ລິ້ງ ສຳຫລັບເຂົ້າຫາ

ໄອຍະການ ຂໍໃຫ້ຕັດສິນ ພວກຕ້ອງສົງໄສ ສັງຫານທ່ານ Nemtsov ມີຄວາມຜິດ


ຜູ້ສະໜັບສະໜູນຜູ້ນຳຝ່າຍຄ້ານຣັດເຊຍ ຖືປ້າຍ ແລະຮູບ ຂອງທ່ານ Boris Nemtsov ລະຫວ່າງ ການໂຮມຊຸມນຸມປະທ້ວງ ທີ່ມົສກູ. (6 ພຶດສະພາ 2017)

ໄອ​ຍະ​ການ ​ໃນ​ການ​ດຳ​ເນີນ​ຄ​ະດີ 5 ຄົນ ທີ່​ຖືກກ່າວ​ຫາ​ວ່າ ສັງຫານຜູ້​ຕ້ອງ​ຕິ​ວັງເຄຣັມ
ລິນ ທ່ານ Boris Nemtsov ທີ່​ນະຄອນຫລວງ​ມົສກູໃນ​ປີ 2015 ນັ້ນ ຮຽກຮ້ອງ​ໃຫ້​ຄະ
ນະ​ຕຸລາການ ຕັດສິນ​ໃຫ້​ພວກ​ກ່ຽວ​ມີ​ຄວາມ​ຜິດ.

​ໃນ​ການ​ຖະ​ແຫຼງ​ເພື່ອ​ປິດ​ທ້າຍ​ການ​ດຳ​ເນີນ​ຄະດີ​ຂອງ​ລັດຖະບານ ​ໃນ​ວັນ​ພະຫັດວານ
​ນີ້ທ່ານ​ນາງ Maria Semenenko ກ່າວ​ວ່າ ຄວາມ​ຜິດ​ຂອງ​ພວກ​ກ່ຽວ ​ແມ່ນບໍ່ສາມາດ
​ໂຕ້​ຖຽງໄດ້.

ນອກ​ນັ້ນທ່ານ​ນາງ​ຍັງ​ກ່າ​ວຕໍ່​ອົງການ​ຂ່າວ Itar-Tass ຂອງ​ທາງ​ການຣັດ​ເຊຍວ່າ ຄະ
ນະ​ສືບສວນ​ໄດ້​ໃຊ້​ອຸບປະກອນ​ພິ​ເສດ​ໃນ​ລະຫວ່າງ​ການສະ​ແດງ​ຄືນການຄາດ​ຕະກຳ
ທີ່​ໄດ້ປະ​ໂທລະສັບ​ມື​ຖື​ຂອງ​ຈຳ​ເລີຍ​ໄວ້ ​ຢູ່ສະຖານ​ທີ່​ເກີດ​ເຫດ ​ເວລາ​ທ່ານ Nemtsov
ຖືກ​ຂ້າ​ຕາຍ​ນັ້ນ.

ທ່ານ​ນາງ​ກ່າວ​ຕໍ່​ອົງການ​ຂ່າວ Tass ວ່າ “​ເປັນຂັ້ນໆ ​ໂດຍ​ໃຊ້​ຂັ້ນຕອນ ​ໃນ​ການລຶບ
ລ້າງ ຄະນະ​ສືບສວນ​ໄດ້​ຄົ້ນພົບ​ລູກ​ໂສ້​ທັງ​ໝົດ ​ໃນ​ການ​ກໍ່​ອາ​ຊະ​ຍາ​ກຳນີ້ ທັງນີ້​ກໍ​ຍ້ອນ
ຄວາມ​ຊ່ຽວຊານ​ນັ້ນ.

ພວກ​ຈຳ​ເລີຍ​ໂຕ້​ແຍ້​ງວ່າ ບໍ່​ມີ​ໃຜ​ສາມາດ​ພິສູດ​ໄດ້​ເຖິງ​ຈຸດປະສົງ​ໃນ​ການ​ຄາດ​ຕະກຳ
​ດັ່ງກ່າວ.

ທ່ານ Nemtsov ​ໄດ້​ຖືກ​ຍິງ​ຕາຍ ບໍ່​ໄດ້​ປານ​ໃດ​ຈາກ​ວັງ​ເຄຣັມລິນ ​ໃນ​ເດືອນ​ກຸມພາ​ປີ
2015. ທ່ານ​ເປັນ​ຜູ້ນຳ​ຝ່າຍ​ຄ້ານ ທີ່​ມີ​ຊື່​ສຽງ​ຄົນ​ນຶ່ງ ​ແລະ​ເປັນ​ຜູ້​ຕ້ອງຕິ​ຢ່າງ​ແຂງ​ຂັນຕໍ່
​ການ​ໃຫ້​ຄວາມ​ສະໜັບສະໜຸນ​ຂອງ​ຣັດ​ເຊຍ ຕໍ່​ພວກ​ກະບົດ​ ຢູ່​ໃນ​ພາກ​ຕາ​ເວັນ​ອອກ
​ຂອງ​ຢູ​ເຄຣນ.

ຜູ້​ຕ້ອງ​ສົງ​ໄສ 5 ຄົນ ຈາກ​ Chechnya ຫລື​ບໍ່​ກໍ Ingusshetia ​ໄດ້​ຖືກ​ຈັບ. ນຶ່ງ​ໃນ​ຈຳ​ນວນດັ່ງກ່າວ​ໄດ້​ໃຫ້ການ​ສາລະພາບ ​ແຕ່​ຕໍ່​ມາ​ໄດ້ກັບ​ຄຳ ​ໂດຍ​ອ້າງວ່າ ລາວ​ຖືກ​ທໍລະ
ມານ.

ອະດີດ​ເຈົ້າໜ້າ​ທີ່​ຮັກສາ​ຄວາມ​ສະຫງົບ ​ຈາກ Chechnya ທ້າວ Ruslan Mukhu-
dinov ຖືກ​ກ່າວ​ຫາ​ວ່າ ເປັນຜູ້ຈ່າຍ​ເງິນໃຫ້ແກ່ພວກ​ຜູ້​ຕ້ອງ​ສົງ​ໄສ ​ເພື່ອ​ສັງຫານ​ທ່ານ
Nemtsov. ​ເວລາ​ນີ້ ​ເຈົ້າໜ້າ​ທີ່​ຍັງ​ບໍ່​ສາມາດ​ຈັບຜູ້ກ່ຽວໄດ້​ເທື່ອ.

ອ່ານຂ່າວນີ້ຕື່ມເປັນພາສາອັງກິດ

XS
SM
MD
LG