ໃນວັນພະຫັດມື້ນີ້ປະທານາທິບໍດີຣັດເຊຍ ທ່ານ Dmitry Medvedev ໄດ້ສະເໜີການປະ
ຕິຮູບທາງການເມືອງຮອບໃໝ່ຫລັງຈາກໄດ້ມີການປະທ້ວງຫລາຍໆຄັ້ງໂດຍພວກເດີນຂະ
ບວນຫລາຍພັນຄົນກ່ຽວການເລືອກຕັ້ງທີ່ຖືກກ່າວຫາວ່າມີການສໍ້ໂກງຄະແນນສຽງນັ້ນ.
ໃນລະຫວ່າງການກ່າວຄຳປາໄສ ລາຍງານກ່ຽວກັບສະພາບຂອງປະເທດຊາດ ທີ່ກຸງມົສກູ
ທ່ານ Medvedev ກ່າວວ່າຣັດເຊຍຈຳເປັນຕ້ອງມີປະຊາທິປະໄຕທີ່ອະນຸຍາດໃຫ້ປະຊາຊົນ
ແຕ່ລະຄົນປະກອບສ່ວນເຂົ້າໃນຂັ້ນຕອນທາງການເມືອງໄດ້ ແຕ່ປາສະຈາກການແຊກແຊງ
ຂອງພາຍນອກ.
ນອກນີ້ແລ້ວທ່ານ Medvedev ຍັງໄດ້ສະເໜີຜ່ອນຜັນລະບຽຕ່າງໆກ່ຽວກັບການລົງທະ
ບຽນພັກການເມືອງ ຊຶ່ງທ່ານກ່າວວ່າ ທ່ານສະໜັບສະໜຸນຄໍາສະເໜີຂໍ້ນຶ່ງ ທີ່ພວມໄດ້ຮັບ
ການພິຈາລະນາ ໂດຍນາຍົກລັດຖະມົນຕີ Vladimir Putin ທີ່ຈະອະນຸຍາດໃຫ້ ມີການ
ເລືອກໂດຍກົງເອົາຜູ້ປົກຄອງລັດ ຖ້າຫາກພວກຖືກສະເໜີຊື່ໄດ້ຮັບການອະນຸມັດໂດຍວັງ
ເຄຣມລິນ.
ທ່ານ Medvedev ແລະນາຍົກລັດຖະມົນຕີ Putin ຄັດຄ້ານການເລືອກຕັ້ງເອົາສະມາຊິກ
ສະພາຜູ້ແທນຄັ້ງເມື່ອວັນທີ່ 4 ທັນວານັ້ນ ຊໍ້າອີກ.
ມື້ນຶ່ງຫລັງຈາກການເລືອກຕັ້ງເອົາສະມາຊິກສະພາແຫ່ງຊາດທີ່ພວກນັກສັງເກດການນາໆ
ຊາດ ແລະພວກຜູ້ນໍາຝ່າຍຄ້ານທັງຫລາຍເວົ້າວ່າ ມີການສໍ້ໂກງຄະແນນສຽງນັ້ນ ພວກປະ
ທ້ວງຫລາຍພັນຄົນພາກັນຫລັ່ງໄຫລລົງຖະໜົນຫົນທາງໃນນະຄອນຫລວງມົສກູ ເພື່ອປະ
ນາມນາຍົກລັດຖະມົນຕີ Putin ແລະພັກສາມັກຄີຣັດເຊຍຫຼື United Russia ຂອງທ່ານ.