ລິ້ງ ສຳຫລັບເຂົ້າຫາ

ວັນຈັນ, ໑໕ ກໍລະກົດ ໒໐໒໔

ຣັດເຊຍ ລາຍງານວ່າ ໄດ້ຍິງເຮືອບິນບໍ່ມີຄົນຂັບຂອງຢູເຄຣນ ຕົກ 30 ລໍາ


ສົງຄາມລະຫວ່າງ ຣັດເຊຍ ແລະ ຢູເຄຣນ
ສົງຄາມລະຫວ່າງ ຣັດເຊຍ ແລະ ຢູເຄຣນ

ເຈົ້າ​ໜ້າ​ທີ່ຣັດ​ເຊຍ​ລາຍ​ງານ​ໃນ​ວັນ​ຈັນວານ​ນີ້​ວ່າ ຢູ​ເຄຣນ​ໄດ້​ນໍາ​ໃຊ້​ເຮືອບິນບໍ່ມີຄົນຂັບ 30 ລຳ ​ໃນ​ການ​ໂຈມ​ຕີ​ຊ່ວງຂ້າມ​ຄືນ​ໃສ່​ສອງ​ເຂດທີ່​ໃກ້ກັບ​ຊາຍ​ແດນ​ລະຫວ່າງ​ສອງ​ປະ​ເທດ.

ກະ​ຊວງ​ປ້ອງ​ກັນ​ປະ​ເທດ​ຣັດ​ເຊຍ​ກ່າວ​ວ່າ ຕົນ​ໄດ້​ຍິງ​ເຮືອບິນບໍ່ມີຄົນຂັບ 29 ລຳ​ຕົກ ​ຢູ່​ເຂດ ເບລໂກຣອດ (Belgorod) ແລະ​ອີກ​ນຶ່ງລໍາ​ຢູ່​ເໜືອເມືອງ ໂວໂຣເນັຊ (Voronezh).

ທ່ານ ວີຢາເຊັສລາບ ກລາດກອບ (Vyacheslav Gladkov), ຜູ້ປົກຄອງ​ພາກ​ພື້ນ ເບລໂກຣອດ (Belgorod) ກ່າວ​ວ່າ ​ຊາກ​ຫັກ​ພັງ​ທີ່​ຕົກ​ມາຈາກ​ເຮືອບິນ​ບໍ່​ມີ​ຄົນ​ຂັບ​ທີ່​ຖືກ​ຍິງ​ຕົກ​ນັ້ນ ໄດ້​ເຮັດ​ໃຫ້​ຫລາຍ​ຄົນ​ໄດ້​ຮັບ​ບາດ​ເຈັບ ​ແລະ​ຕຶກ​ອາຄານ​ໄດ້​ຮັບ​ຄວາມ​ເສຍ​ຫາຍ.

ເບລໂກຣອດ (Belgorod) ​ໄດ້ຕົກເປັນ​ເປົ້າ​ໝາຍຂອງ​ການ​ໂຈມ​ຕີ​ທາງ​ອາກາດ​ຂອງ​ຢູ​ເຄຣນເປັນປະຈຳ ​ໂດຍ​ມີ​ທີ່​ຕັ້ງ​ຢູ່​ຂ້າມຊາຍ​ແດນ ​ແລະ​ໃກ້ໆ​ກັບ​ເຂດ ຄາກີບ (Kharkiv) ຂອງ​ຢູ​ເຄຣນ ບ່ອນ​ທີ່​ກອງ​ກຳລັງ​ຣັດ​ເຊຍ​ໄດ້ເຂົ້າຄວບຄຸມພື້ນທີ່ ໃນການ​ບຸກ​ໂຈມ​ຕີ​ທາງ​ອາກາດ​ໃນ​ບໍ່ເທົ່າໃດເດືອນທີ່​ຜ່ານ​ມາ.

ຢູ່ທີ່ເມືອງ ໂວໂຣເນັຊ (Voronezh), ເຈົ້າຄອງນະຄອນ ທ່ານ ອາເລັກຊານເດີ ກູເຊັບ (Aleksandr Gusev) ໄດ້ລາຍງານເຫດໄຟໄໝ້ສະຖານທີ່ຂອງໂຮງງານອຸດສາຫະກຳ ທີ່ມີສາເຫດມາຈາກເຮືອບິນບໍ່ມີຄົນຂັບຕົກ. ທ່ານ ກູເຊັບ (Gusev) ກ່າວວ່າບໍ່ມີການບາດເຈັບໃດໆ.

ອ່ານຂ່າວນີ້ເປັນພາສາອັງກິດ:

ຟໍຣັມສະແດງຄວາມຄິດເຫັນ

XS
SM
MD
LG