ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ປ. Erdogan ກ່າວວ່າ ເທີກີ ພຽງແຕ່ປ້ອງກັນ ຄວາມປອດໄພ ຂອງຕົນ


ປະທານາທິບໍດີ ເທຶກີ ທ່ານ Recep Tayyip Erdogan ກ່າວຢູ່ກອງປະຊຸມ ທີ່ນະຄອນ Ankara, ປະເທດເມິກີ.
ປະທານາທິບໍດີ ເທຶກີ ທ່ານ Recep Tayyip Erdogan ກ່າວຢູ່ກອງປະຊຸມ ທີ່ນະຄອນ Ankara, ປະເທດເມິກີ.

ປະ​ທານາ​ທິບໍດີ ​ເທິ​ກີ ທ່ານ Recep Tayyip Erdogan ກ່າວ
​ໃນ​ວັນ​ພຸດ​ມື້​ນີ້ວ່າ ປະ​ເທດ​ຂອງ​ທ່ານ​ ພຽງ​ແຕ່​ປ້ອງ​ກັນ​ຄວາ​ມ
ປອດ​ໄພຂອງ​ຕົນ ​ເວລາ​ເຮືອບິນ​ລົບ​ເທິ​ກີ ຍິງ​ເຮືອບິນລົບຣັດ​
ເຊຍ​ຕົກ ​ແລະ​ ທ່ານ​ບໍ່​ຕ້ອງ ການ​ຢາກ​ສ້າງຄວາມເຄັ່ງ​ຕຶງໃດໆ​
ເພີ້ມ​ຂື້ນ​ກັບຣັດ​ເຊຍ.

​ໃນ​ການຖະ​ແຫຼງ​ຢູ່ທີ່ນະຄອນ Istanbul ທ່ານ Erdogan ກ່າວ
​ວ່າ ​ເຮືອບິນ​ໄດ້​ຕົກ​ຢູ່​ໃນ​ຊີ​ເຣຍ ​ແຕ່​ຢູ່​ໃນເຂດນ່ານຟ້າຂອງ​ເທິ​ກີ
​ເວລາ​ຖືກ​ຍິງ​ ໃນ​ວັນ​ອັງຄານ​ວານ​ນີ້. ບັນດາ​ເຈົ້າ​ໜ້າ​ທີ່​ອຶ່ນໆຂອງ
​ເທີ​ກີ​ກ່າວ​ວ່າ ​ເຮືອບິນຣັດ​ເຊຍ​ໄດ້​ບິນ​ເຂົ້າເລິກ​ເຂົ້າ​ໄປ​ໃນ​ເຂດ
​ຊາຍ​ແດນ​ຂອງ​ຕົນ​ເຖິງ 2 ກິ​ໂລ​ແມັດ ​ປະມານ 17 ວິນາ​ທີ​ ແລະ
​ກຳລັງ​ຂອງ​ຕົນ​ໄດ້​ເຕືອນ​ເຖິງ 10 ​ເທື່ອ ​ແຕ່​ເຮືອບິນ​ຣັດ​ເຊຍ​ບໍ່ຫົວຊາ ​ກ່ອນຕົນ​ຈະ​ຍິງ.

ພາບນີ້ໄດ້ມາຈາກ ໂທລະພາບ Haberturk TV, ສະແດງໃຫ້ເຫັນ ເຮືອບິນລົບຣັດເຊຍ ເກີດໄຟໄໝ້ກ່ອນຕົກລົງມາ.
ພາບນີ້ໄດ້ມາຈາກ ໂທລະພາບ Haberturk TV, ສະແດງໃຫ້ເຫັນ ເຮືອບິນລົບຣັດເຊຍ ເກີດໄຟໄໝ້ກ່ອນຕົກລົງມາ.

ຣັດ​ເຊຍຢືນ​ຢັດ​ວ່າ ​ເຮືອບິນ​ບໍ່​ເຄີ​ຍອອກໄປຈາກ​ດິນ​ແດນ​ຊີ​ເຣຍ.

​ເຈົ້າ​ໜ້າ​ທີ່​ສະຫະລັດຄົນ​ໜຶ່ງ​ ທີ່​ຂໍ​ສະຫງວນ​ຊື່ ກ່າວ​ຕໍ່​ອົງການ​ຂ່າວ​ຣອຍ​ເຕີ້ວ່າ ສະຫະ​ລັດ​ເຊື່ອວ່າ ​ເຮືອບິນ​ໄດ້​ກັບ​ຄືນ ​ເຂົ້າ​ສູ່ເຂດນ່ານຟ້າ​ຊີ​ເຣຍກ່ອນ​ຖືກ​ຍິງ ​ໃນ​ຂະນະ​ທີ່​ບັນດາ​ນັກກາ​ນທູດ ກ່າວ​ຕໍ່ໝັງ​ສື​ພິມ New York Times ວ່າ ​ເຮືອບິນ​ໄດ້​ຂ້າມ​ກັບຄືນ​ເຂົ້າ​ໄປເຂດ​ຊີ​ເຣຍ ຫລັງ​ຈາກ​ຖືກ​ຍິງ.

