ຫົວໜ້າກອງທຶນດ້ານຄວາມໝັ້ນຄົງຂອງ ຣັດເຊຍ ຈະພົບກັບຄະນະຜູ້ແທນ ສະຫະລັດ ໃນ ຊາອຸດີ ອາຣາເບຍ

ທ່ານ ຄີຣີລ ດມີທຣຽບ, ຜູ້ບໍລິຫານກອງທຶນດ້ານຄວາມໝັ້ນ ຄົງແຫ່ງຊາດຂອງຣັດເຊຍ ຈະທໍາການພົບປະກັບຄະນະຜູ້ແທນ ສະຫະລັດ ຢູ່ປະເທດ ຊາອຸດີ ອາຣາເບຍ ໃນວັນອັງຄານມື້ອື່ນນີ້ ເພື່ອເນັ້ນໜັກໃສ່ການ ຮັດແໜ້ນສາຍພົວພັນ ແລະເພີ້ມທະວີການຮ່ວມມືດ້ານເສດຖະກິດ, ອີງຕາມ ການກ່າວຕໍ່ອົງການຂ່າວ Reuters ຈາກແຫຼ່ງຂ່າວໃນ ຣີຢາດ.

ການພົບປະກັບ ທ່ານ ດມີທຣຽບ ແມ່ນການຢືນຢັນຄັ້ງທໍາອິດວ່າ ອະດີດນາຍ ທະນາຄານ ໂກລແມນ ແຊັກ ທີ່ໄດ້ຮັບການສຶກສາຈາກ ສະຫະລັດ ຈະມີສ່ວນຮ່ວມໃນການເຈລະຈາກັບ ສະຫະລັດ.

ລັດ​ຖະ​ມົນ​ຕີ​ການ​ຕ່າງ​ປະ​ເທດ​ສະຫະລັດ ທ່ານ ມາຣ໌ໂກ ຣູບີໂອ ພ້ອມ​ດ້ວຍ​ທີ່​ປຶກ​ສາ​ດ້ານ​ຄວາມໝັ້ນຄົງ​ແຫ່ງ​ຊາດ​ຂອງ ​ທ່ານ ທຣໍາ, ທ່ານ ໄມຄ໌ ວອລສ໌ ແລະ ທູດ​ປະຈໍາພາກຕາ​ເວັນ​ອອກ​ກາງ​ຂອງ​ທຳ​ນຽບ​ຂາວ, ທ່ານ ສຕີບ ວິດຄອຟ ມີ​ກຳ​ນົດ​ທີ່ຈະພົບ​ກັບ​ເຈົ້າ​ໜ້າ​ທີ່​ຣັດ​ເຊຍຢູ່ ຊາອຸດີ ອາຣາເບຍ.

ທ່ານ ດມີທຣຽບ ອາຍຸ 49 ປີ, ເປັນນັກລົງທຶນດ້ານການທະນາຄານທີ່ໄດ້ຮັບ ການສຶກສາຢູ່ທີ່ມະຫາວິທະຍາໄລ ຮາເວີດ ແລະ ສແຕນຝອດ ໃນຊຸມປີ 1990. ລາວເຮັດວຽກຢູ່ບໍລິສັດ Goldman Sachs ແລະ ແມັກເຄັນຊີ ຂອງ ສະຫະລັດ ກ່ອນທີ່ລາວຈະເດີນທາງ ກັບຄືນໄປຍັງຍະຄອນຫຼວງມົສກູ.

ທ່ານ ດມີທຣຽບ ເຄີຍດໍາລົງຕໍາແໜ່ງບໍລິຫານບໍລິສັດ Delta Equity Partners ເຊິ່ງເປັນບໍລິສັດຫຸ້ນສ່ວນເອກະຊົນທີ່ໄດ້ຮັບທຶນສະໜັບສະໜູນ ຈາກສະຫະລັດ ໃນປະເທດ ຣັດເຊຍ, ກ່ອນທີ່ຈະໄດ້ຮັບການແຕ່ງຕັ້ງໂດຍ ທ່ານ ປູຕິນ ໃຫ້ເປັນຫົວໜ້າ RDIF, ທີ່ສ້າງຕັ້ງຂື້ນໃນປີ 2011 ເພື່ອອຳນວຍ ຄວາມສະດວກໃຫ້ແກ່ການລົງທຶນຂອງຕ່າງປະເທດໃນ ຣັດເຊຍ.

