ລົດຂົນສົ່ງຄັນທຳອິດຈາກ ຂະບວນລົດຣັດເຊຍ ໄດ້ຂ້າມຊາຍ
ແດນເຂົ້າໄປສູ່ ຢູເຄຣນແລ້ວ ຫລັງຈາກມົສກູໄດ້ກ່າວວ່າ ຕົນ
ຮູ້ສຶກອິດເມື່ອຍໃນການລໍຖ້າໃຫ້ໄດ້ ຮັບອະນຸຍາດຈາກ Kyiv
ເພື່ອເຄື່ອນຍ້າຍຂະບວນລົດດັ່ງກ່າວ.
ກະຊວງຕ່າງປະເທດຣັດເຊຍ ກ່າວຢູ່ໃນຖະແຫລງການທີ່ອອກ
ໃນວັນສຸກມື້ນີ້ວ່າ ຂໍ້ແກ້ຕົວຕ່າງໆເພື່ອໃຫ້ມີການຊັກຊ້າແມ່ນ
ໝົດໄປແລ້ວ ແລະຂະບວນລົດຂົນສົ່ງຂອງຕົນພວມມຸ້ງໜ້າ ສູ່
ເມືອງ Luhansk ອັນເປັນທີ່ໝັ້ນຂອງພວກກະບົດ ໃນ ພາກຕາ
ເວັນອອກຂອງຢູເຄຣນບ່ອນທີ່ພວກແບ່ງແຍກດິນອດນນິຍົມ
ຣັດເຊຍກຳ ລັງສູ້ລົບ ກັບທະຫານລັດຖະບານນັ້ນ.
ຂະບວນລົດ ຣັດເຊຍ ເຄື່ອນເຂົ້າ ຢູເຄຣນ
ສະພາກາແດງກາແດງສາກົນກ່າວໃນວັນສຸກມື້ນີ້ວ່າ ຕົນບໍ່ໄດ້ໃຫ້ການຄຸ້ມກັນຂະບວນລົດ ຣັດເຊຍຍ້ອນວ່າຕົນບໍ່ໄດ້ຮັບການຄ້ຳປະກັນທາງດ້ານຄວາມປອດໄພຢ່າງພຽງພໍຈາກຝ່າຍ
ຕ່າງໆທີ່ພວມສູ້ລົບກັນຢູ່ນັ້ນ. ສະພາກາແດງກ່າວວ່າຄະນະປະຕິບັດງານຂອງຕົນທີ່ເມືອງ Luhansk ລາຍງານວ່າ ໄດ້ມີການຍິງໂຈມຕີດ້ວຍປືນ ໃຫຍ່ຢ່າງໜັກໃນຄື້ນແລ້ວນີ້.
ໃນວັນພະຫັດວານນີ້ ບັນດາເຈົ້າໜ້າທີ່ຢູເຄຣນ ກ່າວວ່າ ກຳລັງຮັກສາຊາຍແດນຂອງຕົນ
ໄດ້ເລີ້ມກວດຂະບວນລົດຂົນສົ່ງການຊ່ວຍເຫລືອຂອງຣັດເຊຍ 200 ຄັນທີ່ໄດ້ຄ້າງຢູ່ເຂດ
ຊາຍແດນມາເປັນເວລາຫລາຍມື້ແລ້ວ ເພື່ອລໍຖ້າການອະນຸຍາດໃຫ້ເຂົ້າປະເທດ.
ຂະບວນລົດໄດ້ລໍຖ້າຢູ່ຊາຍແດນ ເພື່ອໃຫ້ການກວດກາຕ່າງໆ ຢ່າງເປັນທາງການ ໃຫ້ສຳ
ເລັດ ຮວມທັງການກວດກາຂອງສະພາກາແດງນຳດວ້ຍ.
ລັດຖະບານ Kyiv ທີ່ກ່າວຫາຣັດເຊຍວ່າ ຕິດອາວຸດ ແລະການສະໜັບສະໜຸນຕໍ່ພວກກະ ບົດນັ້ນ ໄດ້ສະແດງຄວາມສົງໄສວ່າ ມົສກູອາດຈະໃຊ້ຂະບວນລົດຂົນສົ່ງດັ່ງກ່າວ ເປັນຂໍ້
ອາງ ເພື່ອລຸກລານຢ່າງເຕັມທີ່ ເຂົ້າໄປໃນຢູເຄຣນ. ມົສກູຮ້ອງການກ່າວຫານີ້ວ່າ "ໄຮ້ສາ
ລະ.”
