ລິ້ງ ສຳຫລັບເຂົ້າຫາ

ວັນເສົາ, ໑໓ ກໍລະກົດ ໒໐໒໔

ຣັດເຊຍ ແລະ ຢູເຄຣນ ແລກປ່ຽນກັນ ໂຈມຕີ ດ້ວຍໂດຣນ ແລະ ລູກສອນໄຟ


ຮູບຈາກເອກະສານແຈກຢາຍນີ້ ໄດ້ຖືກຖ່າຍໃນວັນທີ 12 ມິຖຸນາ 2024, ແລະໄດ້ຖືກເຜີຍແຜ່ ໃນວັນທີ 13 ມິຖຸນາ 2024 ໂດຍ ໜ່ວຍງານສຸກເສີນຂອງຢູເຄຣນ ສະແດງໃຫ້ເຫັນ ນັກດັບເພີງຄົນນຶ່ງ ກຳລັງພະຍາຍາມມອດໄຟ ຢູ່ທີໂຮງງານອຸດສາຫະກຳແຫ່ງນຶ່ງ ທີ່ໄດ້ຮັບຄວາມເສຍຫາຍ ລຸນຫຼັງການໂຈມຕີທາງອາກາດ ໃນພາກພື້ນ ກີຢິບ.
ຮູບຈາກເອກະສານແຈກຢາຍນີ້ ໄດ້ຖືກຖ່າຍໃນວັນທີ 12 ມິຖຸນາ 2024, ແລະໄດ້ຖືກເຜີຍແຜ່ ໃນວັນທີ 13 ມິຖຸນາ 2024 ໂດຍ ໜ່ວຍງານສຸກເສີນຂອງຢູເຄຣນ ສະແດງໃຫ້ເຫັນ ນັກດັບເພີງຄົນນຶ່ງ ກຳລັງພະຍາຍາມມອດໄຟ ຢູ່ທີໂຮງງານອຸດສາຫະກຳແຫ່ງນຶ່ງ ທີ່ໄດ້ຮັບຄວາມເສຍຫາຍ ລຸນຫຼັງການໂຈມຕີທາງອາກາດ ໃນພາກພື້ນ ກີຢິບ.

ເຈົ້າ​ໜ້າ​ທີ່​ກ່າວ​ໃນ​ວັນ​ສຸກມື້​ນີ້​ວ່າ ກີຢິບ ​ແລະ ມົສກູ ​ໄດ້​ທໍາ​ການ​ໂຈມ​ຕີ​ດ້ວຍ​ ເຮືອບິນບໍ່ມີຄົນຂັບ ຫຼື ໂດຣນ ​ແລະ​ລູກ​ສອນ​ໄຟ ​ຫລາຍ​ສິບຄັ້ງ​ ໃນ​ຊ່ວງຂ້າມ​ຄືນ ຊຶ່ງ​ເຮັດ​ໃຫ້​ມີ​ຜູ້ໄດ້ຮັບ​ບາດ​ເຈັບ​ຫລາຍ​ຄົນ​ໃນ​ຢູ​ເຄຣນ ​ແລະ​ສ້າງ​ຄວາມ​ເສຍ​ຫາຍ​ຕໍ່ສາງເກັບ​ນ້ຳ​ມັນ​ເຊື້ອ​ໄຟ ​ຢູ່ພາກພື້ນ​ຊາຍ​ແດນແຫ່ງນຶ່ງຂອງຣັດ​ເຊຍ, ອີງຕາມອົງການຂ່າວ AFP.

ທັງສອງ​ຝ່າຍ ​ໄດ້ຍົກລະດັບ​ການ​ບຸກ​ໂຈມ​ຕີ​ທາງ​ອາກາດ​ຂ້າມ​ຊາຍ​ແດນ​ ໃນຊ່ວງບໍ່ເທົ່າໃດ​ອາທິດທີ່​ຜ່ານ​ມາ​, ​ໂດຍ​ ກີຢິບ ​ໄດ້​ແນເປົ້າ​ໃສ່​ສະຖານ​ທີ່​ພະລັງງານ​ຕ່າງໆຂອງຣັດ​ເຊຍ ​ແລະ ມົສກູ ​ໄດ້​ເປີດ​ການ​ໂຈມ​ຕີຕອບໂຕ້.

ຣັດ​ເຊຍ​ກ່າວ​ວ່າ​ ຕົນ​ໄດ້​ຍິງ​ລູກ​ສອນ​ໄຟ​ຂອງ​ຢູເຄຣນ 87 ​ລູກຕົກ, ​ໂດຍ 70 ລູກ ​ໄດ້​ແນ​ເປົ້າ​ໃສ່​ເຂດ ຣັອສໂຕຟ (Rostov) ​ທາງພາກ​ໃຕ້ ເຊິ່ງເປັນ​ທີ່​ຕັ້ງ​ຂອງສຳນັກງານ​ໃຫຍ່​ການ​ປະຕິບັດ​ການ​ທາງ​ທະຫານ​ຕໍ່ ກີຢິບ.