ນາຍົກລັດຖະມົນຕີຣັດ ​ເຊຍ ທ່ານ Dmitry Medvedev ກ່າວ​ໃນ​ວັນ​ພຸດ​ມື້​ນີ້​ວ່າ “ການ​
ເພີ້​ມທະວີ​ຄວາມ​ເຄັ່ງ​ຕຶງ​ທີ່​ເປັນອັນຕະລາຍ” ​ໃນ​ຄວາມສຳພັນ​ລະ​ຫວ່າງຣັດ​ເຊຍ ​ແລະອົງ
ການ NATO ບໍ່​ສາມາດ​ຍົກ​ໂທດ​ໃຫ້​ໄດ້ ​ເຖິງ​ແມ່ນຢູ່​ກໍລະນີ ປ້ອງ​ກັນຊາ​ຍ​ແດນກໍ​ຕາມ. ປະທານາທິບໍດີ Vladimir Putin ຮ້ອງ​ອຸ​ບັດ​ເຫດນີ້​ວ່າ “​ເອົາມີດ​ແທງຫລັງ” ​ແລະ​ກ່າວ​ຫາ​ເທິ​ກີວ່າ ສະໜັບສະໜຸນ​ພວກ​ກໍ່​ການ​ຮ້າຍ.

ປະທານາທິບໍດີ Barack Obama (ຂວາ) ແລະ ປະທານາທິບໍດີ ຝຣັ່ງ ທ່ານ Francois Hollande (ຊ້າຍ) ທີ່ກອງປະຊຸນນັກຂ່າວ ທຳນຽບຂາວ ນະຄອນຫລວງ ວໍຊິງຕັນ.
ປະທານາທິບໍດີ Barack Obama (ຂວາ) ແລະ ປະທານາທິບໍດີ ຝຣັ່ງ ທ່ານ Francois Hollande (ຊ້າຍ) ທີ່ກອງປະຊຸນນັກຂ່າວ ທຳນຽບຂາວ ນະຄອນຫລວງ ວໍຊິງຕັນ.

ຣັດ​ເຊຍ​ໄດ້​ປະກາດ​ມາດຕະການ​ຕອບ​ໂຕ້​ ຫຼາຍ​ຢ່າງ. ລັດຖະມົນຕີ​ປ້ອງ​ກັນ​ປະ​ເທດຣັດ​ເຊຍ ທ່ານ Sergei Shoigu ກ່າວ​ໃນ​ວັນ​ພຸດ​ມື້​ວ່າ ກອງທັບ​ຈະ​ສົ່ງລະບົບ​ລູກ​ສອນໄຟ​ທີ່​ທັນສະ​ໄໝ​ S-400 ໄປຍັງ​ແຂວງ Latakia ຂອງ​ຊີ​ເຣຍ ທີ່ຢູ່​ຕິດ​ກັບ​ຊາຍ​ແດນ​ເທິ​ກີ. ນອກ​ນັ້ນ​ຍັງ​ຈະ​ສົ່ງ​ລູກ​ສອນ​ໄຟນຳ​ວິຖີ Moskva​ ​ໄປ​ຍັງຂົງ​ເຂດດັ່ງກ່າວ.

​ ໃນ​ຂະນະ​ດຽວ​ກັນ ໜຶ່ງ​ໃນ​ຈຳນວນ​ນັກ​ບິນ​ທີ່​ໂຕນ​ຈ້ອງ​ລົງມາ​ຈາກ​ເຮືອ ບິນ ​ໄດ້​ມາ​ເຖິງຖານ​ທັບຣັດ​ເຊຍ​ທີ່ເມືອງ Latakia ​ໃນ​ວັນ​ພຸດ​ມື້​ນີ້ຫລັງ​ຈາກ​ໄດ້​ຮັບ​ການຊ່ວຍ​ເຫລືອຈາກ​ທະຫານ​ຊີ​ເຣຍ.

Turkey Jet
please wait
Embed

No media source currently available

0:00 0:01:51 0:00

XS
SM
MD
LG