ລິ້ງ ສຳຫລັບເຂົ້າຫາ

ວັນພະຫັດ, ໓໐ ພຶດສະພາ ໒໐໒໔

ລັດຖະບານ ແລະພວກກະບົດ ບັນລຸ ການຢຸດຍິງ ໃນພາກ ຕາເວັນອອກ ຂອງ ຢູເຄຣນ (ສະໄລດ໌)


ທະຫານຢູເຄານ ຢູ່ເທິງລົດຫຸ້ມເກາະ ໃກ້ໆເມືອງ Kramatorsk (2 ກັນຍາ 2014)
ທະຫານຢູເຄານ ຢູ່ເທິງລົດຫຸ້ມເກາະ ໃກ້ໆເມືອງ Kramatorsk (2 ກັນຍາ 2014)

ທຳນຽບປະທານາທິບໍດີ ຢູ​ເຄຣນ ທ່ານ Petro Poroshenko
ກ່າວ​ວ່າ ທ່ານ ​ແລະ​ປະທານາທິບໍດີຣັດ​ເຊຍ ທ່ານ Vladimir
Putin ​ໄດ້ເຫັນ​ດີ ໃຫ້ມີການ​ຢຸດ​ຍິງ ຢູ່ໃນ​ພາກ​ຕາ​ເວັນ​ອອກ​
ຂອງ​ຢູ​ເຄຣນ.

ຢູ່ໃນຖະ​ແຫລ​ງຂ່າວ ​ໃນ​ວັນ​ພຸດ​ມື້​ນີ້ ທໍາ ນຽບຂອງທ່ານ Poro-
shenko ກ່າວ​ວ່າ ບັນດາ​ຜູ້ນຳ​ທັງ​ສອງ ​ໄດ້​ບັນລຸ​ການ​ຕົ​ກລົງ
ກັນ ໃນການໂອ້ລົມ​ທາງ​ໂທລະສັບ. ​ຖະ​ແຫລ​ງຂ່າວ ບໍ່​ໄດ້​ໃຫ້
​ລາຍ​ລະອຽດໃດໆກ່ຽວກັບ​ການ​ຢຸດ​ຍິງ.

ຢູ່​ໃນ​ຖະ​ແຫລງຂ່າວ​ອີກ​ສະບັບນຶ່ງນັ້ນ ​ເຖິງ​ຢ່າງ​ໃດ​ກໍ​ດີ ​ວັງ
Kremlin ກ່່າວ​ວ່າ ທ່ານ Putin ​ແລະ ທ່ານ Poroshenko ບໍ່​ໄດ້​ຕົກ​ລົງ​ກ່ຽວກັບການ​
ຢຸດ​ຍິງ​ໃນ ຢູ​ເຄຣນ ໂດຍໃຫ້ຂໍ້ສັງເກດ​ວ່າ ຣັດ​ເຊຍບໍ່ແມ່ນ​ພາກສ່ວນໃນການ​ຂັດ​ແຍ້​ງ.
ຖະແຫ​ລງຂ່າວ ​ກ່າວ​ວ່າປະທານາທິບໍດີທັງສອງ ​ໄດ້​ສົນທະນາ​ກັນ​ວ່າ ຈະ​ແກ້​ໄຂ​ບັນຫາ
ຂັດແຍ້​ງຢ່າງ​ໃດ.



ກ່ອນໜ້ານີ້ ​ໂຄສົກປະທານາທິບໍດີຣັດ​ເຊຍ ກ່າວ​ວ່າ ທ່ານ Putin ​ແລະ ທ່ານ Poro-
shenko ​ໄດ້​ແລກປ່ຽນ​ຄວາມຄິດຄວາມເຫັນ ໃນການໂອລົມທາງໂທລະ ສັບ ກ່ຽວກັບ
ຊ່ອງທາງ​ເພື່ອ​ຍຸດຕິ “ການ​ນອງ​ເລືອດ” ໃນ​ພາກຕາເວັນອອກສຽງ​ໃຕ້​ຂອງຢູເຄຣນ. ​

ໂຄສົກ ທ່ານ Dmitry Peskov ກ່າວ​ວ່າ ປະທານາທິບໍດີ ທັງ​ສອງ ​ສ່ວນ​ໃຫຍ່​ແລ້ວໄດ້
​ເຫັນ​ນຳກັນ ກ່ຽວກັບຄວາມ​ເປັນ​ໄປ​ໄດ້​ໃນ​ຊ່ອງ​ທາງ​ອອກ​ຈາກວິ​ກິ​ດການນີ້.

​ໃນ​ຫວ່າ​ງບໍ່​ເທົ່າ​ໃດ​ເດືອນ​ທີ່​ຜ່ານ​ມານີ້ ທະຫານ​ຢູ​ເຄຣນ ​ແລະ​ກຳລັງພວກ​ກະບົດ ​ນິຍົມ
ຣັດ​ເຊຍ ​ໄດ້​ປະ​ທະ​ຢ່າງ​ຮ້າຍ​ແຮງ​ໃນ​ພາກ​ຕາ​ເວັນ​ອອກ​ຂອງ​ຢູ​ເຄຣນ. ຢູ​ເຄຣນ ກ່າວ​ໃນ​
ວັນ​ອັງຄານ​ວານ​ນີ້​ວ່າ ທະຫານ​ຢູ​ເຄຣນ 15 ຄົນ​ໄດ້​ເສຍ​ຊີວິດ​ຍ້ອນ​ການ​ສູ້​ລົບ​ທີ່​ພາກ​ຕາ
​ເວັນ​ອອກຂອງປະເທດ ນັບ​ຕັ້ງ​ແຕ່​ຕອນ​ເຊົ້າ​ວັນ​ຈັນ​ທີ່​ຜ່ານ​ມາ.

ການ ​ສູ້​ລົບ​ສ່ວນ​ໃຫ​ຍ່ແມ່ນ​ຢູ່​ອ້ອມ​ແອ້ມ ​ເມືອງ Donetsk ຊຶ່ງ​ເປັນ​ທີ່​ໝັ້ນໃຫຍ່​ຂອງ​ພວກ​ກະບົດ ​ແລະ​ນຶ່ງ​ໃນ​ສອງ​ໂຕ​ເມືອງ​ສຳຄັນ ທີ່​ຄວບ​ຄຸມ​ໂດຍພວກ​ແບ່ງ​ແຍກ​ດິນ​ແດນນິຍົມ
ຣັດ​ເຊຍ​ ​ທີ່ຢາກໄດ້ຮັບການ​ປົກຄອງ​ຕົນເອງ​ ຈາກຢູ​ເຄຣນ. ​ແລະ​ອີກ​ເມືອງນຶ່ງ ແມ່ນ Lu-
hansk​.​

XS
SM
MD
LG