ລິ້ງ ສຳຫລັບເຂົ້າຫາ

ຣັດເຊຍຈັບຊາວໜຸ່ມຫົວຊາດນິຍົມ ຫລາຍຮ້ອຍຄົນ ເພື່ອປ້ອງກັນ ບໍ່ໃຫ້ເກີດຄວາມຮຸນແຮງ

  • Dara Baccam

ຕໍາຫລວດຣັດເຊຍ ຈັບພວກປະທ້ວງ ທີ່ນະຄອນຫລວງມອສໂຄ ເມື່ອວັນພຸດ ທີ 15 ທັນວາ 2010.

ທີ່ປະເທດຣັດເຊຍ ວັນເສົາວານນີ້ ຕໍາຫລວດໃນນະຄອນ
ຫລວງມອສໂຄ ໄດ້ຈັບກຸມຊາວໜຸ່ມຫົວຊາດນິຍົມຫລາຍ
ຮ້ອຍຄົນ ເພື່ອປ້ອງກັນບໍ່ໃຫ້ເກີດຄວາມຮຸນແຮງລະ​ຫວ່າງ
ຊົນເຜົ່າ ໃນລະຫວ່າງການປະທ້ວງທີ່ໄດ້ວາງແຜນໄວ້ແລ້ວ.

ຂ່າວສື່ມວນຊົນຂອງທາງການຣັດເຊຍເວົ້າວ່າ ມີປະມານ
500 ຄົນຖືກຈັບກຸມ ແຕ່ພວກນັກຂ່າວຕ່າງປະເທດ​ໃຫ້​
ໂຕ​ເລກ ທີ່​ສູງເກືອບຮອດ 1,000 ຄົນ ຊຶ່ງ ສ່ວນຫລາຍ
ແມ່ນພວກຊາວ​ຣັດເຊຍພື້ນ​ເມືອງ ແລະພວກຊົນກຸ່ມນ້ອຍ.

ເຈົ້າໜ້າທີ່ຕໍາຫລວດກ່າວວ່າ ໄດ້ມີການອະນຸຍາດໃຫ້ທໍາ​
ການປະທ້ວງຢ່າງສັນຕິ ​ໃນວັນເສົາວານນີ້ ຢູ່ສວນສາທາ
ລະນະແຫ່ງນຶ່ງ ​ໃກ້ກັບ​ສໍານັກງານຂອງບໍລິສັດ ໂທລະພາຍ Ostankino ແລະວ່າ ພວກ
ຊາວໜຸ່ມຣັດເຊຍໄດ້ພາກັນຮ້ອງໂຮ ຄໍາຂວັນທີ່​ມີ​ເນື້ອ​ໃນຊາດນິຍົມ. ແລະພວກເຈົ້າໜ້າທີ່
ຕໍາຫລວດກ່າວວ່າ ບາດ​ແລ້ວ ມີບາງກຸ່ມໄດ້ແຍກອອກ​ໄປ ​ແລະ​ພາກັນໄຕ້ທວນໄຟ ແລ້ວ
ເລີ່ມຍ່າງໄປຍັງສະຖານີ ລົດໄຟ​ແຫ່ງ​ນຶ່ງ ຊຶ່ງບໍ່​ມີ​ຢູ່​ໃນ​ໃບອະນຸຍາດ​ນັ້ນ.

ການປະທ້ວງເມື່ອວັນເສົາວານນີ້ ມີຂຶ້ນນຶ່ງອາທິດ ຫລັງຈາກທີ່ພວກແຟນບານເຕະ ຊາວ
ຣັດເຊຍ ແລະພວກຫົວຊາດນິຍົມຈັດ ໄດ້​ໂຮມຊຸມນຸມກັນຢູ່ໃນເຂດໃຈກາງນະຄອນຫລວງ
ມອສໂຄ ຫລັງຈາກແຟນບານເຕະທີ່ເປັນຊົນເຜົ່າຣັດເຊຍຄົນນຶ່ງ ຖືກຂ້າຕາຍໃນການຕ່ອຍ
ຕີກັນບັ້ນນຶ່ງ ກັບພວກຜູ້ຊາຍກຸ່ມນຶ່ງຈາກເຂດ Caucasus ທາງພາກເໜືອຂອງ​ປະ​ເທດ.

ເມື່ອວັນພຸດອາທິດ​ແລ້ວນີ້ ຕໍາຫລວດກໍໄດ້ຈັບກຸມ ປະມານ 700 ຄົນຢູ່​ໃກ້ສະຖານີລົດໄຟ​
ໃນເຂດໃຈກາງມອສໂຄ ອັນເປັນພາກສ່ວນນຶ່ງຂອງຄວາມພະຍາຍາມ ​ເພື່ອປ້ອງກັນບໍ່ໃຫ້ ເກີດຄວາມຮຸນແຮງໃນລະຫວ່າງຊົນເຜົ່ານັ້ນ.

XS
SM
MD
LG