ທ່ານ ດມີທຣຽບ ມີບົດບາດເບື້ອງຕົ້ນໃນການຕິດຕໍ່ລະຫວ່າງ ມົສກູ ແລະທີມ ງານຂອງ ທ່ານ ທຣໍາ ໃນເວລາທີ່ ທ່ານ ທຣໍາ ໄດ້ຮັບການເລືອກຕັ້ງເປັນປະ ທານາທິບໍດີຄັ້ງທໍາອິດເມື່ອປີ 2016, ເຊັ່ນດຽວກັບການສ້າງສາຍສໍາພັນຂອງ ຣັດເຊຍ ກັບ ຊາອຸດີ ອາຣາເບຍ, ເຊິ່ງນໍາໄປສູ່ຂໍ້ຕົກລົງລາຄານ້ໍາມັນຂອງ OPEC+.

ທ່ານ ດມີທຣຽບ ​ໄດ້ທໍາການ​ພົບ​ປະກັບ​ອົງມົງກຸດຣາຊະກຸມມານ ໂມຮໍາເມັດ ບິນ ຊາລມານ ຂອງຊາອຸດີ ອາຣາເບຍ ຫຼາຍຄັ້ງ, ​ເຊິ່ງ​ເປັນຜູ້ທີ່​ມີ​ບົດບາດ​ໃນ​ການ​ໄກ່​ເກ່ຍ​ແລກປ່ຽນ​ນັກ​ໂທດ​ລະຫວ່າງ ຣັດ​ເຊຍ ​ກັບ ​ສະຫະລັດ ​ໃນ​ອາທິດ​ແລ້ວ​ນີ້.

ທັງສອງຝ່າຍ ກ່າວເຖິງ ຊາ​ອຸ​ດີ ອາ​ຣາ​ເບຍ ​ວ່າ ມີຄວາມເປັນໄປໄດ້ສໍາລັບ​ສະ​ຖານ​ທີ່​ຈັດ​ກອງ​ປະ​ຊຸມ​ສຸດຍອດງະຫວ່າງ ທ່ານ ທຣໍາ ແລະ ທ່ານ ປູຕິນ.

ອ່ານຂ່າວດ້ານລຸ່ມນີ້ເແັນພາສາອັງກິດ

Russia's sovereign wealth fund chief Kirill Dmitriev will meet a U.S. delegation in Saudi Arabia on Tuesday to focus on strengthening ties and increased economic cooperation, a source in Riyadh told Reuters.

The meeting involving Dmitriev is the first confirmation that the U.S.-educated former Goldman Sachs banker will be involved in talks with the United States.

U.S. Secretary of State Marco Rubio is due in Saudi Arabia to meet Russian officials in Saudi Arabia alongside Trump's national security adviser Mike Waltz and White House Middle East envoy Steve Witkoff.

Dmitriev, 49, is an investment banker who studied at Harvard and Stanford in the 1990s. He worked at the U.S. firms Goldman Sachs and McKinsey before returning to Moscow.

Dmitriev ran the U.S. capital-backed private equity firm Delta Equity Partners in Russia before being appointed by Putin to head the RDIF, which was created in 2011 to facilitate foreign investment in Russia.

He played a role in early contacts between Moscow and Trump’s team when Trump was first elected president in 2016, as well as in building Russia's relationship with Saudi Arabia, which led to an OPEC+ oil price agreement.

Dmitriev has met several times with Saudi Crown Prince Mohammed bin Salman, who also played a role in mediating last week's prisoner exchange between Russia and the U.S.

Saudi Arabia has been mentioned by both sides as a likely venue for the planned Putin-Trump summit.