ກະຊວງ​ປ້ອງ​ກັນ​ປະ​ເທດ​ກ່າວ​ວ່າ ໂດ​ຣນ 70 ລຳ​ໄດ້​ຖືກ​ຍິງ​ຕົກ​ຢູ່​ເທິງ ພາກພື້ນ ຣັອສໂຕຟ (Rostov), ​ຢູ່​ພາກພື້ນ ເຄີສຄ໌ (Kursk) ​ແລະ ໂວໂຣເນັຊ (Voronezh) ພາກພື້ນລະ 6 ລໍາ, ​ແລະ ​ພາກພື້ນ ໂວລໂກກຣາດ (Volgograd) ​ແລະ ເບລໂກຣອດ (Belgorod) ​ອີກພາກພື້ນລະ 2 ລໍາ ເຊິ່ງ ​ມີ​ຊາຍ​ແດນ​ຕິດ​ກັບ​ຢູ​ແຄຣນ.

ການ​ໂຈມ​ຕີ​ດັ່ງກ່າວ​ໄດ້​ເຮັດ​ໃຫ້​ເກີດ​ການ​ຕັດ​ໄຟຟ້າ​ໃນ​ຫຼາຍ​ເຂດ​ຂອງ​ພາກ​ພື້ນ ຣັອສໂຕຟ (Rostov), ຜູ້ປົກຄອງພາກພື້ນ ທ່ານ ວາຊີລີ ໂກລູເບັຟ (Vasily Golubev) ກ່າວ​ໃນ​ສື່​ສັງຄົມ.

ຢູ່​ໃນພາກພື້ນ ໂວໂຣເນັຊ (Voronezh) ທີ່​ມີ​ຊາຍ​ແດນ​ຕິດ​ກັບ​ຢູ​ເຄຣນ, ສາງ​ເກັບ​ນ້ຳ​ມັນ​ເຊື້ອ​ໄຟ​ແຫ່ງ​ນຶ່ງ​ໄດ້​ຮັບ​ຄວາມ​ເສຍ​ຫາຍ​ເລັກ​ນ້ອຍ ​ຈາກເສດຊາກທີ່ນ​ຕົກລົງມາ, ທ່ານ ອາເລັກຊານເດີ ກູເຊັບ (Aleksander Gusev) ຜູ້ປົກຄອງພາກພື້ນ ກ່າວ​.

​ໃນ​ຂະນະ​ດຽວກັນ ກີຢິບ ກ່າວ​ວ່າ ລະບົບ​ປ້ອງ​ກັນໄພທາງ​ອາກາດ​ຂອງ​ຢູ​ເຄຣນ​ໄດ້​ຍິງໂດຣນ ແລະ ​ລູກ​ສອນ​ໄຟຂອງຣັດເຊຍ ຕົກ 24 ລຳ​ໃນ​ຈຳນວນ 31 ລຳ​ ​ທີ່ໄດ້ຖືກສົ່ງມາໃນຊ່ວງຂ້າມ​ຄືນ.

ມີຜູ້ໄດ້ຮັບບາດເຈັບ 6 ຄົນ ຈາກ​ການ​ໂຈມ​ຕີ​ທີ່​ເມືອງແນວໜ້າ ເຊລີໂດບ (Selydove) ຂອງ​ເຂດ ໂດເນັດສກ໌ (Donetsk) ທີ່​ເກີດ​ສົງຄາມ, ​ຜູ້ປົກຄອງເຂດດັ່ງກ່າວ ກ່າວ.

ມີຜູ້ໄດ້ຮັບບາດເຈັບ 3 ຄົນ ຈາກການ​ໂຈມ​ຕີ​ດ້ວຍໂດຣນ ໃນພາກພື້ນຊູມີ (Sumy) ທາງ​ພາກ​ຕາ​ເວັນ​ອອກ ແລະ​ເຮືອນ​ຫລາຍ​ຫລັງ​ໄດ້​ຮັບ​ຄວາມ​ເສຍ​ຫາຍ​ໃນ​ພາກ​ພື້ນ ຄາກິບ (Kharkiv) ທີ່​ຢູ່ໃກ້​ຄຽງ.

ອ່ານຂ່າວເປັນພາສາອັງກິດຂ້າງລຸ່ມນີ້:

Kyiv and Moscow staged dozens of drone and missile attacks overnight, officials said Friday, leaving several wounded in Ukraine and damaging a fuel reservoir site in a Russian border region.

The two sides have stepped up cross-border aerial assaults in recent weeks, with Kyiv targeting Russian energy facilities and Moscow launching retaliatory barrages.

Russia said it had downed 87 Ukrainian drones, of which 70 had targeted the southern Rostov region that houses the headquarters of its military operation against Kyiv.

The defense ministry said 70 drones were downed over Rostov, six each over Kursk and Voronezh, and two each over Volgograd and the Belgorod region bordering Ukraine.

The attacks sparked power cuts in several areas of the Rostov region, its governor Vasily Golubev said on social media.

In Voronezh, which borders Ukraine, a fuel reservoir was slightly damaged by falling debris, its regional governor Aleksander Gusev said.

Kyiv meanwhile said Ukrainian air defense systems had downed 24 out of 31 Russian drones and missiles fired overnight.

Six people were wounded in an attack on the front-line town of Selydove in the war-battered Donetsk region, its governor said.

Three people were wounded in a drone attack in the eastern Sumy region and several homes were damaged in the neighboring Kharkiv region.

ຟໍຣັມສະແດງຄວາມຄິດເຫັນ

XS
SM
MD
LG