ລິ້ງ ສຳຫລັບເຂົ້າຫາ

ທະຫານຣັດເຊຍ ຍຶດເອົາ ກ້ອງຖ່າຍຮູບຂອງ ນັກຂ່າວວີໂອເອ (ວີດີໂອ ກ່ຽວຂ້ອງ)


ພວກຜູ້ຊາຍຖືອາວຸດຈຸນຶ່ງ ທີ່ເຊື່ອວ່າແມ່ນທະຫານຣັດເຊຍ ຢືນຍາມ ທີ່ຄ້າຍທະຫານແຫ່ງນຶ່ງໃນເມືອງ Belbek ໃກ້ກັບເມືອງ Sevastopol ໃນໄຄຣເມຍ, ວັນທີ 22 ມີນາ 2014.
ພວກ​ທະຫານຣັດ​ເຊຍ​ຢູ່​ໃນ​ຢູ​ເຄຣນ ​ໄດ້​ຍຶດ​ເອົາ​ກ້ອງຖ່າຍຮູບ
​ຂອງນັກ​ຂ່າວ​ວີ​ໂອ​ເອ ​ໃກ້ໆ​ກັບ​ຖານ​ທັບ Belbek ບ່ອນ​ທີ່​
ພວກ​ທະຫານ​ຢູ​ເຄຣນ ​ໄດ້​ຮັບຄຳ​ສັ່ງໃຫ້ ​ຈຳນົນ​ໃນ​ວັນ​ເສົາ​
ວານ​ນີ້ ຈາກ​ກອງກຳລັງ​ຂອງຣັດ​ເຊຍ​ນັ້ນ.

ຜູ້​ສື່​ຂ່າວ​ວີ​ໂອ​ເອ Daniel Schearf ກ່າວ​ວ່າ ລາວ​ເອງ​ພ້ອມ
​ດ້ວຍ​ເພື່ອນ​ຮ່ວມ​ງານກຳລັງ​ພາກັນຖ່າຍ​ວີ​ດີ​ໂອ ​ເອົາລົດ​ຫຸ້ມ
​ເກາະ​ແລະ​ລົດ​ອື່ນໆ​ຂອງຣັດ​ເຊຍຢູ່​ນອກ​ຖານ​ທັບ​ດັ່ງກ່າວ
​ເວລາ​ກ້ອງຖ່າຍ​ວີ​ດີ​ໂອ​ຂອງ​ເຂົາ​ເຈົ້າ​ສອງ​ອັນຖືກຍຶດນັ້ນ.

ນາຍ Daniel Schearf ກ່າວ​ວ່າ ພວກ​ທະຫານຣັດ​ເຊຍໄດ້​ພາກັນ​ໂດດ​ດອອກ​ຈາກ​ລົດ
​ຂອງ​ເຂົາ​ເຈົ້າ ​ຄື​ກັນ​ກັບ“SWAT Team ຫລືທີ​ມ​ໂຈມ​ຕີ” ​ແລ້ວເອົາ​ປືນ​ຈີ້ເຂົາເຈົ້າ
ພ້ອມ​ກັບສັ່ງ​ໃຫ້ ເຂົາ​ເຈົ້າ​ວາງ​ກ້ອງ​ຖ່າຍ​ວີ​ດີ​ໂອລົງ. ນາຍ Daniel ກ່າວ​ຕໍ່​ໄປ​ວ່າ ​ພວກ​
ທະຫານ​ເຫຼົ່າ​ນັ້ນ “ມີ​ທ່າ​ທີ່​ແຂງກະດ້າງ ​ແລະ​ບໍ່​ສຸພາບຫຼາຍ” ​ແຕ່ກໍຢູ່​ພາຍ​ໃຕ້​ຄຳ​ສັ່ງ
​ໃຫ້​ຢຸດ​ສື່​ມວນ​ຊົນ ບໍ່​ໃຫ້​ຖ່າຍຮູບ​ເອົາ​ພວກ​ທະຫານຣັດ​ເຊຍ​ຢູ່​ນອກ​ຖານ​ທັບແຫ່ງນັ້ນ.

ກຳລັງ​ຂອງຣັດ​ເຊຍ​ໄດ້​ຍື່ນ​ຄຳ​ຂາດ​ຕໍ່​ພວກ​ທະຫານ​ຢູ​ເຄຣນ ​ໃຫ້​ພາກັນ​ອອກຈາກຄ້າຍ​
ທະຫານ​ດັ່ງກ່າວ​ໄປ ຊຶ່ງ​ເປັນ​ນຶ່ງ​ໃນ​ບັນດາ​ຄ້າຍ​ທະຫານ​ແຫ່ງ​ໃຫຍ່​ທີ່ສຸດ​ ທີ່​ຍັງ​ຢູ່​ໃຕ້ກຳ
ລັງຢູ​ເຄຣນ​ ໃນ​ໄຄຣ​ເມຍ​ນັ້ນ.

ນາຍ Schearf ກ່າວ​ຕື່ມ​ວ່າ ລ່າວ​ບໍ່​ແນ່​ໃຈ​ວ່າ ພວກ​ກຳລັງຣັດ​ເຊຍ ​ໄດ້ກຳນົດ​ເສັ້ນ​ຕາຍ
​ໃຫ້​ພວກ​ທະຫານ​ຢູ​ເຄຣນ ​ອອກ​ໄປ​ຈາກ​ຖານທັບ Belbek ນັ້ນຫຼື​ບໍ? ​ແຕ່​ລາວ​ກ່າວ​ວ່າ
ຖ້າ​ພວກ​ທະຫານ​ຢູ​ເຄຣນບໍ່​ອອກ​ຈາກ​ຖານ​ທັບ​ດັ່ງກ່າວ​ໄປ ​ ພວກ​ທະຫານຣັດ​ເຊຍ ໃນ​
ທີ່​ສຸດແລ້ວ ກໍຈະຄົງ “ເຄື່ອນກຳລັງ” ​ເຂົ້າ​ບຸກຄ້າຍ​ແຫ່ງນັ້ນ ​ຊຶ່ງ​ຕັ້ງ​ຢູ່​ໃກ້ໆ​ກັບ​ທ່າ​ເຮືອທະ
​ເລ​ດຳ​ຂອງ​ເມືອງ Sevastopol ນັ້ນ.

ນາຍ S​chearf ກ່າວ​ວ່າ ພວກ​ທະຫານຣັດ​ເຊຍ​ໄດ້​ໃຫ້​ຄຳ​ໝັ້ນ​ສັນຍາ​ວ່າ ​ຈະ​ສົ່ງກ້ອງ
ຖ່າຍຮູບວີ​ດີ​ໂອ ທີ່​ຖືກ​ຍຶດເອົາໄປ​ໃນ​ວັນ​ເສົາ​ວານ​ນີ້ຄືນ​ໃຫ້​ເຂົາ​ເຈົ້າ ​ແຕ່ ຫລາຍ​ຊົ່ວ​ໂມງ
ຕໍ່​ມາ ກໍ​ຍັງ​ບໍ່​ເຫັນ​ເອົາ​ມາ​ສົ່ງ ​ແລະ​ລາວ​ກ່າວ​ວ່າ ຮູບ​ວີ​ດີ​ໂອ​ທີ່​ໄດ້​ຖ່າຍໄວ້ໃນ​ກ້ອງນັ້ນ ​
ຄົງຈະ​ຖືກ​ລຶບ​ອອກ​ໝົດແລ້ວ.

ເບິ່ງລາຍງານວີດີໂອ ທີ່ Daniel Schearf ສົ່ງມາຈາກ ໄຄຣເມຍ:

XS
SM
MD
LG