ໜັງສືພິມ ໂນວາຢາ ກາເຊຕາ (Novaya Gazeta) ຂອງຣັດເຊຍ ກ່າວໃນມື້ວັນຈັນວານນີ້ວ່າ ຕົນໄດ້ໂຈະການນໍາສະເໜີຂ່າວທາງອອນລາຍນ໌ແລະທາງໜັງສືພິມ ຈົນກວ່າສົງຄາມຢູ່ໃນ ຢູເຄຣນ ຈະສິ້ນສຸດລົງ.
ການຕັດສິນໃຈດັ່ງກ່າວ ມີຂຶ້ນລຸນຫຼັງທີ່ສື່ມວນຊົນອິດສະຫຼະ ເຊິ່ງບັນນາທິການຄື ທ່ານ ດິມິທຣີ ມູຣາຕອບ (Dmitry Muratov), ໄດ້ຮັບລາງວັນໂນແບລ ຂະ
ແໜງສັນຕິພາບ ປະຈໍາປີ 2021, ໄດ້ຮັບຄໍາເຕືອນອີກຄັ້ງຈາກອົງການຄວບຄຸມ ສື່ມວນຊົນ ໂຣສກອມເນດເຊີ (Roskomnadzor).
“ພວກເຮົາໄດ້ໂຈະການນໍາສະເໜີຂ່າວສານຢູ່ທາງເວັບໄຊທ໌ຂ່າວຂອງພວກເຮົາ, ເຄືອຂ່າຍຂອງສື່ສັງຄົມອອນລາຍ ແລະ ການຕີພິມ ຈົນກວ່າຈະສິ້ນສຸດ ‘ປະຕິ ບັດການພິເສດຢູ່ໃນດິນແດນຂອງຢູເຄຣນ,” ຂ່າວໜັງສືພິມທີ່ຂຽນຢູ່ໃນເວັບໄຊທ໌ ໂດຍໃຊ້ຄໍາສັບທີ່ເປັນທາງການຂອງຣັດເຊຍ ໃນການຮຸກຮານຢູເຄຣນ.
ອົງການຂ່າວຂອງລັດຖະບານຣັດເຊຍລາຍງານວ່າ ໜ່ວຍງານຄວບຄຸມໄດ້ອອກຄໍເຕືອນເຖິງ ໂນວາຢາ ກາເຊຕາ ເປັນຄັ້ງທີສອງວ່າ ດ້ວຍຄວາມລົ້ມແຫຼວ ໃນການລະບຸອົງກອນ ທີ່ບໍ່ຂຶ້ນກັບລັດຖະບານນັ້ນ ເຫັນວ່າ ເປັນການເຜີຍແຜ່ຂ່າວ ສານໂດຍເຈົ້າໜ້າທີ່ “ໂຕແທນຂອງຕ່າງປະເທດ.”
ອີງຕາມລາຍງານຂອງອົງການຂ່າວຝຣັ່ງທີ່ວ່າ ສານ ມີອໍານາດປິດສື່ມວນຊົນ ຖ້າຫາກພວກເຂົາເຈົ້າໄດ້ຮັບການເຕືອນເຖິງສອງເທື່ອໃນປີດຽວ.
ຜູ້ສັງເກດການແລະພວກເຈົ້າໜ້າທີ່ທີ່ຕິດຕາມເບິ່ງການເຄື່ອນໄຫວຂະໜາດໃຫຍ່ ໃນການຕອບໂຕ້ກ່ຽວກັບການລາຍງານຂ່າວສົງຄາມຢູ່ໃນ ຢູເຄຣນ ຂອງໜັງສືພິມ, ແລະການມີສ່ວນຮ່ວມຂອງ ມູຣາຕອບ ໃນການສໍາພາດ ກັບປະທານາທິ ບໍດີ ຢູເຄຣນ ທ່ານໂວໂລດີເມຍ ເຊເລັນສກີ ໃນມື້ວັນອາທິດແລ້ວນີ້.
ໂຣສກົມນາດເຊີ ໄດ້ອອກຄໍາເຕືອນຕໍ່ສື່ມວນຊົນ ບໍ່ໃຫ້ນຳອອກເຜີຍແຜ່ການສໍາພາດທ່ານເຊເລັນສກີ ແລະນັກຂ່າວຣັດເຊຍ.
ໃນຂໍ້ຄວາມທີ່ສົ່ງເຖິງຜູ້ອ່ານນັ້ນ, ທ່ານ ມູຣາຕອບ ກ່າວເຖິງການຕັດສິນໃຈ ໃນການໂຈະການດໍາເນີນງານຕ່າງໆ ແມ່ນມີຄວາມຍາກ ແຕ່ຈໍາເປັນ.
“ມັນບໍ່ມີທາງເລືອກອື່ນເລີຍ,” ຂໍ້ຄວາມໃນໜັງສືກ່າວ. “ສໍາລັບພວກເຮົາ, ພວກເຈົ້າ, ມັນເປັນການຕັດສິນໃຈທີ່ຂີ້ຮ້າຍ ແລະຍາກຫຼາຍ.”
