ດ້ານການເງິນ, ເປັນການກ່າວຫາທີ່ທ່ານໄດ້ຄັດຄ້ານວ່າ ຖືກປັ້ນແຕ່ງຂຶ້ນມາ.
