ທີມນັກເຫາະອາວະກາດຊຸດໃໝ່ ທີ່ຈະຂຶ້ນໄປປະຈໍາຢູ່ສະຖານີອາວະກາດສາກົນ ຫລື ISS ໄດ້ຖືກສົ່ງຂຶ້ນສູ່ຫ້ວງອາວະກາດແລ້ວ ໃນເຊົ້າວັນຈັນມື້ນີ້ຈາກສະໜາມສົ່ງຍານອາວະກາດ Baikonur ໃນກາຊັກສະ ຖານ. ເຖິງແມ່ນມີຫິມະປົກຄຸມໜ້າດິນ ສູງ 15 ຊັງຕີເມັດ ຢູ່ສະຖານທີ່ສົ່ງຍານຂຶ້ນສູ່ອາວະກາດນັ້ນກໍຕາມ ຍານອາວະກາດ Soyuz ກໍບໍ່ໄດ້ມີບັນຫາທາງເຕັກນິກໃດໆ ທີ່ໄດ້ຄຸກຄາມໂຄງການອາວະກາດຂອງຣັດເຊຍມາຕະຫລອດ ໃນໄລຍະບໍ່ເທ່ົາໃດເດືອນຜ່ານມານີ້.
ພວກນັກເຫາະອາວະກາດ 3 ຄົນ ຮວມທັງຄົນອາເມຣິກັນຄົນນຶ່ງແລະຄົນຣັດເຊຍ 2 ຄົນ ຈະເປັນກຸ່ມທໍາອິດທີ່ຈະຂຶ້ນໄປປະຈໍາການຢູ່ໃນສະຖານີອາວະກາດສາກົນ ນັບແຕ່ສະຫະລັດໄດ່ຍຸດຕິໂຄງການສົ່ງຍານອາວະກາດໄປກັບຂອງຕົນໃນເດືອນກໍລະກົດ ຫລັງຈາກດໍາເນີນໂຄງການມາໄດ້ 30 ປີ. ອົງການນາຊາ (NASA) ຂອງສະຫະລັດກ່າວວ່າ ການເຂົ້າໄປເຊື່ອມຕໍ່ໃສ່ກັບສະຖານີອາວະກາດ ISS ກໍານົດຈະມີຂຶ້ນໃນວັນອັງຄານມື້ອື່ນ. ພວກນັກອາວະກາດຈຸໃໝ່ກໍານົດຈະກັບຄືນສູ້ພື້ນດິນໃນເດດືອນມີນາປີ 2012 ໜ້ານີ້.
ພວກນັກອາວະກາດປັດຸບັນໃນສະຖານີອາວະກາດ ISS ກໍານົດຈະລົງສູ່ສະຖານທີ່ປ່ອຍຍານທ່ີກາຊັກສະຖານກ່ອນທ້າຍເດື່ອພະຈິກ.
ໂຄງການອາວະກາດຣັດເຊຍ ໄດ້ປະສົບກັບບັນຫາຕ່າງໆມາຫລາຍຢ່າງ ໃນຫວ່າງບໍ່ເທົ່າໃດເດືອນຜ່ານມານີ້. ຄວາມພະຍາຍາມທີ່ຈະສົ່ງຍານອາວະກາດທີ່ບໍ່ມີຄົນຂຶ້ນໄປນໍາໃນວັນທີ 24 ສິງຫາແລ້ວນີ້ ໄດ້ປະສົບກັບຄວາມລົ້ມແຫລວຢ່າງສິ້ນເຊີງ.
