ຊາວຣັດເຊຍ ມີຄວາມເຫັນ ໄປໃນແງ່ລົບ ຫຼາຍຂຶ້ນ ຕໍ່ສະຫະລັດ

ການສຳຫຼວດຫາງສຽງເທື່ອໃໝ່ ຂອງປະຊາຊົນຊາວຣັດເຊຍ
ສະແດງໃຫ້ເຫັນວ່າ ທັດສະນະຄະຕິ ຂອງຊາວຣັດເຊຍ ຕໍ່ສະ
ຫະລັດ ໄດ້ຊຸດໂຊມລົງໃນຮອບປີຜ່ານມາ.

ການຢັ່ງຫາງສຽງທີ່ຈັດຂຶ້ນໂດຍສູນກາງ Levada ຊຶ່ງເປັນອົງ
ການຈັດຕັ້ງບໍ່ຂຶ້ນກັບລັດຖະບານຣັດເຊຍສະແດງໃຫ້ເຫັນວ່າ
ພວກທີ່ໃຫ້ຄຳຕອບແບບມີຄວາມເຫັນໄປໃນທາງບວກ ຕໍ່ສະ
ຫະລັດໄດ້ຫຼຸດລົງຈາກ 67% ໃນປີກາຍນີ້ມາເປັນ 46%. ສັດ
ສ່ວນຂອງການມີຄວາມເຫັນໄປໃນທາງລົບໄດ້ເພີ້ມຂຶ້ນຈາກ
27% ມາເປັນ 38% ໃນໄລຍະດຽວກັນ.

ປະມານສອງສ່ວນສາມຂອງພວກທີ່ຕອບຄຳຖາມຊາວຣັດ
ເຊຍກ່າວວ່າ ສະຫະລັດ ມັກຈະທຳການກົດດັນ ຕໍ່ຣັດເຊຍ
ແທນທີ່ຈະປະຕິບັດຕໍ່ປະເທດເຂົາເຈົ້າ ດ້ວຍຄວາມເຄົາລົບ. ໃນສັດສ່ວນ ທີ່ຄ້າຍຄືກັນນີ້ ເຊື່ອວ່າວໍຊິງຕັນແມ່ນ ໜ້າໄຫວ້ຫຼັງຫຼອກ ໃນການກົດດັນໃຫ້ປະເທດຕ່າງໆປະຕິບັດຕາມ ກົດໝາຍນາໆຊາດຂະນະທີ່ຕົນເອງກໍບໍ່ໄດ້ປະຕິບັດຕາມກົດໝາຍເຫຼົ່ານີ້ສະເໝີໄປ.

ສູນກາງຄົ້ນຄວ້າ Levada ກ່າວວ່າ ຕົນໄດ້ທຳການສຳຫຼວດຫາງສຽງຢູ່ໃນຫົວເມືອງນ້ອຍ ໃຫຍ່ 130 ແຫ່ງ ໃນ 45 ເຂດຂອງຣັດເຊຍ ເມື່ອເດືອນແລ້ວນີ້.

ປະທານາທິບໍດີສະຫະລັດ ທ່ານບາຣັກ ໂອບາມາ ໄດ້ພະຍາຍາມທີ່ຈະຕັ້ງຕົ້ນໃໝ່ກ່ຽວກັບ ຄວາມສຳພັນກັບປະເທດຣັດເຊຍ ໃນໄລຍະສອງສາມປີຜ່ານມານີ້.

ແຕ່ປະເທດມະຫາອຳນາດທັງສອງຂອງໂລກມັກມີຄວາມເຫັນບໍ່ລົງຮອຍກັນກ່ຽວກັບວ່າຈະ ຮັບມືແບບໃດກັບສົງຄາມກາງເມືອງໃນຊີເຣຍແລະໂຄງການນິວເຄລຍທີ່ເປັນບັນຫາຖົກຖຽງ ໂຕ້ແຍ້ງຂອງອີຣ່ານ.